Кіраўнік Міністэрства адукацыі Ігар Карпенка

Карпенка: рэвалюцыйных узрушэнняў сістэмы адукацыі не будзе

52
(абноўлена 16:47 01.02.2019)
Міністр адукацыі анансаваў магчымы перагляд навучальнага плана і з'яўленне новых падыходаў не толькі ў сярэдняй, але і ў вышэйшай адукацыі.

МІНСК, 1 лют - Sputnik. Рэвалюцыйных узрушэнняў сістэмы адукацыі не будзе, заявіў у пятніцу журналістам кіраўнік профільнага ведамства Ігар Карпенка.

Прэзідэнт Беларусі Аляксандр Лукашэнка правёў у пятніцу нараду па пытаннях развіцця нацыянальнай сістэмы адукацыі. Пасля мерапрыемства адзін з яго ўдзельнікаў - міністр адукацыі Ігар Карпенка, распавёў журналістам пра падрабязнасьці дакладу.

Вялікая ўвага

Кіраўнік профільнага ведамства нагадаў, што адукацыі надаецца вялікая ўвага як на ўзроўні прэзідэнта, так і ва ўрадзе.

Асаблівую ўвагу, адзначыў міністр адукацыі, на нарадзе прэзідэнт удзяліў пытанням якасці агульнай сярэдняй адукацыі і зместу вышэйшай адукацыі ў краіне. Некаторыя новаўвядзенні ў сістэме ўжо ёсць.

"Мы ўвялі новую праграму, па якой займаюцца навучэнцы 1-8-х класаў. Маніторым працэс укаранення гэтых праграм, выкарыстання падручнікаў і сёння бачым, што праграмы могуць быць ўдасканалены, можна яшчэ паправіць тыя ж падручнікі, мы гэты працэс вядзем пастаянна", - адзначыў Карпенка, яго словы прывяла БелТА.

Сам міністр бачыць праблему ў тым, як рэалізуецца праграма непасрэдна ў адукацыйным працэсе. Маецца на ўвазе тое, як педагогі выкарыстоўваюць матэрыял, у якіх аб'ёмах даюць хатнія заданні і як вылучаюць галоўныя пазіцыі. Карпенка упэўнены, што пытанне складаецца ў фарміраванні метадычнай культуры і метадычнай пісьменнасці настаўніка.

"У сувязі з гэтым мы дамовіліся, што будзем павышаць кваліфікацыю настаўнікаў праз курсы, праз правядзенне метадычных секцый па розных прадметах. Так, мы пакуль не паспяваем за выданнем падручнікаў выдаваць метадычныя дапаможнікі, ці як мы іх называем, кнігу для настаўніка, якая б лепш раскрывала пазіцыі, як выкласці той ці іншы матэрыял", - анансаваў ён.

Без узрушэнняў

Як адзначыў Карпенка, у міністэрстве плануюць зноў вярнуцца да разгляду структуры вучэбнага плана, а таксама абавязковай колькасці гадзін у тых ці іншых класах школ.

"Вядома ж, рашэнні будуць прымацца з улікам меркаванняў і педагагічнай грамадскасці, і спецыялістаў. Мы мусім усё гэта паглядзець. Закранём і пытанні выніковай атэстацыі, таму што гэта таксама адна з сістэм, якая загружае школьнікаў", - адзначыў Карпенка.

Міністр нагадаў: сёння школьныя іспыты і ўступная кампанія праходзяць у розных формах, што стварае "пэўныя праблемы" з пункту гледжання падрыхтоўкі вучняў да экзаменацыйнай кампаніі.

Для грамадскасці, падкрэсліў Карпенка, не будзе нейкіх рэвалюцыйных узрушэнняў: новыя падыходы і патрабаванні будуць праанансаваныя загадзя.

Вернуцца да праблем ВНУ

Вышэйшая адукацыя на нарадзе таксама абмяркоўвалася. Як нагадаў Карпенка, наборы ў ВНУ прыкметна скарочаныя: калі ў 2011 годзе ў Беларусі навучаліся 430 тысяч студэнтаў, то сёння іх 283 тысячы. Па запатрабаваных спецыяльнасцях у той жа час наборы павялічаны.

Сёння Мінадукацыі займаецца вывучэннем структуры навучальных планаў і праграм па розных спецыяльнасцях.

"У сістэме вышэйшай адукацыі 380 спецыяльнасцяў, і ёсць некаторыя паўторы, дзесьці, напрыклад, школьная праграма паўтараецца. Да прыкладу, курс гісторыі Беларусі ў ВНУ практычна пераклікаецца з курсам школьнай праграмы. Таму неабходная пэўная карэкціроўка", - мяркуе міністр.

Над гэтым цяпер таксама вядзецца праца, падкрэсліў Карпенка. Як і над іншай тэмай - практыка-арыентаванай падрыхтоўкі спецыялістаў, гэта значыць прамога ўзаемадзеяння з заказчыкамі кадраў.

"Шмат што ўжо зроблена ў гэтым кірунку, але трэба будзе яшчэ некаторыя пытанні скарэктаваць і ўкараніць у практыку адукацыйнага працэсу", - сказаў на заканчэнне ён.

