Марыя Васілевіч

Беларуска Васілевіч увайшла ў лік самых спартыўных дзяўчат на "Міс свету"

41
(абноўлена 08:40 01.12.2018)
"Міс Беларусь-2018" атрымала дадатковыя балы, якія будуць улічвацца пры вызначэнні фіналістак конкурсу.

МІНСК, 1 сне - Sputnik. Беларуская прыгажуня Марыя Васілевіч увайшла ў лік самых спартыўных дзяўчат на конкурсе "Міс свету" ў Кітаі, паведамляецца на афіцыйным сайце конкурсу.

У гэтыя дні ў кітайскім Санья праходзіць конкурс прыгажосці "Міс свету". Напярэдадні вызначылася ўладальніца тытула "Міс спорт".

118 удзельніц конкурсу былі падзеленыя на тры каманды: чырвоная, жоўтая і сіняя. Дзяўчаты спаборнічалі ў некалькіх дысцыплінах - бегу, скачках у даўжыню і плаванні.

Посмотреть эту публикацию в Instagram

Публикация от Miss World (@missworld)

У камандных спаборніцтвах перамогу святкавала чырвоная каманда, у якой выступала "Міс Беларусь-2018". Васілевіч таксама апынулася ў ліку шасці прыгажунь, якія змагаліся за галоўны прыз у індывідуальным заліку.

Посмотреть эту публикацию в Instagram

Публикация от Maria Vasilevich (@by_vasilevich)

Тытул "Міс спорт" атрымала прадстаўніца ЗША Марыс Бутлер. Акрамя таго, яна аўтаматычна трапіла ў фінал галоўнага шоу, якое адбудзецца 8 снежня.

Васілевіч дзякуючы трапленню ў топ намінацыі "Міс спорт" атрымала дадатковыя балы, што дае ёй больш шанцаў пазмагацца за карону "Міс свету".

41
Тэги:
Конкурс прыгажосці, Марыя Васілевіч
Лячэнне пацыентаў c COVID-19

Апублікавана свежая статыстыка па каронавірусе: за суткі 1 191 хворы

0
(абноўлена 16:36 25.02.2021)
За ўвесь перыяд пандэміі ў Беларусі памерлі амаль дзве тысячы чалавек з выяўленай каронавіруснай інфекцыяй.

МІНСК, 25 лют – Sputnik. За мінулыя суткі ў Беларусі зарэгістраваны 1 191 пацыент з каронавіруснай інфекцыяй - на 88 чалавек менш, чым на дзень раней, паведаміла прэс-служба Міністэрства аховы здароўя рэспублікі.

Па звестках ведамства, за мінулыя 24 гадзіны выпісаны 1 413 пацыентаў, якія ачунялі ад каронавіруса.

"Усяго, ад пачатку пандэміі, у Беларусі былі зарэгістраваны 282 898 чалавек са станоўчым тэстам на каронавірус. Паправіліся 273 146 пацыентаў, у якіх раней быў пацверджаны дыягназ COVID-19", - гаворыцца ў паведамленні.

За ўвесь час распаўсюджвання інфекцыі памерлі 1 948 пацыентаў (плюс дзевяць смярцей за апошнія суткі).

Усяго ў краіне праведзена амаль пяць мільёнаў тэстаў на COVID-19, за мінулыя 24 гадзіны - больш за 17 тысяч ПЦР-даследаванняў.

Вакцынацыя ад каронавіруса

Прышчапляць ад каронавіруса ў рэспубліцы пачалі 29 снежня: першыя ўколы расійскага прэпарата "Спутник V" былі зроблены медработнікам 5-й гарадской клінічнай паліклінікі. Масавая вакцынацыя персаналу бальніц і паліклінік, якія знаходзяцца ў зоне рызыкі, стартавала ў краіне 19 студзеня.

