Больш за палову грамадскага транспарту Мінска выпрацавала свой тэрмін

Больш за палову грамадскага транспарту Мінска выпрацавала свой тэрмін

46
(абноўлена 14:47 17.04.2019)
З нагоды будучых II Еўрапейскіх гульняў парк грамадскага транспарту сталіцы ў гэтым годзе атрымлівае абнаўленне: 328 аўтобусаў і 60 новых электробусаў.

МІНСК, 17 кра - Sputnik. Больш за палову машын з парку грамадскага транспарту Мінска падлягае спісанню, перадае Onliner.by са спасылкай на першага намесніка генеральнага дырэктара ГП "Мінсктранс" Алега Дзюбенку.

Па словах Дзюбенкі, сярэдні ўзрост мінскіх аўтобусаў і тралейбусаў складае 9,5 гадоў пры ўстаноўленым тэрміне эксплуатацыі дзесяць гадоў. Трохі лепш ідуць справы з трамваямі. Іх можна эксплуатаваць даўжэй - да 15 гадоў.

Пры гэтым машыны маюць цалкам прыстойны выгляд, які не дазваляе казаць пра тое, што нават аўтобусы і тралейбусы, якія адпрацавалі ўстаноўлены тэрмін эксплуатацыі, знаходзяцца ў нездавальняючым стане. Па гэтай прычыне іх і не спісваюць.

"Калі мы паедзем у іншыя гарады і рэгіёны - розніца з Мінскам там будзе глабальнай", - заявіў прадстаўнік "Мінсктрансу".

Больш за тое, пасля таго, як машыны ўсё-ткі спісваюць, яны працягваюць працаваць, у тым ліку за мяжой. Па словах Дзюбенкі, такія машыны просяць перадаць у Малдову і Украіну.

Тым не менш у гэтым годзе з нагоды будучых II Еўрапейскіх гульняў сталічны парк грамадскага транспарту чакае абнаўленне. Было запланавана, што горад атрымае 328 новых аўтобусаў і яшчэ 60 электробусаў. Большасць з іх - 286 аўтобусаў і 31 электробус - ужо прыбылі ў сталічныя паркі.

"Чакаем яшчэ 45 аўтобусаў. Гэта заўсёды як бальзам на душу", - сказаў намеснік генеральнага дырэктара ДП "Мінсктранс" Віктар Тозік.

Акрамя таго, прадпрыемства прапрацоўвае пытанне аб дадатковай закупцы тралейбусаў. Калі "Мінсктранс" знойдзе фінансаванне, то размова можа ісці аб 20-30 машынах.

46
Тэги:
Еўрапейскія гульні
Медык у клініка-дыягнастычнай лабараторыі

Колькасць выпадкаў заражэння каронавірусам у Беларусі перавысіла 68,6 тысячы

7
(абноўлена 15:13 07.08.2020)
Паправіліся і выпісаныя 64 200 пацыентаў, у якіх раней быў пацверджаны дыягназ COVID-19.

МІНСК, 7 жні - Sputnik. Колькасць тых, хто захварэў на каронавірус у Беларусі перавысіла 68,6 тысячы чалавек, пра гэта паведамілі ў Міністэрстве аховы здароўя рэспублікі ў пятніцу.

"Зарэгістраваныя 68 тысяч 614 чалавек з станоўчым тэстам на COVID-19", - удакладнілі ў профільным ведамстве.

За суткі колькасць выпадкаў павялічылася на 111. Паправіліся і выпісаныя 64 тысячы 200 пацыентаў, у якіх раней быў пацверджаны дыягназ COVID-19, іх за мінулыя 24 гадзіны стала больш на 444.

"За ўвесь перыяд распаўсюджвання інфекцыі на тэрыторыі краіны памерлі 583 пацыента з шэрагам хранічных захворванняў з выяўленай каронавіруснай інфекцыяй", - праінфармавалі ў Міністэрстве аховы здароўя.

Так, колькасць смяротных выпадкаў ўзрасла на тры. Сумарна на тэрыторыі краіны праведзена больш за 1 мільён 353 тысяч тэстаў.

Чытайце таксама:

7
Тэги:
Міністэрства аховы здароўя Рэспублікі Беларусь, каронавірус, Беларусь
Тэмы:
Каронавірус COVID-19
Праца над вакцынай ад каронавіруса

Расійская вакцына ад COVID пройдзе рэгістрацыю 12 жніўня - першай у свеце

5
(абноўлена 15:02 07.08.2020)
Раней за астатніх будуць прышчэплены медыцынскія работнікі і пажылыя людзі, якія знаходзяцца ў групе рызыкі.

МІНСК, 7 жні - Sputnik. Вакцына супраць каронавіруса новага тыпу, распрацаваная расійскім НДЦ імя Гамалеі, у бліжэйшыя дні пройдзе рэгістрацыю, пра гэта намеснік кіраўніка Міністэрства аховы здароўя Расіі Алег Грыднёў паведаміў журналістам у пятніцу.

