МІНСК, 27 ліс - Sputnik. Больш за 3,4 мільёна жыхароў Беларусі прышчэплены ад грыпу, паведамілі ў Міністэрстве аховы здароўя рэспублікі.

Кампанія па вакцынацыі насельніцтва ад грыпу стартавала ў краіне на пачатку лістапада. Па дадзеных на 26 лістапада, прышчэплены ўжо больш за 3,4 мільёна чалавек.

"Асаблівая ўвага надаецца правядзенню прафілактычных прышчэпак супраць грыпу найбольш уразлівым кантынгентам насельніцтва, рызыка развіцця ўскладненняў пасля захворвання на грып у якіх вельмі высокая і якія схільныя да высокага рызыку заражэння грыпам", - адзначылі ў Міністэрстве аховы здароўя.

Так, сярод медыцынскіх работнікаў прышчэплена больш за 90%. Таксама ўпор пры вакцынацыі робяць на дзяцей да трох гадоў, беларусаў з хранічнымі захворваннямі, пажылых людзей і цяжарных - у гэтых катэгорыях грамадзян вакцынацыя дасягнула адзнакі ў 70%.

Як удакладнілі ў Міністэрстве аховы здароўя, актыўная фаза кампаніі вакцынацыі працягнецца да канца лістапада.

МІНСК, 2 сак – Sputnik. Прэм'ер-міністр Арменіі прапанаваў грамадзянам правесці новы рэферэндум, які ўнясе канстытуцыйныя папраўкі для пераходу да іншай формы праўлення дзяржавы, пра гэта Нікол Пашынян заявіў на вячэрнім мітынгу сваіх прыхільнікаў на плошчы Рэспублікі.

Пасля канстытуцыйных пераўтварэнняў краіна з парламенцкай сістэмы праўлення пяройдзе да паўпрэзідэнцкай.

Прэм'ер краіны заявіў пра намер правесці датэрміновыя парламенцкія выбары, каб вывесці краіну з палітычнага тупіка.

"Мэта гэтых выбараў адна - мы не будзем шукаць сваёй перамогі ў гэтых выбарах, гэта павінна быць ваша перамога. Перамога павінна быць толькі ў народа, а ўсе астатнія сілы - палітычныя і ўзброеныя - павінны няўхільна падпарадкоўвацца ўладзе, абранай народам", - заявіў Пашынян.

Паралельна з праўладным мітынгам у Ерэване прайшоў мітынг апазіцыі. Ён адбыўся на праспекце Баграмяна - у пары кіламетраў ад плошчы Рэспублікі. Каля будынка парламента сабраліся больш за дзесяць тысяч чалавек.

Патрабаванне апанентаў цяперашняй улады - хутчэйшая адстаўка прэм'ер-міністра і ўсяго кабінета міністраў. На думку апанентаў, урад і парламенцкую большасць працягваюць бяздзейнічаць. Рашэнне сітуацыі апазіцыя бачыць у прызначэнні прэм'ерам на пераходны перыяд адзінага кандыдата ад апазіцыі - ім можа стаць Вазген Манукян.

Крызіс у Арменіі

Чарговы палітычны крызіс разгарэўся ў Арменіі пасля каментарыя прэм'ера Пашыняна аб расійскіх "Іскандэрах". Намеснік начальніка генштаба УС Арменіі, па дадзеных СМІ, высмеяў прэм'ера, за што быў адпраўлены ў адстаўку, следам за ім падаць у адстаўку было прапанавана і начальніку генштаба Оніку Гаспарану.

На мінулым тыдні прадстаўнікі ўзброеных сіл Арменіі зрабілі заяву, якая змяшчае патрабаванне аб адстаўцы самога Пашыняна. Прэм'ер-міністр назваў гэта спробай перавароту і заклікаў сваіх прыхільнікаў выйсці на вуліцы. Тым часам апазіцыя ўзвяла барыкады і арганізавала палатачны лагер ля будынка парламента, да перамоваў яны не гатовы і настойваюць на адстаўцы Пашыняна.

Пазіцыя Расіі

Як патлумачылі ў Мінабароны Расіі, Пашыняна ўвялі ўвялі ў зман наконт "Іскандэраў".

"Па наяўных у нас аб'ектыўных і пэўных звестках, пацверджаных у тым ліку сістэмай аб'ектыўнага кантролю, ні адзін з ракетных комплексаў дадзенага тыпу ў ходзе канфлікту ў Нагорным Карабаху не прымяняўся", - паведаміў афіцыйны прадстаўнік Мінабароны Расіі Ігар Канашэнкаў.

У Крамлі заявілі, што назіраюць за тым, што адбываецца ў Арменіі з трывогай і заклікалі ўсіх да спакою.

Чытайце таксама:

• Праціўнікі Пашыняна ўварваліся ва ўрадавы будынак у Ерэване
• Урэгуляванне ў рамках закона: Крэмль пра сітуацыю ў Арменіі
• Палітычны крызіс у Арменіі: што адбываецца ў краіне зараз