Гарадскі кірмаш вакансій

Улады хочуць узмацніць кантроль за размеркаваннем выпускнікоў

18
(абноўлена 10:35 12.11.2018)
Мінадукацыі прапануе прымаць "вычарпальныя меры па спагнанні сродкаў" з тых, хто ўхіляецца ад размеркавання.

МІНСК, 12 ліс - Sputnik. Кантроль за выпускнікамі ВНУ і ССНУ, якія ўхіляюцца ад размеркавання, хочуць узмацніць у Беларусі, адпаведны ліст Мінадукацыі быў накіраваны ў аблвыканкамы, асацыяцыю наймальнікаў і шэраг іншых арганізацый.

Ліст за подпісам першага намесніка міністра адукацыі Ірыны Старавойтавай накіраваны падпарадкаваным ураду арганізацыям, абласным выканкамам, Нацыянальнай акадэміі навук, асацыяцыі наймальнікаў, а таксама саветам кіраўнікоў сярэдніх спецыяльных і вышэйшых навучальных устаноў.

Дрэнна працуюць з заказчыкамі кадраў

Старавойтава ў лісце нагадвае пра адно з даручэнняў Саўміна: досыць вялікая колькасць выпускнікоў- "адмоўнікаў" сведчыць аб "недастатковай рабоце ўстаноў адукацыі з самімі выпускнікамі і заказчыкамі кадраў, а таксама аб невыкананні ў поўным аб'ёме замовы на падрыхтоўку кадраў".

У сувязі з гэтым у Мінадукацыі запатрабавалі "дэталёва разабрацца па кожным факце непрыбыцця выпускніка да месца працы", а таксама "прыняць вычарпальныя меры па спагнанні сродкаў, затрачаных на яго навучанне".

Таксама да 15 лістапада ведамства чакае прапаноў па выпрацоўцы мер па выключэнні фактаў "неабгрунтаванага непрыбыцця да месца працы" выпускнікоў у далейшым.

Новая сістэма адукацыі?

Старавойтава таксама папрасіла адрасатаў ліста вывучыць нямецкі досвед з укараненнем дуальнай сістэмы адукацыі, а таксама пазначыць арганізацыі, якія былі б у ім зацікаўленыя.

Як растлумачылі ў Мінадукацыі, пры дуальнай адукацыі студэнты атрымліваюць тэарэтычныя веды ва ўніверсітэце (або ССНУ), а практычныя - на працоўным месцы. Пры гэтым усё навучанне аплачваецца прадпрыемствам, а навучэнцы з першага дня атрымліваюць зарплату.

У Германіі, адзначылі ў ведамстве, школьнікі падаюць заяўкі на падобную праграму навучання за год да паступлення. Усяго ў ФРГ дзейнічаюць каля паўтары тысячы дуальных праграм вышэйшай адукацыі. Падобную практыку падумваюць прымяніць і ў Беларусі. Аднак гатовыя ў Мінадукацыі і да іншых прапаноў.

"Акрамя таго, просім падаць прапановы па механізмах прыцягнення арганізацый - заказчыкаў кадраў, незалежна ад формы ўласнасці, да ўдзелу ў суфінансаванні падрыхтоўкі кадраў, а таксама механізмаў стымулявання арганізацый на інвеставанне сродкаў у падрыхтоўку, перападрыхтоўку, павышэнне кваліфікацыі спецыялістаў, рабочых, служачых, умацаванне матэрыяльна-тэхнічнай базы ўстаноў адукацыі", - гаворыцца ў лісце.

Хоць ведамства і ўзялося за вырашэнне праблемы з вялікай колькасцю "адмоўнікаў", хуткіх зменаў чакаць наўрад ці атрымаецца: ужо ў рамках дзеючага заканадаўства ўлады змогуць запатрабаваць з іх затрачаныя на навучанне сродкі. Укараненне ж дуальнай сістэмы запатрабуе карэкціровак у заканадаўстве, што зойме некаторы час.

Чытайце таксама:

18
Тэги:
размеркаванне, ВНУ, Беларусь
Сабор Успення Дзевы Марыі

Перадаць касцёл: біскуп Велікаселец правёў сустрэчу з губернатарам Зайцам

6
(абноўлена 19:46 26.02.2021)
Беларускія каталікі просяць улады перадаць у бязвыплатнае карыстанне шэраг культавых будынкаў у Магілёўскай вобласці.

МІНСК, 28 лют – Sputnik. Перадачу магілёўскага кафедральнага касцёла вернікам у бязвыплатнае карыстанне абмеркавалі на сустрэчы старшыня Магілёўскага аблвыканкама Леанід Заяц і апостальскі адміністратар Мінска-Магілёўскай архідыяцэзіі біскуп Казімір Велікаселец, паведамілі ў аблвыканкаме.

Гэта адна з першых сустрэч біскупа Велікасельца з беларускімі чыноўнікамі ў новым статусе. Як раней паведамлялася, пантыфік 3 студзеня прыняў адстаўку арцыбіскупа Мінскага Тадэвуша Кандрусевіча і прызначыў генеральнага вікарыя Пінскай рымска-каталіцкай епархіі, біскупа Казіміра Велікасельца апостальскім адміністратарам Мінска-Магілёўскай архідыяцэзіі. Яшчэ ў траўні 2020 года яму споўнілася 75 гадоў, але Папа Рымскі дазволіў яму працягваць выконваць свае функцыі наступныя два гады.

