Дзеці ў школе

Беларусь прыцягне яшчэ адзін крэдыт на мадэрнізацыю сістэмы адукацыі

62
(абноўлена 11:34 29.03.2019)
Улады плануюць прыцягнуць пазыку ў памеры 90 мільёнаў еўра ў 2019-2025 гадах, тэрмін яе вяртання - 15 гадоў.

МІНСК, 29 сак - Sputnik. Беларусь прыцягне пазыку Міжнароднага банка рэканструкцыі і развіцця на мадэрнізацыю сістэмы адукацыі, адпаведнае даручэнне замацавана ва ўказе прэзідэнта Аляксандра Лукашэнкі №109, апублікаваным у пятніцу.

Рэспубліка перыядычна прыцягвае знешнія пазыкі на мадэрнізацыю сістэмы адукацыі. Сродкі ідуць у тым ліку на рэканструкцыю школ, закупку абсталявання.

Чарговую пазыку сваім указам ухваліў прэзідэнт. "Прыцягнуць у 2019-2025 гадах знешнюю дзяржаўную пазыку Міжнароднага банка рэканструкцыі і развіцця (МБРР) у памеры 90 мільёнаў еўра тэрмінам на 15 гадоў для фінансавання праекта "Мадэрнізацыя сістэмы адукацыі Рэспублікі Беларусь", - гаворыцца ва ўказе.

Таксама кіраўнік дзяржавы ўхваліў праект пагаднення паміж Беларуссю і МБРР у якасці асновы для правядзення перагавораў. Дамаўляцца з банкам упаўнаважана Міністэрства адукацыі.

Згодна з праектам адной з папярэдніх пазык, апублікаванай у 2015 годзе, задачамі праекта з'яўляюцца забеспячэнне навучэнцам сучаснай якасці адукацыі і ўмацаванне матэрыяльна-тэхнічнай базы ўстаноў агульнай сярэдняй адукацыі.

Чытайце таксама:

62
Тэги:
Аляксандр Лукашэнка, Міністэрства адукацыі РБ, Беларусь

Грамадства