Беларусь павялічыла квоты на прадастаўленне статусу бежанцаў

© Sputnik / Юлия БалкиреваБеларусь павялічыла квоты на прадастаўленне статусу бежанцаў
Беларусь павялічыла квоты на прадастаўленне статусу бежанцаў - Sputnik Беларусь
Падпісацца
У наступным годзе хадайніцтвы аб прадастаўленні статусу бежанца, дадатковай абароны або прытулку змогуць атрымаць 900 чалавек.

МІНСК, 30 сне - Sputnik. Беларусь устанавіла квоты на прадастаўленне статусу бежанцаў у 2019 годзе, адпаведную пастанову МУС апублікавала на Нацыянальным прававым інтэрнэт-партале.

У адпаведнасці з дакументам, у наступным годзе краіна можа прыняць на 100 чалавек больш, чым у 2018 годзе.

МУС на 2019 г. павялічыла квоты рэгістрацыі хадайніцтваў аб наданні статусу бежанца, дадатковай абароны або прытулку: па 190 чалавек могуць падаць заявы ў Віцебскай і Гомельскай абласцях, у Мінскай і Магілёўскай - па 130, у Брэсцкай вобласці прымуць 150 чалавек, а менш за ўсё - 110 жадаючых атрымаць статус мігранта - змогуць у Гродзенскай вобласці.

Усяго статус бежанца у 2019 годзе змогуць атрымаць 900 чалавек, што на 100 чалавек больш, чым у 2018 і 2017 гадах.

Максімальную колькасць бежанцаў Беларусь была гатовая прыняць у 2016 і 2015 гадах - па за 1200 чалавек штогод. Скарачэнне колькасці бежанцаў МУС тады патлумачыла аб'ектыўнымі прычынамі - краіна проста не можа прыняць вялікую колькасць людзей, ды і неабходнасці ў гэтым няма.

У 2013 і 2014 ліміт быў значна менш - па 220 чалавек.

Сярод бежанцаў, а таксама тых, хто звярнуўся за статусам бежанцаў у Беларусі ў бягучым годзе, лідзіруюць грамадзяне Украіны, сярод іх шмат тых, хто ўжо пражылі ў нашай краіне доўгі час.

Стужка навiн
0