Зена распавяла пра тое, як рэагуе на хэйтараў

Зена распавяла пра тое, як рэагуе на хэйтараў

58
(абноўлена 08:42 12.03.2019)
Без чутак і плётак не было б артыста, мяркуе маладая спявачка. На яе думку, калі ты на вачах ва ўсіх і цябе абмяркоўваюць - гэта добра.

МІНСК, 12 сак - Sputnik. Спявачка Зена (Зіна Куприянович) адказала на пытанне пра сваё стаўленне да хэйтараў і негатыўных каментароў, адпаведную заяву артыстка зрабіла падчас анлайн-канферэнцыі на сайце Белтэлерадыёкампаніі.

Зена была абраная прадстаўніцай Беларусі на "Еўрабачанні-2019". Вынікі нацыянальнага адбору выклікалі неадназначную рэакцыю сярод карыстальнікаў сацыяльных сетак - не абышлося і без "хэйтараў".

"Я лічу, што без чутак і плётак не было б артыста. Добра, калі ты на вачах ва ўсіх, калі цябе абмяркоўваюць. Вядома, да таго моманту, калі чуткі і плёткі пераходзяць рамкі прыстойнасці, той жа "булінг" ці "хэйтарынг", модныя нейкія слоўцы, я іх не ведаю. Людзі проста пачынаюць прыдумляць, калі няма нейкай інфармацыі. Але не заўсёды артыст павінен вывальвае пра сябе ўсё адразу. У яго ёсць інфармацыя - ён раскажа, няма інфармацыі - прамаўчыць", - адказала Зена на пытанне пра стаўленне да чутак і плётак вакол сябе.

Па прызнанні артысткі, цяпер яна ніякія злосныя каментары не чытае. Зена мяркуе, што яе не звяртаць увагу на падобнае навучыў удзел у "Новай Фабрыцы зорак".

"Усё ж такі ўсе мы людзі вельмі ўспрымальныя, і любое слова можа пакрыўдзіць і закрануць так, што ты потым, напэўна, на сцэну не зможаш выйсці. Я нічога не чытаю, мне не цікава, і на гэта вельмі шмат энергіі сыходзіць. Лепш я яе накірую на музыку, на творчасць, на фатаграфіі, на вершы, ды на што заўгодна, толькі не на тое, каб чытаць злыя каментары", - дадала яна.

Юная спявачка дадала таксама, што добрыя каментары ёй падабаюцца - "яны падымаюць настрой".

58
Тэги:
Еўрабачанне, Зена
Супрацоўнік лабараторыі

Мінздароўя: большая частка бальніц працуе ў планавым рэжыме

1
(абноўлена 09:18 05.08.2020)
Пакуль у шпіталях праводзілася санітарная апрацоўка, частку медыцынскага персаналу адправілі ў адпачынак.

МІНСК, 5 жні - Sputnik. Большая частка устаноў аховы здароўя Беларусі, якія былі раней перапрафіляваны для аказання дапамогі пацыентам з каронавірусам, перайшла на планавы рэжым працы, паведамілі ў Міністэрстве аховы здароўя рэспублікі.

"Практычна ўсе бальніцы раённага ўзроўню, якія раней былі задзейнічаныя для аказання медыцынскай дапамогі пацыентам з COVID-19, ужо прайшлі паэтапную санапрацоўку. Пакуль у частцы будынкаў і карпусоў праводзілася дэзінфекцыйная апрацоўка па тыпу заключнай дэзінфекцыі, у медперсанала была магчымасць сысці ў заслужаны адпачынак", - сказалі у міністэрстве аховы здароўя.

Там таксама ўдакладнілі, што ў Брэсцкай вобласці па стане на 3 жніўня дапамога пацыентам з COVID-19 аказваецца на міжраённым узроўні - у Брэсцкай цэнтральнай гарбальніцы, Баранавіцкай гарбальніцы № 2 і Пінскай ЦБ. Чырвоныя зоны ёсць таксама ў інфекцыйных аддзяленнях абласной клінічнай бальніцы.

У Віцебскай вобласці да аказання профільнай дапамогі перайшлі гарадская бальніца № 1, Полацкая ЦРБ, абласны дзіцячы клінічны цэнтр і абласны раддом.

На Гомельшчыне на працу ў штатным рэжыме перайшлі абласны скурна-венералагічны дыспансер, абласны анкадыспансер, шпіталь інвалідаў ВАВ, абласная бальніца, а таксама шэраг ЦРБ. У рэгіёне па-ранейшаму прымаюць пацыентаў з каронавірусам у абласной інфекцыёнцы, абласным сухотным шпіталі, бальніцы №3, у гарадской хуткай, Мазырскай ЦГП, а таксама ЦРБ у Жлобіне, Светлагорску, Калінкавічах, Рэчыцы, Буда-Кашалёве, Акцябрскім, Рагачове, Чачэрску.

