Лукашэнка незадаволены развіццём гарадоў-спадарожнікаў

© Sputnik / Виталий Тимкив / Перайсці ў медыябанкБудаўніцтва шматпавярховых дамоў
Будаўніцтва шматпавярховых дамоў - Sputnik Беларусь
Падпісацца
Па словах прэзідэнта, з 2012 года справа не прасунулася далей аднаго здадзенага дома ў Смалявічах.

МІНСК, 20 сне - Sputnik. Прэзідэнт Беларусі Аляксандр Лукашэнка раскрытыкаваў тэмпы рэалізацыі праграмы па развіццю гарадоў-спадарожнікаў Мінска, пра гэта ён заявіў на нарадзе з актывам сталіцы ў чацвер.

Высотны дом, архіўнае фота - Sputnik Беларусь
Лукашэнка распавёў, колькі павінна каштаваць жыллё

Гэта мерапрыемства кіраўнік дзяржавы анансаваў напрыканцы лістапада пры прызначэнні новага мэра Мінска Анатоля Сівака.

Падчас гутаркі з актывам Мінска прэзідэнт заявіў пра недастатковыя тэмпы рэалізацыі праграмы па развіццю гарадоў-спадарожнікаў. Ён нагадаў: некалькі гадоў таму вырашылі зрушыць апорныя кропкі мінскай агламерацыі ў бок Дзяржынска, Заслаўя, Лагойска, Смалявічаў, Фаніпаля і Рудзенска.

"Аднак з 2012 года справа не прасунулася далей аднаго здадзенага дома ў Смалявічах. Яна і не зрушыцца, калі Дзяржаўная праграма па вынасу вытворчых аб'ектаў правалена. А перанос запланаваных 12 прадпрыемстваў (напрыклад, "Беларускія шпалеры", абутковая фабрыка "Прамень", Мінскі завод ацяпляльнага абсталявання і іншыя) прыцягнуў бы ў рэгіёны працоўную сілу", - заявіў Лукашэнка, яго словы прывяла БелТА.

Тэму развіцця гарадоў-спадарожнікаў прэзідэнт уздымаў 23 лістапада на нарадзе па развіццю будаўніцтва. Тады Лукашэнка запатрабаваў ад урада неадкладна прыступіць да выканання прынятых рашэнняў па развіццю гарадоў-спадарожнікаў з павелічэннем аб'ёмаў будаўніцтва жылля.

"Акрамя таго, там адначасова трэба ствараць адпаведную інжынерна-транспартную і сацыяльную інфраструктуру", - даручаў беларускі лідар.

Дзяржаўная праграма па развіццю гарадоў-спадарожнікаў была зацверджана ў ліпені 2010 года. Тады былі вызначаны гарады, якія ўдзельнічаюць у праграме: прамысловыя - Дзяржынск, Жодзіна і Фаніпаль; аграпрамысловыя - Смалявічы, Стоўбцы, Узда і Рудзенск; турысцка-рэкрэацыйныя - Заслаўе і Лагойск.

Стужка навiн
0