Прэзідэнт Беларусі Аляксандр Лукашэнка

Лукашэнка заклікаў свет разам змагацца супраць пагроз глабальнага тэрарызму

105
(абноўлена 11:46 09.05.2019)
На плошчы перамогі ў Мінску праходзяць урачыстасці з нагоды 74-й гадавіны перамогі ў Вялікай Айчыннай вайне.

МІНСК, 9 мая - Sputnik. Прэзідэнт Беларусі Аляксандр Лукашэнка заклікаў памятаць урокі Вялікай Айчыннай вайны і агульнымі намаганнямі змагацца з пагрозамі глабальнага тэрарызму.

"Галоўны ўрок Вялікай Перамогі - у тым, што за мір трэба змагацца супольна, асабліва ў сучасныя дні, калі свет знаходзіцца пад прыцэлам тэрарызму", - заявіў кіраўнік дзяржавы на цырымоніі ўскладання вянкоў да манумента Перамогі з нагоды 74-й гадавіны Вялікай Перамогі ў Мінску , перадае карэспандэнт Sputnik у чацвер.

Паводле яго слоў, краіны павінны змагацца супраць гэтай з'явы адзіным фронтам, як гэта было ў далёкія суровыя саракавыя, калі ў шэрагах беларускага супраціўлення змагаліся тысячы антыфашыстаў з многіх краін Еўропы.

"На жаль, такога адзінства ў Еўропе цяпер няма", - канстатаваў беларускі прэзідэнт.

"Але мы ўпэўненыя ў неабходнасці канструктыўнага дыялогу з усімі краінамі, а Беларусь гатовая стаць перамоўнай пляцоўкай для ўрэгулявання любога канфлікту", - сказаў ён.

Лукашэнка таксама адзначыў, што ідзе ўзмацненне ваеннай прысутнасці на нашых межах, перакрэсленая Дамова аб ракетах сярэдняй і малой далёкасці.

Аб фашысцкім генацыдзе ў Беларусі ведае ўвесь свет

"Восьмае дзесяцігоддзе беларускі народ жыве і працуе пад мірным небам. Магчымасць дыхаць свабодай, гадаваць дзяцей і радавацца кожнаму новаму дню даў нам ратны подзвіг нашых бацькоў, дзядоў і прадзедаў. Сёння мы праслаўляем мужнасць воінаў, гераізм партызан падпольшчыкаў, тытанічныя намаганні працаўнікоў тылу", - сказаў прэзідэнт.

Паводле яго слоў, менавіта на беларускай зямлі савецкія салдаты развянчалі міф аб непераможнасці ваеннай машыны Трэцяга рэйха. Страшныя адрасы генацыду беларускага народа добра ведае ўвесь свет - Хатынь, Дальва, Азарычы, Трасцянец, сказаў беларускі прэзідэнт.

"Усім, хто сёння ў Еўропе заахвочвае мітынгі неанацыстаў і шэсці састарэлых ваякаў з батальёнаў СС, варта паехаць у Беларусь і пабываць у пасёлку Чырвоны Бераг, дзе быў дзіцячы канцлагер, каб убачыць пранізлівы мемарыял няздзейсненым дзіцячым марам", - сказаў Лукашэнка.

Прэзідэнт адзначыў, што ў Беларусі смуткуюць аб ахвярах той страшнай вайны. Ён таксама закрануў тэму ветэранаў ВАВ, адзначыўшы, што наш святы абавязак - падтрымаць іх акружыць клопатам франтавікоў і працаўнікоў тылу.

"А вам, паважаныя ветэраны, ад мяне наказ як ад грамадзяніна і галоўнакамандуючага - жывіце", - сказаў прэзідэнт.

Лукашэнка адзначыў, што галоўны ўрок Вялікай Перамогі - у тым, што за мір трэба змагацца, асабліва ў сучасныя дні, калі свет знаходзіцца пад прыцэлам тэрарызму.

Чытайце таксама:

105
Тэги:
Дзень Перамогі, Мінск, Аляксандр Лукашэнка, Беларусь
Тэмы:
Дзень Перамогі - 2019 (68)
Медыцынскі работнік у бальніцы, дзе лечацца хворыя на COVID-19

Плюс 187 хворых: Мінздароўя агучыла свежую статыстыку па каронавірусе

0
(абноўлена 17:23 09.07.2020)
За ўвесь час у рэспубліцы было праведзена 1 мільён 99 тысяч 571 тэст на COVID-19, памерлі 449 пацыентаў з пацверджаным каронавірусам.

МІНСК, 9 ліп - Sputnik. Колькасць выпадкаў захворвання на каронавірус у Беларусі за суткі павялічылася на 187 і складае 64 тысяч 411 чалавек, паведамілі ў чацвер у Міністэрстве аховы здароўя Беларусі.

Паводле інфармацыі ведамства, за ўвесь перыяд пандэміі ў рэспубліцы быў праведзены 1 мільён 99 тысяч 571 тэст на каронавірус.

За суткі прырост тых, хто захварэў COVID-19 склаў 187 чалавек.

"На 9 ліпеня паправіліся і выпісаныя 53 тысячы 609 пацыентаў, у якіх раней быў пацверджаны дыягназ COVID-19", - кажа статыстыка Міністэрства аховы здароўя.

