Прыняцце прысягі ў 72 гвардзейскім аб'яднаным навучальным цэнтры падрыхтоўкі прапаршчыкаў і малодшых спецыялістаў

Правілы прызыву могуць змяніць: да чаго рыхтавацца прызыўнікам

75
(абноўлена 09:28 27.02.2019)
Прэзідэнт Беларусi 26 лютага правёў нараду з членамі Савета бяспекі па зменах правілаў прызыву ў войска, Аляксандр Лукашэнка адзначыў, што цяпер у Беларусі падстаў для адтэрміноўкі нашмат больш, чым у іншых краінах.

МІНСК, 27 лют -Sputnik. Правілы прызыву ў войска ў Беларусі могуць змяніць, паколькі прынятыя на дадзены момант меры для скарачэння колькасці адтэрміновак ад тэрміновай службы не прынеслі жаданага выніку, пра гэта заявіў прэзідэнт Беларусі Аляксандр Лукашэнка падчас нарады з членамі Савета бяспекі 26 лютага.

Падчас нарады разглядаліся праблемныя пытанні, якія тычацца прызыву ў войска. У абмеркаванні прынялі ўдзел пастаянныя члены Савета бяспекі краіны і міністры адукацыі і аховы здароўя. У прыватнасці, было адзначана, што ў 2018 годзе з-за недабору былі адмененыя адтэрміноўкі для некаторых прызыўнікоў, у тым ліку пракурорскіх работнікаў і судмедэкспертаў. Аднак сітуацыю гэта не выратавала.

Адтэрміновак больш, чым у іншых краінах

Лукашэнка падкрэсліў, што цяпер у Беларусі падстаў для адтэрміновак больш, чым у любой іншай краіне. Кіраўнік дзяржавы нагадаў, што абарона краіны - гэта абавязак кожнага мужчыны. На думку прэзідэнта, кожны з іх павінен умець абараніць сваю сям'ю і сваю радзіму, а зараз склалася такая сітуацыя, што многія беларусы нават не ведаюць, як карыстацца зброяй у выпадку неабходнасці.

"Калісьці практычна кожны беларус служыў у арміі. Гэта было прэстыжна, таму юнакі імкнуліся папоўніць шэрагі Узброеных Сіл. Аднак на працягу шэрагу гадоў для прызыўнікоў уводзіліся розныя адтэрміноўкі, і сёння ў нас іх больш, чым у любой іншай дзяржаве, асабліва ў суседніх", - растлумачыў Аляксандр Лукашэнка.

Беларускі лідар таксама адзначыў, што наступствы "дэмаграфічнай ямы" 90-х гадоў будуць адбівацца на колькасці прызыўнікоў аж да сярэдзіны 2020-х гадоў, таму праблему недабораў трэба вырашаць ужо цяпер.

У бліжэйшы час колькасць падстаў для адтэрміновак можа істотна скараціцца. У прыватнасці, будзе перагледжаны так званы "расклад хвароб" - спіс хвароб, з-за якіх юнакі атрымліваюць адтэрміноўкі ад войска альбо прызнаюцца непрыдатнымі да службы.

"Прынцып тут адзін: хлопец не павінен служыць у войску, калі ў яго сапраўды ёсць сур'ёзныя медыцынскія супрацьпаказанні для нясення службы", - патлумачыў сваю пазіцыю Лукашэнка.

Пры гэтым кіраўнік дзяржавы падкрэсліў, што ў выпадку, калі мужчына не можа выконваць воінскі абавязак, яго ні ў якім разе прызываць нельга. Каб ён змог абараніць сваю сям'ю, будуць прадуманы варыянты таго, як яго навучыць карыстацца зброяй па-за арміяй.

"Але ёсць сітуацыі, і пра гэта ўжо шмат хто кажа, што па нейкіх надуманых прычынах, тыпу плоскаступнёвасці, як я часта прыводжу прыклад, мы не прызываем у войска вайскоўцаў. Я дакладна ведаю па сваёй службе: самыя лепшыя лекі ад плоскаступнёвасці - гэта армія", - заявіў беларускі лідар.

Льготы для тых, хто адслужыў

Прэзідэнт Беларусі паведаміў, што для выраўноўвання сітуацыі будуць уведзены меры, якія садзейнічаюць узмацненню адказнасці за ўхіленне ад вайсковай службы. У той жа час, збіраюцца зрабіць так, каб зацікаўленасць прызыўнікоў у выкананні воінскага абавязку павысілася.

