Аўтамабіль таксі, архіўнае фота

Таксі, якія не павысілі цэны на Еўрагульнях, атрымаюць спецыяльны знак

36
(абноўлена 08:54 28.03.2019)
Мемарандум аб добрасумленных паводзінах на рынку падчас правядзення Еўрапейскіх гульняў падпісалі прадстаўнікі 15 найбуйнейшых дыспетчарскіх службаў таксі.

МІНСК, 28 сак - Sputnik. Таксі, якія не будуць павышаць цэны да II Еўрапейскіх гульняў, адзначаць спецыяльным знакам, паведамілі ў МАРГ.

У лістападзе мінулага года ў Міністэрстве антыманапольнага рэгулявання і гандлю 15 службаў таксі падпісалі з рэгулятарамі - МАРГ, Мінтрансам і Мінгарвыканкамам мемарандум аб гарантаваным узроўні тарыфаў.

"У перыяд з 15 чэрвеня па 5 ліпеня 2019 года ўзровень тарыфаў на паслугі таксі для насельніцтва Мінска не павінен перавышаць узровень, які дзейнічаў па стане на 1 красавіка 2019 года", - паведамілі ў МАРГ.

Усе аўтамабілі, якія далучацца да мемарандума, атрымаюць адпаведную маркіроўку, для пасажыраў яна стане сігналам, што перавозчык - прыхільнік добрасумленных паводзін на рынку.

У Мінску неаднаразова здараліся гучныя гісторыі, калі пасажыры, якія селі ў таксі "ад борта" вымушаны былі заплаціць за нядоўгую паездку неабгрунтавана вялікую суму, якая ў разы перавышае кошт паездкі на таксі, замоўленай па тэлефоне ці праз мабільнае прылажэнне.

36
Тэги:
таксі, Еўрапейскія гульні
Тэмы:
Еўрапейскія гульні - 2019 (115)