Колькасць памерлых пацыентаў з выяўленым дыягназам "каронавірус" складае 499. Ведамства адзначае, што ў іх акрамя COVID быў шэраг іншых хранічных захворванняў.

Раней прэзідэнт краіны Аляксандр Лукашэнка заявіў, што Мінск у цэлым з каронавірусам справіўся. Паводле яго слоў, сталіца ў эпідэміялагічны перыяд была самай праблемнай. Ён выказаў меркаванне, што вырашыць праблему ў "такім густанаселеным горадзе" дапамаглі сістэма, якая склалася ў краіне, дысцыпліна і кіраванне ў медыцынскай сферы.ытайце таксама:

0
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19
Цяжарная жанчына, архіўнае фота

Каронавірус выяўлены прыкладна ў 500 цяжарных і парадзіх у Беларусі

1
(абноўлена 14:09 09.07.2020)
Цяжкіх пацыентаў, па словах прадстаўніка Міністэрства аховы здароўя, сярод будучых і маладых мам не было, пнеўманія развівалася толькі ў 20-30% выпадкаў.

МІНСК, 9 ліп - Sputnik. Сярод тых, у каго ў Беларусі быў выяўлены каронавірус, было каля 500 цяжарных і парадзіх, пра гэта заявіла журналістам галоўны спецыяліст аддзела дапамогі маці і дзецям Міністэрства аховы здароўя Людміла Кеда.

"Працэнт інфіцыраваных COVID-19 цяжарных у Беларусі мінімальны. Калі браць ад усіх інфіцыраваных, то гэта каля 500 выяўленых жанчын - цяжарных і тых, што радзілі. Гэта невялікая лічба", - цытуе прадстаўніка Міністэрства аховы здароўя агенцтва БелТА.

Кеда пры гэтым падкрэсліла, што цяжкіх выпадкаў сярод цяжарных і парадзіх з COVID-19, якія прывялі б да крытычных наступстваў, не было.

"Прыкладна 20-30% пацыентак зарэгістравана з каронавіруснай пнеўманіяй. У нас дзейнічае сістэма, якая дае дапамогу цяжарным жанчынам у залежнасці ад цяжару стану", - адзначыла спецыяліст.

Напрыканцы мая Міністэрства аховы здароўя апублікаваў у сваім Telegram-канале гісторыю маладой мамы, якая захварэла на каронавірус, больш за тры тыдні правяла ў рэанімацыі мінскай клінікі і выжыла.

Па дадзеных на 8 ліпеня, у Беларусі колькасць выяўленых выпадкаў каронавіруса склала 64 тысячы 224 чалавека, паправіліся і былі выпісаныя 52 тысячы 854 пацыента, памерлі 443 інфіцыраваных.

1
Тэги:
Міністэрства аховы здароўя Рэспублікі Беларусь, каронавірус, Беларусь
Тэмы:
Каронавірус COVID-19
Вераб'і на плоце пад дажджом, архіўнае фота

Прагноз надвор'я на выхадныя: будзе свежа і дажджліва

0
(абноўлена 17:04 09.07.2020)
Сіноптыкі папярэджваюць пра ўзмацненне ветру ў пятніцу і навальніцах у асобных раёнах краіны.

МІНСК, 9 ліп - Sputnik. Жоўты ўзровень небяспекі аб'явілі на пятніцу сіноптыкі. Гідраметцэнтр папярэджвае, што раніцай і щдзень 10 ліпеня месцамі па краіне чакаецца моцны вецер парывамі да 15-20 м/с і ўдзень у асобных раёнах краіны прагрымяць навальніцы.

У цэлым надвор'е ў пятніцу будуць вызначаць атмасферныя франты, якія змяшчаюцца з Заходняй Еўропы. Чакаецца воблачнае з праясненнямі надвор'е. Раніцай і ўдзень на большай частцы тэрыторыі краіны пройдуць кароткачасовыя дажджы, удзень у асобных раёнах прагрымяць навальніцы. Уначы і раніцай месцамі магчымы слабы туман.

Тэмпература паветра складзе ўначы +7 .. + 12°С, на захадзе будзе цяплей - да +13 .. + 15°С, удзень - ад +19 .. + 24°С да +25 .. + 28°С на поўдні краіны.

У суботу таксама будзе воблачна з праясненнямі, чакаюцца кароткачасовыя дажджы, у асобных раёнах прагназуюць ліўні. Месцамі прагрымяць навальніцы. Вецер паўднёвы, удзень з пераходам на паўночна-заходні парывісты, раніцай і ўдзень пры навальніцах магчыма ўзмацненне ветру. Тэмпература паветра складзе ўначы +13 .. + 20°С, удзень - ад + 19°С па паўночным захадзе, да + 32°С па паўднёвым усходзе.

У нядзелю чакаецца перамяшчэнне халоднага атмасфернага фронту - на тэрыторыю краіны пачне паступаць халодная паветраная маса. Будзе воблачна і дажджліва. Дажджы пройдуць на большай частцы тэрыторыі рэспублікі, у асобных раёнах прагрымяць навальніцы. Вецер будзе паўночна-заходні, паўночны, парывісты. Тэмпература паветра складзе ўначы +9 .. + 15°С, удзень +13 .. + 20°С. На паўднёвым усходзе будзе крыху цяплей: уначы +16 .. + 19°С, максімальная тэмпература днём +21 .. + 28°С.

0
Тэги:
Прагноз надвор'я, Беларусь