На мінулым тыдні ў краіне адкрыўся папярэдні запіс на прышчэпку супраць каронавіруса. Плануецца, што ўсеагульная масавая вакцынацыя пачнецца ў канцы сакавіка. Прыкладна ў сакавіку-красавіку ў краіне таксама запрацуе вытворчасць вакцыны ад каронавіруса "Спутник V". Беларусь плануе штомесяц выпускаць па 500 тысяч доз расійскага прэпарата.

Раней прэзідэнт Беларусі Аляксандр Лукашэнка паведаміў, што беларуская вакцына будзе гатова да восені.

Вынікі падводзіць пакуль рана

Міністр аховы здароўя Дзмітрый Піневіч раней заявіў, што канчатковыя вынікі па барацьбе з пандэміяй будуць падведзены пасля завяршэння эпідэмічнага сезона, і казаць пра гэта пакуль рана, паколькі ў рэспубліцы цяпер фіксуецца толькі другая хваля. Паводле яго слоў, можа быць і трэцяя, але з менш інтэнсіўным перыядам уздыму. Як патлумачыў Піневіч, многае будзе залежаць ад новых штамаў.

Чытайце таксама:

0
Тэги:
Міністэрства аховы здароўя, Беларусь, Статыстыка, каронавірус
Тэмы:
Каронавірус COVID-19
Машына ДАІ

Калі пачнуць прыходзіць "лісты шчасця" за тэхагляд, распавялі ў ДАІ

8
(абноўлена 14:40 25.02.2021)
Магчымасць фіксаваць адсутнасць тэхагляду і адпраўляць штраф па пошце прадугледжвае абноўлены адміністрацыйны кодэкс, папраўкі ў які ўступяць у сілу з 1 сакавіка.

ГРОДНА, 25 лют – Sputnik. Ці будуць вадзіцелі з 1 сакавіка атрымліваць "лісты шчасця" за адсутнасць тэхагляду, распавялі ў ДАІ Гродна, аказалася, гэтае пытанне выклікала хваляванні ў шматлікіх кіроўцаў.

Інфармацыя пра тое, што з 1 сакавіка ўступаюць у сілу папраўкі ў Кодэкс аб адміністрацыйных правапарушэннях, прымусіла хвалявацца многіх вадзіцеляў. Прычына ў тым, што па новым кодэксе кіроўцаў могуць аштрафаваць за адсутнасць тэхагляду або праезд на чырвонае святло святлафора не толькі інспектары ДАІ, але і з дапамогай камер, якія працуюць у аўтаматычным рэжыме. Гэта значыць, што можна атрымаць "ліст шчасця" не толькі за перавышэнне хуткасці або няправільную паркоўку, але і за адсутнасць тэхагляду.

Як патлумачылі ў прэс-службе ДАІ УУС Гродзенскага аблвыканкама, з 1 сакавіка 2021 года сапраўды ўступаюць у сілу змяненні ў кодэксы. Пасля гэтага толькі адкрываецца прававая магчымасць прыцягнення да адказнасці з дапамогай камер, якія працуюць у аўтаматычным рэжыме, за такія парушэнні, як праезд на чырвоны сігнал святлафора, а таксама машын з не пройдзеным тэхаглядам.

"Аднак з тэхнічнага пункта гледжання ў бліжэйшай перспектыве гэта немагчыма, больш за тое на сённяшні дзень Дзяржаўтаінспекцыяй пытанне аператыўнай рэалізацыі такіх магчымасцей не ставіцца", - адзначаюць у прэс-службе ведамства.

За першыя паўтара месяца 2021 года тэхагляд прайшлі больш як 44 тысяч транспартных сродкаў - на 30% больш, чым за такі ж перыяд 2020-га. Нагадаем, з 1 студзеня ўлады адвязалі дзяржпошліну ад тэхагляду, і кіроўцы пачалі актыўна праходзіць працэдуру допуску да дарожнага руху.

Чытайце таксама:

8
Тэги:
кодэкс, пошта, ДАІ, тэхагляд, лісты