"Падчас сустрэчы дэталёва абмяркоўвалася тэма статусу магілёўскага кафедральнага касцёла ў кантэксце перадачы яго прыхаджанам ў бязвыплатнае карыстанне", - паведамілі Sputnik у Магілёўскім абласным выканаўчым камітэце.

Там таксама адзначылі, што губернатар Заяц і біскуп Велікаселец сярод іншых абмеркавалі пытанне далейшага лёсу прыбудовы да касцёла Беззаганнага Зачацця Найсвяцейшай Панны Марыі ў Бабруйску.

На сустрэчы Заяц падкрэсліў, што ў рэгіёне няма рознагалоссяў на міжрэлігійнай глебе. Бакі таксама адзначылі, што асноўная місія канфесій і ўлады - "гэта служэнне народу".

Пасля сустрэчы з губернатарам Казімір Велікаселец пагутарыў з прэсай, на якой заявіў, што працуе ў Беларусі даўно і заўсёды знаходзіў агульную мову з выканаўчай уладай.

Сабор Успення Дзевы Марыі, кафедральны касцёл у Магілёве з'яўляецца помнікам архітэктуры ў стылі барока, пабудаваны ў 1738-1752 гадах. Сабор стаіць на месцы былога кляштара кармелітаў. У 1956 годзе сабор быў зачынены, у ім размясціўся Цэнтральны гістарычны архіў БССР. У пачатку 1990-х гадоў будынак сабора быў вернуты вернікам, рэстаўрацыя ішла аж да 1994 года.

Чытайце таксама:

6
Тэги:
Леанід Заяц, Губернатар, Казімір Велікаселец, касцёл
Кашалёк з грашыма

Белстат падлічыў сярэднюю зарплату беларусаў за студзень 2021 года

29
(абноўлена 19:32 26.02.2021)
У параўнанні са снежнем 2020 года сярэдняя заработная плата беларусаў паменшылася амаль на 185 рублёў.

МІНСК, 27 лют – Sputnik. Сярэдні заробак беларускіх работнікаў у студзені 2021 года склаў 1290 беларускіх рублёў. Такія дадзеныя апублікаваў Нацыянальны статыстычны камітэт. Гэта 496 долараў па бягучым курсе Нацбанка.

У параўнанні са снежнем 2020-га сярэдняя заработная плата паменшылася амаль на 185 рублёў: тады яна складала 1474,6 рублі.

Мінімальную заработную плату павялічылі ў Беларусі з 1 студзеня 2021 года да 400 рублёў. У канцы мінулага года парламентарыі прапанавалі лічыць "мінімалку" па-новаму: устанаўліваць яе "не ніжэй за 30% ад прагназуемага ўзроўню намінальнай заработнай платы на 2021 год па рэспубліцы".

У цэлым, за 2020 год прыбыткі беларусаў павялічыліся на 8% у параўнанні з 2019-м. Міністр эканомікі Беларусі Аляксандр Чарвякоў заявіў, што ўзровень даходаў у мінулым годзе вырас на 4%, а заработная плата падрасла на 8%.

Разам з тым ён сказаў, што праблемы мінулага года перайшлі і ў 2021-ы. У прыватнасці, сфера паслуг паказала адмоўны вынік. Тым не менш, эканоміка рэспублікі прадэманстравала больш чым 1% прыросту.

Чытайце таксама:

29
Тэги:
беларусы, зарплата, Белстат

Канадскі пенсіянер ператварыў хаду па снезе ў мастацтва - відэа

0
(абноўлена 19:46 26.02.2021)
Хаду на снегаступах мужчына ператварае ў сапраўднае мастацтва і здымае фантастычныя ўзоры, якія застаюцца на снезе пасля прагулкі. Паглядзіце, якая прыгажосць - і таксама канчайце сумаваць!

Каб не сумаваць ў пандэмію, канадскі пенсіянер адпраўляецца на прагулкі па заснежаных прасторах.

На шпацыр ён абувае снегаступы - мабыць, самае старажытнае прыстасаванне для перамяшчэння па заснежаным покрыве. Дзякуючы шырокай "падэшве", ціск на снег зніжаецца, што дазваляе шпацыраваць, не правальваючыся. А можна ствараць на снезе сапраўдныя творы мастацтва!

Перш, чым "намаляваць" узор на снезе, канадзец рыхтуе праект з дапамогай кампьютэрнай праграмы. У выніку атрымліваюцца па-сапраўднаму маштабныя праекты. Самы вялікі ўзор у дыяметры - 400 метраў!

Працы хутка растаюць, таму мужчына здымае іх з вышыні, каб і вы маглі палюбавацца гэтай прыгажосцю. Глядзіце відэа Sputnik і таксама адпраўляйцеся на шпацыр, снегу ў Беларусі зараз амаль не менш, чым у Канадзе.

Глядзіце таксама:

0
Тэги:
Канада, Прыгажосць, мастацтва, снег, Пенсіянеры