Па дадзеных Міністэрства аховы здароўя, у Гродзенскай вобласці ва ўсіх ЦРБ адноўленая планавая шпіталізацыя. У абласным цэнтры вярнуліся да звычайнага рэжыму ўніверсітэцкая клініка, 3-я гарбальніца, скурвендыспарнсер і абласная бальніца рэабілітацыі. На стацыянары лечаць пацыентаў з COVID-19 у інфекцыйных аддзяленнях шэрагу устаноў аховы здароўя, акрамя тых, што знаходзяцца ў Дзятлаве, Зэльве, Карэлічах і Свіслачы - там няма інфекцыйных ложкаў. Пакуль застаецца перапрафіляваым да COVID-19 аддзяленне Лідскай ЦРБ.

У Мінскай вобласці пацыентаў з каронавірусам прымаюць у Барысаўскай бальніцы № 2, абласным процісухтоным дыспансеры, а таксама ў ЦРБ Маладзечна, Салігорска, Слуцка і Крупак.

У сталіцы людзям з падазрэннем на COVID-19 аказваюць дапамогу ў 4-й і 6-й гарбальніцы, а таксама ў інфекцыёнцы.
На Магілёўшчыне для прыёму хворых з каронавірусам пакуль прызначаныя перапрафіляваць гарадская бальніца №1, Бабруйская ЦБ і інфекцыйныя Міжрайцэнтр ў Крычаве, Асіповічах і Горках.

1
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19
Хуткая дапамога працуе ў Мінску

У Беларусі каронавірусам заразіліся 68250 чалавек

6
(абноўлена 15:29 04.08.2020)
Да цяперашняга часу паправіліся і выпісаныя 63163 пацыента, у якіх раней быў пацверджаны дыягназ COVID-19.

МІНСК, 4 жні - Sputnik. Колькасць тых, хто захварэў на каронавірус у Беларусі перавысіла 68,2 тысячы чалавек, пра гэта паведамілі ў Міністэрстве аховы здароўя рэспублікі ў аўторак.

"Зарэгістраваныя 68 тысяч 250 чалавек з станоўчым тэстам на COVID-19", - паведамілі ў ведамстве.

За суткі колькасць пацверджаных выпадкаў павялічылася на 84. Сумарна праведзена звыш аднаго мільёна 325 тысяч тэстаў.

Паправіліся і выпісаныя ўжо 63 тысячы 163 пацыента, у якіх раней быў пацверджаны дыягназ COVID-19. За мінулыя 24 гадзіны іх стала больш на 220.

"За ўвесь перыяд распаўсюджвання інфекцыі на тэрыторыі краіны памерлі 574 пацыента з шэрагам хранічных захворванняў з выяўленай каронавіруснай інфекцыяй", - удакладнілі ў Міністэрстве аховы здароўя.

Такім чынам, за мінулыя суткі колькасць смяротных выпадкаў ўзрасла на тры.

Чытайце таксама:

6
Тэги:
Міністэрства аховы здароўя Рэспублікі Беларусь, каронавірус, Беларусь
Тэмы:
Каронавірус COVID-19
Долары ЗША

Беларусь запазычвала ў ЕФСР 2,5 млрд долараў

0
(абноўлена 09:05 05.08.2020)
Беларусь - асноўны пазычальнік сродкаў ЕФСР: з 2011-га краіне фонд выдаў два крэдыты для бюджэтнай падтрымкі на суму пяць мільярдаў долараў.

МІНСК, 5 жні - Sputnik. Беларусь па прадстаўленых Еўразійскім фондам стабілізацыі і развіцця (ЕФСР) крэдытах запазычвалася 2,5 мільярда долараў ЗША, паведаміла РІА "Новости" са спасылкай на прэс-службу Мінфіна РФ.

Беларусь - асноўны пазычальнік сродкаў ЕФСР: з 2011-га краіне фонд выдаў два крэдыты для бюджэтнай падтрымкі на суму пяць мільярдаў долараў.

"Рэшта запазычанасці па раней прадастаўленых крэдытах складае 2,56 мільярда долараў", - паведамілі ў расійскім Мінфіне.

У 2016-м крэдыт Беларусі фонд прадаставіў у кошт квоты Расіі ў арганізацыі ў сувязі з тым, што да моманту звароту за фіндапамогай ліміт рэспублікі быў цалкам вычарпаны.

Паводле інфармацыі Мінфіна Беларусі, цяпер знешні дзяржаўны доўг краіны складае 18 мільярдаў долараў: з пачатку года ён павялічыўся на 5,3%.

ЕФСР - гэта рэгіянальны фінансавы фонд для падтрымкі эканомік яе дзяржаў-удзельніц. Асноўная крыніца паступлення сродкаў у арганізацыю - гэта ўнёскі Расіі (амаль 90%).

0
Тэги:
Расія, Беларусь