Клас з паглыбленым вывучэннем кітайскай мовы адкрылі ў Гродне

Клас з паглыбленым вывучэннем кітайскай мовы адкрылі ў Гродне

17
(абноўлена 16:12 31.10.2018)
Дзеці вучаць у якасці асноўнай замежнай мовы не англійскую, на кітайскую добраахвотна пагадзіліся бацькі 15 гродзенскіх трэцякласнікаў.

ГРОДНА, 31 кас - Sputnik, Іна Грышук. Першы ў Гродзенскай вобласці клас, у якім у якасці асноўнай замежнай мовы будуць вывучаць не традыцыйную англійскую, а кітайскую, з'явіўся ў Гродне.
Незвычайны для Гродна клас адкрыўся ў СШ №38, якая лідзіруе ў горадзе па колькасці дзяцей, якія вывучаюць кітайскую мову на факультатыўных занятках. З дзвюх тысяч вучняў каля двухсот займаюцца на кітайскім факультатыве.

У новым класе кітайская мова стане асноўнай замежнай. Вучыцца тут захацелі 15 вучняў трэцяга класа. Рабяты будуць займацца па звычайнай праграме пачатковай школы, але замест урокаў англійскай мовы стануць вывучаць іерогліфы, мастацтва каліграфіі, вучыцца чытаць і гаварыць па-кітайску.

Директор СШ №38 Сергей Киселев
© Sputnik / Инна Гришук
Дырэктар СШ №38 Сяргей Кісялёў

Як распавёў дырэктар школы Сяргей Кісялёў, бацькі добраахвотна захацелі перавесці дзяцей у такі клас, бо лічаць кітайскую мову перспектыўнай і запатрабаванай. Цяпер арганізаваны толькі адзін клас з вывучэннем кітайскай як асноўнай замежнай, ён стаў першым такім у Гродзенскай вобласці. У будучыні школа плануе штогод набіраць па аднаму такому класу. Выкладаць у новым класе будуць беларускія настаўнікі.
На адкрыцці першага ў Гродзенскай вобласці кітайскага класа дзеці спявалі песні з Паднябеснай, а самыя адораныя вучні нават прамаўлялі доўгія вітальныя прамовы.

Учитель китайского языка показал ребятам, как пишется иероглиф, обозначающий слово дружба
© Sputnik / Инна Гришук
Настаўнік кітайскай мовы паказаў прысутным, як пішацца іерогліф, які пазначае слова "сяброўства"

Спецыяльна для кітайскага класа ў школе ўладкавалі спецыяльны кабінет, у якім дзеці будуць пазнаваць мову і культуру ўсходняй краіны. На сценах тут намаляваная Вялікая Кітайская сцяна, усюды вісяць надпісы на кітайскай.

Школьниц учат писать иероглифы
© Sputnik / Инна Гришук
Школьніц вучаць пісаць іерогліфы

Усяго ў Гродне кітайскую мову вывучаюць на факультатывах у дзесяці школах каля 650 дзяцей, трэць з іх - у СШ №38. Яшчэ чатыры гады таму яе хацелі вучыць адзінкі. У аддзеле адукацыі кажуць, што цяпер у горадзе адчуваецца недахоп настаўнікаў кітайскай, таму ў бліжэйшы час плануюць уздымаць гэтае пытанне з ВНУ.

17
Тэги:
школа, Адукацыя, кітайская мова, Гродна
Перад здачай ЦТ у Мінску

Сталі вядомыя вынікі ЦТ па грамадазнаўству

2
(абноўлена 15:04 10.07.2020)
У асноўным тэсціраванне па гэтым прадмеце трэба было здаваць абітурыентам, накіраваным на вывучэнне юрыспрудэнцыі.

МІНСК, 10 ліп - Sputnik. Вынікі цэнтралізаванага тэсціравання (ЦТ) па грамадазнаўстве сталі вядомыя ў пятніцу.

ЦТ у Мінску
© Sputnik / Виктор Толочко

Цэнтралізаванае тэсціраванне - асноўны этап уступнай кампаніі ў ВНУ Беларусі: абітурыенты здаюць выпрабаванні па выбраных прадметах, а затым падаюць сертыфікаты з вынікамі разам з атэстатам у прыёмныя камісіі.

Вынікі цэнтралізаванага тэсціравання (ЦТ) па грамадазнаўстве сталі вядомыя днём у пятніцу. Першымі свае балы даведаліся абітурыенты, падпісаныя на смс-рассылку, затым яны будуць загружаныя і на сайт Рэспубліканскага інстытута кантролю ведаў (РІКВ).

Для здачы грамадазнаўства зарэгістравалі каля 12 тысяч чалавек.