52
Тэги:
Беларусь, Ігар Карпенка, Міністэрства адукацыі РБ
Стары горад у Варшаве

Аўтобусныя зносіны паміж Мінскам і Варшавай аднаўляюцца

8
(абноўлена 16:11 03.06.2020)
Першы рэйсавы аўтобус адправіцца ў польскую сталіцу на наступным тыдні, але скарыстацца ім змогуць толькі пэўныя катэгорыі грамадзян.

МІНСК, 3 чэр - Sputnik. Продаж квіткоў на рэйсавы аўтобус да Варшавы аднавіўся, перавозчык - кампанія Ecolines.

Першы рэйс запланаваны на вечар 11 чэрвеня, на 12 чэрвеня запланаваны зваротны рэйс у Мінск. Кошт пытання ў абодвух выпадках - 100 рублёў.

Пакуль патрапіць у Варшаву змогуць толькі пэўныя катэгорыі грамадзян. У прыватнасці, з'язджаць у Польшчу з Беларусі могуць грамадзяне гэтай краіны, дыпламаты, замежнікі, якія з'яўляюцца мужам i жонкай ці дзецьмі палякаў.

Таксама квіток прададуць замежнікам, якія маюць карту паляка або права на пастаяннае або часовае пражыванне на тэрыторыі, студэнты і вучні, якія навучаюцца ў Польшчы, і шэрагу іншых катэгорый грамадзян, поўны пералік апублікаваны на сайце кампаніі.

Абмежаванняў па выездзе з Польшчы ў Беларусь, як сцвярджае перавозчык, няма. Пры гэтым прадпрыемства падкрэслівае, што не нясе ніякай адказнасці за наяўныя ў пасажыра дакументы для перасячэння мяжы.

Згодна з існуючай прапановай на сайце, рэйс Мінск-Варшава будзе выконвацца 4 разы на тыдзень з чацвярга па нядзелю, зваротныя рэйсы з пятніцы па панядзелак. Час у дарозе - каля 10 гадзін.

8
Тэги:
Варшава, Мінск
Урачы здымаюць з сябе сродкі індывідуальнай абароны

Каронавірус у Беларусі: упершыню выпісаных больш, чым новых заражэнняў

22
(абноўлена 15:45 03.06.2020)
Па дадзеных Міністэрства аховы здароўя на раніцу серады, паправіліся і выпісаныя ўжо больш за 20 тысяч пацыентаў.

МІНСК, 3 чэр - Sputnik. Колькасць выяўленых выпадкаў каронавіруса ў Беларусі склала 45116, паведамілі ў сераду ў Міністэрстве аховы здароўя рэспублікі.

Да раніцы серады ў Беларусі праведзена ўжо больш за 574 тысячы тэстаў на каронавірус.

Як паведамілі ў Міністэрстве аховы здароўя, зарэгістравана 45116 выпадкаў каронавіруса. За суткі іх стала больш на 861 чалавек.

Паправіліся і выпісаныя ўжо 20171 пацыент. Цікава, што за дзень выпісана на 976 чалавек больш, чым напярэдадні, гэта значыць ўпершыню іх больш, чым новых выпадкаў COVID-19.

"За ўвесь перыяд распаўсюджвання інфекцыі на тэрыторыі краіны памерлі 248 пацыентаў з шэрагам хранічных захворванняў з выяўленай каронавіруснай інфекцыяй", - паведамілі ў Міністэрстве аховы здароўя.

Апошнія тыдні колькасць новых выпадкаў штодня складае каля 900 чалавек, смяротных зыходаў кожны дзень рэгіструецца каля пяці. Як заяўлялі ў Міністэрстве аховы здароўя, рэспубліка выйшла на плато.

Чытайце таксама:

22
Тэги:
Беларусь, каронавірус, Міністэрства аховы здароўя Рэспублікі Беларусь
Тэмы:
Каронавірус COVID-19
Які сёння дзень: 4 чэрвеня 2020 года

Які сёння дзень: 4 чэрвеня 2020 года

0
(абноўлена 12:32 30.05.2020)
Гэты дзень з'яўляецца сто пяцьдзесят шостым па грыгарыянскім календары, да канца года засталося 210 дзён.

Якія падзеі адбыліся 4 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 4 чэрвеня

  • У 1634 годзе Палянаўскім мірам скончана Смаленская вайна паміж Рэччу Паспалітай і Маскоўскай дзяржавай.
  • У 1918 годзе была апублікавана "Беларуская граматыка для школ" Браніслава Тарашкевіча.

Хто нарадзіўся 4 чэрвеня

  • 1828 год: Пётр Бяссонаў, выдавец беларускага фальклору.
  • 1972 год: Віктар Слінко, беларускі паэт.

Таксама сёння нарадзіліся швейцарскі мастак Луі Сутэр і амерыканская актрыса Анджэліна Джалі.

4 чэрвеня ў народным календары

Сёння праваслаўныя вернікі шануюць памяць пакутніка Васіліска.

У гэты дзень дзяўчыны збіраліся на рацэ, рабілі вянкі з бярозавых галінак і пускалі іх па вадзе. Калі вянок тануў, гэта было да няшчасця, калі ж трымаўся на вадзе – дзяўчыну чакаў шчаслівы лёс.

Калі 4 чэрвіня моцны туман і шмат расы на траве – увосень будзе добры ўраджай. Спевы птушак прадвяшчаюць на бліжэйшыя дні добрае надвор'е.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей