Нацыянальны аэрапорт Мінск

Удзельнікі II Еўрапейскіх гульняў змогуць бясплатна ездзіць у Заслаўе і аэрапорт

42
(абноўлена 08:58 03.05.2019)
Акрамя таго, падпісаны прэзідэнтам указ вызваліў замежнікаў, акрэдытаваных на Гульні, ад рэгістрацыі ў Беларусі.

МІНСК, 3 мая - Sputnik. Удзельнікі і валанцёры II Еўрапейскіх гульняў змогуць бясплатна ездзіць у Нацыянальны аэрапорт Мінск і Заслаўе, вынікае з указа №164, падпісанага прэзідэнтам Беларусі Аляксандрам Лукашэнкам, паведамілі ў прэс-службе кіраўніка дзяржавы.

Мінск прыме II Еўрапейскія гульні з 21 па 30 чэрвеня. У беларускую сталіцу прыедуць больш за чатыры тысячы атлетаў. Большую частку спаборніцтваў прымуць спартыўныя пляцоўкі Мінска, а на вяслярным канале ў Заслаўі пройдуць спаборніцтвы па веславанні на байдарках і каноэ.

Напярэдадні кіраўнік дзяржавы падпісаў Указ № 164, якім комплексна ўрэгуляваны пытанні правядзення ў Мінску II Еўрапейскіх гульняў.

"Дакумент уносіць змены ў асобныя ўказы кіраўніка дзяржавы, якія датычацца арганізацыі спаборніцтваў. У прыватнасці, рэгулююцца пытанні выкарыстання дзяржаўнай маёмасці, эксплуатацыі радыёэлектронных сродкаў і высокачашчынных прылад, медыцынскага абслугоўвання ўдзельнікаў і гасцей II Еўрапейскіх гульняў і іншыя практычныя пытанні іх падрыхтоўкі і правядзення", - распавялі ў прэс-службе беларускага лідара.

Акрамя таго, указам прадугледжаны меры, якія дазваляюць знізіць кошт арганізацыі мультыспартыўнага форуму.

"У дадатак да бясплатнага праезду ў мінскім гарадскім пасажырскім транспарце ўдзельнікам і валанцёрам Гульняў прадастаўлена права бясплатнага праезду ў прыгарадным пасажырскім транспарце па маршрутах, якія звязваюць сталіцу з Нацыянальным аэрапортам Мінск і Заслаўем", - дадалі ў прэс-службе.

Акрэдытаваныя на Гульнях замежнікі, падкрэслілі суразмоўцы агенцтва, вызваленыя ад неабходнасці рэгістрацыі на тэрыторыі Беларусі.

42
Тэги:
Аляксандр Лукашэнка, Заслаўе, Мінск, Еўрапейскія гульні-2019
Тэмы:
Еўрапейскія гульні - 2019 (192)
Медык у клініка-дыягнастычнай лабараторыі

Колькасць выпадкаў заражэння каронавірусам у Беларусі перавысіла 68,6 тысячы

11
(абноўлена 15:13 07.08.2020)
Паправіліся і выпісаныя 64 200 пацыентаў, у якіх раней быў пацверджаны дыягназ COVID-19.

МІНСК, 7 жні - Sputnik. Колькасць тых, хто захварэў на каронавірус у Беларусі перавысіла 68,6 тысячы чалавек, пра гэта паведамілі ў Міністэрстве аховы здароўя рэспублікі ў пятніцу.

"Зарэгістраваныя 68 тысяч 614 чалавек з станоўчым тэстам на COVID-19", - удакладнілі ў профільным ведамстве.

За суткі колькасць выпадкаў павялічылася на 111. Паправіліся і выпісаныя 64 тысячы 200 пацыентаў, у якіх раней быў пацверджаны дыягназ COVID-19, іх за мінулыя 24 гадзіны стала больш на 444.

"За ўвесь перыяд распаўсюджвання інфекцыі на тэрыторыі краіны памерлі 583 пацыента з шэрагам хранічных захворванняў з выяўленай каронавіруснай інфекцыяй", - праінфармавалі ў Міністэрстве аховы здароўя.

