МІНСК, 10 кра - Sputnik. Больш за 16 тысяч мінчан атрымалі ў сакавіку жыроўкі, у якіх плата за падагрэў вады разлічана па эканамічна абгрунтаваным тарыфе, г.зн. па поўным кошце паслугі, паведамляе "Мінск-Навіны" са спасылкай на "Адзіны разлікова-даведачны цэнтр г. Мінска" КУП "Цэнтр інфармацыйных тэхналогій Мінгарвыканкама".
Для плацельшчыкаў, якія ўнесены ў спісы не занятых у эканоміцы, па поўным тарыфе не толькі налічылі аплату за люты, але і зрабілі пераразлік за студзень.
У выпадку, калі "дармаед" жыве разам з членамі сям'і, якія працуюць, плата за паслугу па падвышаным тарыфе налічваецца толькі за яго долю і паказваецца асобным радком у жыроўцы.
Больш чым 17 тысячам мінчан у студзені прыйшлі жыроўкі з папярэджаннем, што яны аднесены да грамадзян, незанятых у эканоміцы. Больш за 1 тысячу грамадзян былі выключаныя з гэтых спісаў камісіямі па садзейнічанні занятасці.
З 1 кастрычніка гэтага года грамадзяне, унесеныя ў спісы не занятых у эканоміцы, таксама будуць аплачваць па эканамічна абгрунтаваных тарыфах цеплазабеспячэнне (цэнтралізаванае) і газазабеспячэнне пры наяўнасці індывідуальных газавых ацяпляльных прыбораў (катлоў).
