Кадэцкі баль у Магілёве

Калядны кадэцкі баль прайшоў у Магілёве

59
(абноўлена 09:16 18.12.2018)
Традыцыя праводзіць Калядныя кадэцкія балі з'явілася ў Магілёве восем гадоў таму.

МАГІЛЁЎ, 18 сне - Sputnik. Калядны кадэцкі баль прайшоў у залатой залі гарадскога загса: перанесціся ў эпоху галантных кавалераў і вытанчаных дам змаглі выхаванцы Магілёўскага абласнога кадэцкага вучылішча і вучаніцы Магілёўскага абласнога ліцэя № 2.

Традиция проводить Рождественские кадетские балы появилась в Могилеве восемь лет назад
© Sputnik Мария Зуева
Традыцыя праводзіць калядныя кадэцкія балі з"явілася ў Магілёве восем гадоў таму

Падчас балю пары выканалі вальс, польку, мазурку і паланез. Каб падрыхтавацца для адказнага выступлення, юнакі і дзяўчаты правялі два тыдні ўзмоцненых рэпетыцый. Не менш старанна рыхтаваліся касцюмы - парадная форма з беласнежнымі пальчаткамі ў юнакоў і бальныя сукенкі ў дзяўчат.

Пара Аляксей Тымшан і Вольга Сушко "станчыліся" не адразу, нават нягледзячы на наяўнасць харэаграфічнага вопыту. Удзельнікі балю цяпер упэўненыя, што класічны танец патрабуе максімальнай аддачы. На іх думку, памылкі тут недапушчальныя. Быць на вышыні можна толькі пры поўнай аддачы, а яшчэ даверы партнёраў.

Ольга Сушко и Алексей Тымшан считают, что главное в танце – это доверие
© Sputnik Мария Зуева
Вольга Сушко і Аляксей Тышман лічаць, што галоўнае ў танцах - гэта давер

"Тэхніка - гэта вельмі важна ў танцы. Але, мне здаецца, што ўсё ж такі самае галоўнае - гэта давер. Калі ты ведаеш, што цябе не ўпусцяць, не наступяць табе на нагу", - падзялілася Вольга.

Для кадэтаў уменне танцаваць заўсёды было абавязковым. У вучылішчы, акрамя агульнаадукацыйнай праграмы, ваеннай і фізічнай падрыхтоўкі, харэаграфія з'яўляецца неад'емнай часткай навучання.

Партнерами на белом танце стали представители власти, таможни, милиции
© Sputnik Мария Зуева
Партнёрамі на белым танцы сталі прадстаўнікі ўлады, мытні, міліцыі

Калядны кадэцкі баль заўсёды праходзіць з удзелам вялікай колькасці гасцей. Сярод іх быў і намеснік міністра спорту і турызму Беларусі Аляксандр Барауля. Ад імя ведамства ён падарыў вучылішчу сертыфікат на набыццё комплексу сілавых трэнажораў.

Традыцыя на кожным балі - гэта выкананне белага танца. Ёй не сталі змяняць і на гэты раз. Падчас белага танца кадэты зрабілі перадышку, а іх партнёркі запрасілі павальсіраваць гасцей.

59
Тэги:
баль, Каляды, Магілёў

Грамадства