Падпісаны ўказ аб дадатковых мерах бяспекі на Еўрапейскіх гульнях

Падпісаны ўказ аб дадатковых мерах бяспекі на Еўрапейскіх гульнях

38
(абноўлена 08:50 21.05.2019)
Дакумент быў падрыхтаваны на падставе замежнага і айчыннага вопыту правядзення і арганізацыі маштабных міжнародных спартыўных спаборніцтваў.

МІНСК, 21 мая - Sputnik. Прэзідэнт Беларусі Аляксандр Лукашэнка падпісаў указ, які ўводзіць дадатковыя меры бяспекі на другіх Еўрапейскіх гульнях, якія пройдуць летам у Мінску, паведамілі ў прэс-службе кіраўніка дзяржавы.

Подпіс пад дакументам, якім прадугледжаны адпаведныя палажэнні, беларускі лідар паставіў у панядзелак 20 мая. Адзначаецца, што ўказ быў падрыхтаваны на падставе замежнага і айчыннага вопыту правядзення і арганізацыі маштабных міжнародных спартыўных спаборніцтваў.

"Яго нормы накіраваны на забеспячэнне бяспекі на спартыўных арэнах, у гасцініцах і іншых аб'ектах інфраструктуры Еўрапейскіх гульняў, на дарогах Мінска", - сказалі ў прэс-службе.

Там таксама адзначылі, што рэалізацыя мер, устаноўленых указам, дапаможа правесці II Еўрапейскія гульні ў рэспубліцы такім чынам, каб іх ўдзельнікі і балельшчыкі адчувалі сябе ў Беларусі камфортна і бяспечна.

Другія Еўрапейскія гульні пройдуць у Мінску з 21 па 30 чэрвеня бягучага года. Гэта будуць буйнейшыя спартыўныя міжнародныя спаборніцтвы ў гісторыі суверэннай Беларусі. Раней у МУС рэспублікі неаднаразова заяўлялі, што беларуская міліцыя рыхтавалася да іх некалькі гадоў, а з 15 чэрвеня па 4 ліпеня асабісты склад органаў унутраных спраў перавядуць на ўзмоцнены варыянт нясення службы.

38
Тэги:
Еўрапейскія гульні
Тэмы:
Еўрапейскія гульні - 2019 (192)
Вытворчасць вакцыны ад COVID-19 на фармацэўтычным заводзе

Мінздароўя Расіі заявіў аб пачатку вытворчасці вакцыны ад COVID

2
(абноўлена 15:09 15.08.2020)
Раней міністр Міхаіл Мурашка заяўляў, што першымі вакцыну атрымаюць тыя, хто працуе непасрэдна з інфіцыраванымі пацыентамі.

МІНСК, 15 жні - Sputnik. Вытворчасць вакцыны ад каронавіруснай інфекцыі, распрацаванай цэнтрам Гамалеі, пачалася ў Расіі, ужо гатовая першая партыя, пра гэта паведамілі ў прэс-службе расійскага Міністэрства аховы здароўя ў суботу.

"Пачата вытворчасць вакцыны ад новай каронавіруснай інфекцыі COVID-19, распрацаванай НДЦЭМ імя Гамалеі Міністэрства аховы здароўя Расіі", - сказана ў паведамленні профільнага ведамства.

Раней кіраўнік Міністэрства аховы здароўя Міхаіл Мурашка заяўляў, што першымі вакцыну атрымаюць тыя, хто працуе непасрэдна з пацыентамі і з гуртамі рызыкі.

"Першую вакцыну атрымаюць у гэтым месяцы. Плануем адправіць ва ўсе рэгіёны, каб людзі ўбачылі. Вытворчасць ўжо пачалася", - сказаў ён і дадаў, што і сам плануе зрабіць прышчэпку.

Аб рэгістрацыі першай у свеце вакцыны ад COVID-19 Расія заявіла ў аўторак. Яна атрымала назву "Спадарожнік V", прайшла ўсе неабходныя праверкі і фармуе ўстойлівы імунітэт.

2
Тэги:
Вакцынацыя, Расія, каронавірус
Тэмы:
Каронавірус COVID-19
Затрыманні ў Мінску

Літва фінансава дапаможа пацярпелым падчас пратэстаў у Беларусі

18
(абноўлена 17:26 14.08.2020)
За некалькі дзён масавых акцый нязгодных з вынікамі выбараў былі затрыманыя каля сямі тысяч чалавек, людзі, якія выходзяць зараз на свабоду, распавядаюць пра жорсткасць прадстаўнікоў праваахоўных органаў.

МІНСК, 14 жні - Sputnik. Літва гатовая аказаць фінансавую дапамогу пацярпелым падчас пратэстаў у Беларусі, заявіў кіраўнік МЗС гэтай балтыйскай краіны Лінас Лінкявічус.

"Літва вырашыла вылучыць фінансавыя сродкі для аказання дапамогі пацярпелым падчас нядаўніх пратэстаў у Беларусі", - напісаў кіраўнік знешнепалітычнага ведамства краіны на сваёй старонцы ў Twitter.

У пятніцу Лінкявічус таксама прапанаваў стварыць фонд ЕС для падтрымкі беларусаў, якія пакутуюць ад рэпрэсіяў, губляюць працу і свае даходы. На яго думку, умовы такога фонду могуць быць вызначаны ў найбліжэйшай будучыні.
Напярэдадні кіраўнік МЗС Літвы таксама заявіў, што Вільня гатовая і разглядае магчымасць прымаць на гуманітарных падставах беларускіх грамадзян, якія пакутуюць ад жорстка абыходжання. На гэтым тыдні вымушана была пакінуць Беларусь і пераехаць у Вільнюс кандыдат у прэзідэнты Святлана Ціханоўская.

Прэзідэнцкія выбары ў Беларусі адбыліся 9 жніўня. Паводле звестак Цэнтрвыбаркама, на выбарах перамог Аляксандр Лукашэнка, за яго прагаласавалі больш за 80% выбаршчыкаў. Незадаволеныя агучанымі вынікамі людзі з вечара 9 жніўня выходзяць на вуліцы гарадоў. За час пратэстаў у Беларусі было затрымана каля сямі тысяч чалавек, у бальніцах апынуліся сотні чалавек, у тым ліку і супрацоўнікі праваахоўных органаў. Загінулі двое, адзін каля станцыі метро "Пушкінская" ў Мінску, другі - пасля затрымання ў Гомелі.

Пасля жорсткіх разгонаў пратэстуючых у першыя дні з заклікам спыніць гвалт пачалі выступаць медыкі і супрацоўнікі прадпрыемстваў. Напярэдадні міністр унутраных спраў Юрый Караеў папрасіў прабачэння за траўмы выпадковых людзей падчас акцый пратэсту. З мінскага ЦІП і турмы ў Жодзіна сталі адпускаць затрыманых, якія, сярод іншага, распавядаюць, пра жорсткі звароце да іх прадстаўнікоў праваахоўных органаў.

18
Тэги:
Беларусь, Літва
Тэмы:
Пратэсты пасля выбараў у Беларусі