Міністр унутраных спраў Ігар Шуневіч

Беларускія міністры едуць у рэгіёны пагутарыць з людзьмі

10
(абноўлена 12:40 08.11.2018)
У лістападзе выязныя прыёмы ладзяць міністры ўнутраных і замежных спраў, абароны, юстыцыі, а таксама міністр транспарту і камунікацый і ўпаўнаважаны па справах рэлігій і нацыянальнасцяў.

МІНСК, 8 ліс - Sputnik. Кіраўнікі шэрагу міністэрстваў і іншых арганізацый, падпарадкаваных ураду, правядуць у лістападзе выязныя прыёмы грамадзян. Графік прыёму міністраў апублікаваны на сайце Саўміна.

Задаць пытанне кіраўніку МУС Ігару Шуневічу змогуць жыхары Кармянскага раёна. Сустрэча пройдзе 16 лістапада ў мясцовым райвыканкаме.

У гэты ж дзень у Бешанковіцкім раёне правядзе прыём міністр юстыцыі Алег Сліжэўскі, а ўпаўнаважаны па справах рэлігій і нацыянальнасцяў Леанід Гуляка будзе размаўляць з грамадзянамі ў Быхаўскім раёне.

Міністр абароны Андрэй Раўкоў адкажа на пытанні жыхароў Гродне 22 лістапада, прыём адбудзецца ў мясцовым райвыканкаме. На наступны дзень - 23 лістапада - міністр транспарту і камунікацый Анатоль Сівак будзе гатовы пагутарыць з жыхарамі Дзяржынскага раёна.

Нарэшце, 27 лістапада адбудзецца выязны прыём міністра замежных спраў Уладзіміра Макея, які ў гэты дзень будзе сустракацца з грамадзянамі ў Асіповіцкім райвыканкаме. 

10
Тэги:
Савет міністраў РБ, Беларусь
Каментары