У асноўным тэсціраванне па гэтым прадмеце трэба было здаваць абітурыентам, нацэленым на вывучэнне юрыспрудэнцыі.

Раней сталі вядомыя таксама вынікі ЦТ па рускай і беларускай мовах. Неўзабаве, як чакаецца, павінны з'явіцца вынікі ЦТ па біялогіі.

2
Тэги:
ЦТ, Уступная кампанія, Беларусь
Тэмы:
Абітурыент - 2020
Тэст-сістэмы для дыягностыкі новага каронавіруса

Новая статыстыка Мінздароўя: за суткі выяўлена 193 выпадкі каронавіруса

4
(абноўлена 14:20 10.07.2020)
Колькасць грамядзян, якія паправіліся і выпісаныя, па дадзеных міністэрства аховы здароўя на пятніцу, складае больш за 54 тысячы чалавек.

МІНСК, 10 ліп - Sputnik. Беларускія медыкі за суткі выявілі 193 новыя выпадкі каронавіруса COVID-19, паведамілі ў пятніцу ў Міністэрстве аховы здароўя рэспублікі.

Да раніцы пятніцы ў Беларусі праведзена каля 1,112 мільёнаў тэстаў на каронавіруса. За суткі зроблена парадку 12 тысяч даследаванняў.

Зарэгістравана ужо 64 604 выпадкі каронавіруса, за мінулыя суткі колькасць выяўленых павялічылася на 193.

Варта адзначыць, што аналагічны прырост назіраецца апошнія некалькі дзён: менш за 200 выпадкаў у дзень.

Паправіліся і выпісаныя ўжо 54 254 пацыента, якія перанеслі COVID-19. За суткі колькасць здаровых вырасла на 645 чалавек.

"За ўвесь перыяд распаўсюджвання інфекцыі на тэрыторыі краіны памерлі 454 пацыента з шэрагам хранічных захворванняў з выяўленай каронавіруснай інфекцыяй", - адзначылі ў Міністэрстве аховы здароўя.

Такім чынам, за дзень зарэгістравана пяць новых смяротных вынікаў.

Чытайце таксама:

4
Тэги:
Міністэрства аховы здароўя Рэспублікі Беларусь, каронавірус, Беларусь
Тэмы:
Каронавірус COVID-19
Праца за камп'ютарам, архіўнае фота

Сачыць за рэгістрацыяй кандыдатаў у прэзідэнты можна будзе анлайн

0
(абноўлена 16:10 10.07.2020)
Пасяджэнне Цэнтральнай выбарчай камісіі, на якім абмяркуюць рэгістрацыю кандыдатаў, запланавана на бліжэйшы аўторак.

МІНСК, 10 ліп - Sputnik. Цэнтрвыбаркам будзе трансляваць сваё пасяджэнне, на якім будуць разгледжаны пытанні рэгістрацыі кандыдатаў у прэзідэнты.

Цэнтрвыбаркам у гэтыя дні праводзіць праверку пададзеных патэнцыяльнымі кандыдатамі ў прэзідэнты дакументаў. Інфармацыя аб прынятых подпісах ужо вядома, цяпер у спецыяльныя органы накіраваны для удакладнення дэкларацыі.

Пасяджэнне, на якім ЦВК разгледзіць пытанні рэгістрацыі кандыдатаў у прэзідэнты, пройдзе 14 ліпеня - у апошні дзень, які дапускаецца для гэтага па законе.

Мерапрыемства, як і папярэднія пасяджэнні Цэнтрвыбаркама, пройдуць без прэсы, аднак будзе арганізавана прамая трансляцыя - за ёй зможа назіраць любы ахвотны.

Нагадаем, дакументы для рэгістрацыі кандыдатамі ў прэзідэнты падалі Аляксандр Лукашэнка, Віктар Бабарыка, Валерый Цапкала, Ганна Канапацкая, Сяргей Чарэчань, Андрэй Дзмітрыеў і Святлана Ціханоўская.

З гэтага спісу толькі ў Цапкалы "залічана" подпісаў менш, чым патрабуецца для рэгістрацыі кандыдатам. Калі ў астатніх прэтэндэнтаў не будзе выяўлена парушэнняў у дэкларацыях, то яны могуць быць зарэгістраваныя. Зрэшты, як заявіла кіраўнік ЦВК Лідзія Ярмошына, з-за недакладнай дэкларацыі могуць і не адмаўляць - гэта не абавязак, а права камісіі.

Адразу пасля рэгістрацыі кандыдатаў пачнецца перадвыбарчая агітацыя. Выбары прэзідэнта Беларусі пройдуць 9 жніўня.

0
Тэги:
ЦВК Рэспублікі Беларусь, Беларусь, Выбары
Тэмы:
Выбары прэзідэнта Беларусі - 2020