Міністр абароны Андрэй Раўкоў прапанаваў шэраг прывілеяў, якія змогуць прастымуляваць беларусаў да праходжання службы ў войску.

"Людзям, якія адслужылі тэрміновую ваенную службу або службу ў рэзерве, мы прапануем бясплатна, за кошт бюджэтных сродкаў праходзіць падрыхтоўчыя курсы для паступлення ў вышэйшыя навучальныя ўстановы, прыярытэт пры паступленні ў вышэйшыя навучальныя ўстановы пры роўнасці балаў, прыярытэт пры атрыманні жылля ў інтэрнаце, пры размеркаванні і іншыя прэферэнцыі", - распавёў кіраўнік Мінабароны.

Па словах Раўкова, "карэннай ломкі" сістэмы не адбудзецца: змены будуць уводзіцца паступова, пачынаючы ад навядзення парадку з урокамі дапрызыўнай падрыхтоўкі ў школах і завяршаючы пераглядам правілаў прызыву.

75
Тэги:
армія, Аляксандр Лукашэнка, Беларусь
Ветэран Вялікай Айчыннай вайны ў Гомелі ў Дзень Перамогі

Якія выплаты атрымаюць ветэраны Вялікай Айчыннай у Беларусі

21
(абноўлена 14:22 06.05.2021)
З улікам усіх надбавак сярэдні памер пенсіі інваліда вайны ў траўні складзе 832 рублі, а ўдзельніка вайны - 690 рублёў.

МІНСК, 6 тра - Sputnik. Для ветэранаў Вялікай Айчыннай вайны беларускім заканадаўствам прадугледжаны павышэнні да пенсій - ад 50 да 500% іх мінімальнага памеру, паведаміла на прэс-канферэнцыі 6 траўня начальнік галоўнага ўпраўлення сацабслугоўвання і сацыяльнай дапамогі Мінпрацы і сацабароны Таццяна Фёдарава.

Сумы выплат

Фёдарава удакладніла, што выплаты да пенсій Героям Савецкага Саюза складаюць 342 рублі, інваліды вайны першай і другой групы атрымліваюць 273 рублі, а трэцяй - 171 рубель.

Удзельнікам вайны і тым, хто прымаў удзел у размініраванні тэрыторыі ў 1943-1945-м гадах выплочваюць па 171 рублі. Блакаднікам Ленінграда і былым вязням фашысцкіх канцлагераў належыць па 68 рублёў. Па 34 рублі дадаецца да пенсіі тым, хто ўзнагароджаны ардэнамі і медалямі "За самаадданую працу i бездакорную воiнскую службу ў тыле".

Членам сем'яў, якія страцілі сваіх мужэй ці жонак на вайне і не ўступілі ў паўторны шлюб выплачваюцца надбаўкі да пенсіі ў памеры ад 68 да 123 рублёў.

З улікам усіх гэтых надбавак сярэдні памер пенсіі інваліда вайны ў траўні складзе 832 рубля, а ўдзельніка вайны - 690 рублёў.

Ветэраны і асобы, якія пацярпелі ад наступстваў вайны, - гэта асаблівыя катэгорыі. У дачыненні да іх прымяняецца выявіцельны прынцып аказання дадатковай сацыяльнай падтрымкі. Для гэтага штогод праводзіцца абследаванне матэрыяльна-бытавых умоў іх пражывання.

Ветэранаў становіцца ўсё менш

Зараз у Беларусі засталося 3 337 ветэранаў Вялікай Айчыннай.

  • 1 студзеня 2019 года - у краіне налічвалася 6 845 ветэранаў
  • 1 студзеня 2020 года - 5 217 ветэранаў
  • 1 красавіка 2020 года - 4 806 ветэранаў
  • 1 ліпеня 2020 года - 4 469 ветэранаў

"Самым узроставым ветэранам ужо больш за 100 гадоў, а самым маладым - каля 90", - распавяла Таццяна Фёдарава.

У краіне жывуць два Героя Савецкага Саюза: Іван Ільіч Кустаў атрымаў званне ў 1945 годзе, Васіль Сяргеевіч Мічурын быў узнагароджаны Залатой зоркай ў 1940 годзе.