Так, колькасць смяротных выпадкаў ўзрасла на тры. Сумарна на тэрыторыі краіны праведзена больш за 1 мільён 353 тысяч тэстаў.

Чытайце таксама:

11
Тэги:
Міністэрства аховы здароўя Рэспублікі Беларусь, каронавірус, Беларусь
Тэмы:
Каронавірус COVID-19
Праца над вакцынай ад каронавіруса

Расійская вакцына ад COVID пройдзе рэгістрацыю 12 жніўня - першай у свеце

7
(абноўлена 15:02 07.08.2020)
Раней за астатніх будуць прышчэплены медыцынскія работнікі і пажылыя людзі, якія знаходзяцца ў групе рызыкі.

МІНСК, 7 жні - Sputnik. Вакцына супраць каронавіруса новага тыпу, распрацаваная расійскім НДЦ імя Гамалеі, у бліжэйшыя дні пройдзе рэгістрацыю, пра гэта намеснік кіраўніка Міністэрства аховы здароўя Расіі Алег Грыднёў паведаміў журналістам у пятніцу.

"Рэгістрацыя вакцыны, распрацаванай у цэнтры Гамалеі, будзе 12 жніўня. Цяпер ідзе апошні этап (выпрабаванняў), трэці. Гэта вельмі важна. Мы павінны разумець, што вакцына павінна быць бяспечнай", - сказаў Грыднёў падчас адкрыцця корпуса анкацэнтра ва Уфе, яго цытуюць РІА "Новости".

Паводле яго слоў, у першую чаргу будуць прышчэплены медыцынскія работнікі і пажылыя людзі, якія знаходзяцца ў групе рызыкі. Зараз працягваецца работа па падрыхтоўцы вакцыны да масавага выпуску.

Прадуктыўнасць вакцынацыі залежыць, у тым ліку, ад яе масавасці. Як адзначыў Алег Грыднёў, ацэньваць эфектыўнасць прэпарата можна будзе пасля фарміравання папуляцыйнага імунітэту.

Нагадаем, клінічныя выпрабаванні вакцыны, распрацаванай НДЦ эпідэміялогіі і мікрабіялогіі імя Гамалеі ў Расіі, пачаліся ў Сечанаўскім універсітэце 18 чэрвеня. У тэстах прынялі ўдзел 38 добраахвотнікаў, у выніку была пацверджана бяспека вакцыны: ва ўсіх падыспытных выпрацаваўся імунітэт да інфекцыі. Першая група добраахвотнікаў была выпісана 15 ліпеня, другая - 20 ліпеня.

Напярэдадні стала вядома, што Сусветная арганізацыя аховы здароўя абмяркоўвае з расійскімі профільнымі органамі папярэднюю кваліфікацыю стваранай у РФ вакцыны супраць COVID-19. Папярэдняя кваліфікацыя лекаў СААЗ праводзіцца з мэтай ацэнкі якасці прэпаратаў: так спецыялісты пераконваюцца ў іх адпаведнасці дапушчальным міжнародным стандартам.

У цэлым, паводле дадзеных арганізацыі, у цяперашні час у свеце распрацоўваецца больш за 200 вакцын ад каронавіруса, з іх на прасунутай стадыі знаходзіцца ўсяго шэсць.

7
Тэги:
Вакцынацыя, каронавірус, Расія
Тэмы:
Каронавірус COVID-19
Тэст: вы мазахіст або проста беларус?

Тэст: вы мазахіст або проста беларус?

166
(абноўлена 10:43 08.08.2020)
Праверце сябе на стрэсаўстойлівасць, аднак не ўспрымайце ўсё надта сур'ёзна – гэта шкодна для страўніка.

Прапануем даведацца, ці ёсць у вас цяга да болю, або вы проста ахвяра абставінаў. Гэты тэст жартаўлівы і закліканы падняць вам настрой.

Таксама паспрабуйце прайсці сур'ёзныя тэсты:

166
Тэги:
тэст