Цяпер усё законна: вакцына "Эўпента" атрымала рэгістрацыю ў Беларусі

© Sputnik / Яков Андреев / Перайсці ў медыябанкВакцынацыя ў адной з паліклінік
Вакцынацыя ў адной з паліклінік - Sputnik Беларусь
Падпісацца
Рэгістрацыя карэйскай вакцыны будзе сапраўдная да 2024 года, гэта значыць цяпер яе прымяненне законна.

МІНСК, 17 мая - Sputnik. Карэйская вакцына "Эўпента", якая пацягнула ў мінулым годзе смерць дзіцяці ў Ганцавіцкім раёне, атрымала афіцыйную рэгістрацыю ў Беларусі, паведамляе Sputnik.

Трагедыя адбылася ў Ганцавіцкім раёне ў жніўні мінулага года: пасля прышчэпкі карэйскай "Эўпентай" загінула двухмесячнае дзіця. Як пазней высветлілася, выкарыстоўвалася вакцына без рэгістрацыі і ўвозілася ў Беларусь незаконна. Аднак іншых парушэнняў выяўлена не было: рэчыва было прызнана якасным, а прычынай гібелі малога стала алергічная рэакцыя.

Як высветліў Sputnik ў пятніцу, вакцына "Эўпента", якая выкарыстоўвалася і пасля трагічнага выпадку, атрымала афіцыйную рэгістрацыю ў Беларусі.

Нарматыўная дакументацыя была зацверджана яшчэ 1 сакавіка. Скончыцца яна толькі ў 2024 годзе. Такім чынам, да таго часу выкарыстанне "Эўпенты" ў рэспубліцы з'яўляецца законным.

Міністэрства аховы здароўя Беларусь набывала карэйскую "Эўпенту" як альтэрнатыву расійскай АКДС. Карэйская вакцына на той момант была зарэгістраваная ў дзевяці краінах, а таксама мела прэкваліфікацыю СААЗ. Сама Сусветная арганізацыя аховы здароўя не лічыць вакцыну небяспечнай і рэкамендавала яе да ўжывання.

Стужка навiн
0