Чытайце таксама:

21
Тэги:
пенсія, Інваліды, Вайна, удзельнік, Вялікая Айчынная вайна, Ветэраны
Тэмы:
Дзень Перамогі - 2021
Салют у Мінску 9 траўня

Салюты на 9 Траўня ў Мінску запусцяць з пяці кропак

14
(абноўлена 13:14 06.05.2021)
У Дзень Перамогі плануецца пралёт верталётаў з выявай дзяржаўнага сцяга і герба, а таксама самалётаў Мінабароны, якія выпускаюць дым ў чырвона-зялёных колерах.

МІНСК, 6 тра - Sputnik. Падрабязнасці святочных мерапрыемстваў у Дзень Перамогі, якія пройдуць у беларускай сталіцы, агучылі на брыфінгу ў Мінску ў чацвер.

"Усе мерапрыемствы будуць прасякнуты тэмай года народнага адзінства і накіраваны на кансалідацыю беларускага грамадства", - адзначыла кансультант упраўлення дзяржаўных спецыяльных культурных мерапрыемстваў Міністэрства культуры Іна Адамовіч.

У нядзелю, 9 траўня, запланавана цырымонія ўскладання вянкоў і вячэрні канцэрт каля манумента Перамогі. Пройдзе таксама рытуал ушанавання сцяга і гімна з вымаўленнем клятвы вернасці дзяржаўнай сімволіцы.

Урачысты канцэрт у Палацы Рэспублікі адбудзецца 7 траўня.

Месцы запуску святочных феерверкаў у Мінску будуць адрознівацца ад леташніх. Залпы дадуць у пяці кропках горада: на пляцоўцы ў парку Янкі Купалы, каля "Чыжоўка-арэны", у парку імя М. Я. Паўлава, парку ім. Уга Чавеса і ў вёсцы Зацень побач з вадасховішчам "Дразды".

Чытайце таксама:

14
Тэги:
Міністэрства абароны РБ, герб, сцяг, верталёт, Дзень Перамогі, Мінск, салют
Тэмы:
Дзень Перамогі - 2021
МЗС Беларусі

МЗС адказала на заклік "Вялікай сямёркі" правесці новыя выбары ў Беларусі

16
(абноўлена 17:59 06.05.2021)
Па словах афіцыйнага прадстаўніка ведамства, у сваім афіцыйным паведамленні краіны G7 выкарыстоўвалі ў дачыненні да сітуацыі ў краіне "стандартны набор заезджаных клішэ".

МІНСК, 6 тра - Sputnik. Беларусь сама будзе вырашаць, калі і якія электаральныя кампаніі праводзіць, заявіў у чацвер афіцыйны прадстаўнік міністэрства замежных спраў рэспублікі Анатоль Глаз.

Сустрэча G7 ў Лондане

Напярэдадні ў Лондане адбылася сустрэча міністраў замежных спраў краін "Вялікай сямёркі" (G7) пад старшынствам Злучанага Каралеўства. У ёй бралі ўдзел кіраўнікі МЗС Вялікабрытаніі, Германіі, Італіі, Канады, ЗША, Францыі, Японіі, у сустрэчы ўдзельнічаў вярхоўны прадстаўнік ЕС па замежных справах і палітыцы бяспекі.

На сустрэчы міністры прынялі камюніке, у якім, у тым ліку, заклікаюць улады Беларусі адпусціць палітвязняў і правесці новыя выбары пры міжнародным назіранні.

Набор заезджаных клішэ

"Што тычыцца абзаца, якога "удастоілася" Беларусь. Гэта стандартны набор заезджаных клішэ. Такія мантры фактычна без змен вандруюць з пляцоўкі на пляцоўку, дэманструючы, на жаль, глыбокае неразуменне і нежаданне разумець сітуацыю ў нашай краіне іх аўтарамі, антыбеларускую ангажаванасць іх ініцыятараў" , - растлумачыў Глаз.

Паводле яго слоў, у Беларусі самі будуць вырашаць, калі і якія электаральныя кампаніі праводзіць. Для гэтага краіне не патрэбныя "ніякія заклікі, пануканні або ўказанні звонку".

Ён адзначыў, што любое ўмяшанне ва ўнутраныя справы суверэнных дзяржаў супярэчыць асноватворным нормам і прынцыпам міжнароднага права.

"Усе выбары ў нашай краіне праходзілі пад міжнародным назіраннем. Ну, а калі нейкія міжнародныя структуры не змаглі арганізаваць сваю працу, маючы наша запрашэнне, то не трэба спрабаваць перакласці віну", - падкрэсліў Глаз.

Чытайце таксама:

16
Тэги:
ведамства, краіна, Беларусь, Выбары, МЗС