"Рэгістрацыя вакцыны, распрацаванай у цэнтры Гамалеі, будзе 12 жніўня. Цяпер ідзе апошні этап (выпрабаванняў), трэці. Гэта вельмі важна. Мы павінны разумець, што вакцына павінна быць бяспечнай", - сказаў Грыднёў падчас адкрыцця корпуса анкацэнтра ва Уфе, яго цытуюць РІА "Новости".

Паводле яго слоў, у першую чаргу будуць прышчэплены медыцынскія работнікі і пажылыя людзі, якія знаходзяцца ў групе рызыкі. Зараз працягваецца работа па падрыхтоўцы вакцыны да масавага выпуску.

Прадуктыўнасць вакцынацыі залежыць, у тым ліку, ад яе масавасці. Як адзначыў Алег Грыднёў, ацэньваць эфектыўнасць прэпарата можна будзе пасля фарміравання папуляцыйнага імунітэту.

Нагадаем, клінічныя выпрабаванні вакцыны, распрацаванай НДЦ эпідэміялогіі і мікрабіялогіі імя Гамалеі ў Расіі, пачаліся ў Сечанаўскім універсітэце 18 чэрвеня. У тэстах прынялі ўдзел 38 добраахвотнікаў, у выніку была пацверджана бяспека вакцыны: ва ўсіх падыспытных выпрацаваўся імунітэт да інфекцыі. Першая група добраахвотнікаў была выпісана 15 ліпеня, другая - 20 ліпеня.

Напярэдадні стала вядома, што Сусветная арганізацыя аховы здароўя абмяркоўвае з расійскімі профільнымі органамі папярэднюю кваліфікацыю стваранай у РФ вакцыны супраць COVID-19. Папярэдняя кваліфікацыя лекаў СААЗ праводзіцца з мэтай ацэнкі якасці прэпаратаў: так спецыялісты пераконваюцца ў іх адпаведнасці дапушчальным міжнародным стандартам.

У цэлым, паводле дадзеных арганізацыі, у цяперашні час у свеце распрацоўваецца больш за 200 вакцын ад каронавіруса, з іх на прасунутай стадыі знаходзіцца ўсяго шэсць.

5
Тэги:
Вакцынацыя, каронавірус, Расія
Тэмы:
Каронавірус COVID-19
Які сёння дзень: 8 жніўня 2020 года

Які сёння дзень: 8 жніўня 2020 года

0
(абноўлена 10:46 30.07.2020)
Гэты дзень з'яўляецца дзвесце дваццаць першым па Грыгарыянскім календары, да канца года застаецца 145 дзён.

Дзевяноста дзевяць гадоў таму падчас польска-савецкай вайны польскія войскі занялі Мінск. Якія яшчэ падзеі адбыліся 8 жніўня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 8 жніўня

  • У 1655 годзе маскоўскія войскі ў ходзе вайны з Рэччу Паспалітай занялі Вільню.
  • У 1794 годзе пачалася двухдзённая атака расійскіх войскаў на Вільню.
  • У 1919 годзе польскія войскі занялі Мінск.
  • У 1925 годзе пад рэдакцыяй Язэпа Туркевіча выдадзеная газэта-аднадзёнка "Селянін".
  • У 2006 годзе ўсталяваныя дыпламатычныя зносіны паміж Беларуссю і Чарнагорыяй.

Хто нарадзіўся 8 жніўня

  • 1882 год: Уладзіслаў Старэвіч, рэжысёр-аніматар беларускага паходжання.
  • 1912 год: Аркадзь Чарнышэвіч, беларускі пісьменнік.
  • 1926 год: Аляксандр Надсан, беларускі рэлігійны дзеяч, дырэктар Беларускай бібліятэкі і музея імя Францішка Скарыны ў Лондане.
  • 1953 год: Уладзімір Пракапцоў, беларускі мастак, генеральны дырэктар Нацыянальнага мастацкага музея Рэспублікі Беларусь.

Таксама ў гэты дзень нарадзіліся прэм’ер-міністр Вялікабрытаніі Джон Расэл, амерыканскі кінаакцёр Дасцін Хофман і адзін з заснавальнікаў квантавай мэханікі, брытанскі фізык-тэарэтык Поль Дырак.

8 жніўня ў народным календары

У гэты дзень успамінаюць святых Ермалая, Ярміла, Майсея і Параскеву. На Ермалая людзі гаворылі: "Асенняе марыва па травах ідзе, гаючую моц ім дае". Раніцай выпадала халодная раса, якая быццам і надавала ім гаючыя ўласцівасці.

Час ужо збіраць ураджай карняплодаў – на агародах паспявае першая салодкая бульба. Таксама у гэты дзень пачынаюць рыхтаваць млыны да памолаў.

Каля цэркваў 8 жніўня збіраліся жабракі і юродзівыя, бо святая Параскева з'яўляецца іх заступніцай. На Параскеву-Пятніцу жанчыны не браліся за сваё рукадзелле, бо лічылася, што гэта можа ўгнявіць святую, якая "адказвае" таксама за жаночую працу.

0
Тэги:
які сёння дзень, Беларусь
Тэмы:
Які сёння дзень: каляндар знакавых падзей