Медалі II Еўрапейскіх гульняў паказалі ў Міры

Медалі II Еўрапейскіх гульняў паказалі ў Міры

43
(абноўлена 14:36 21.05.2019)
Медалі выраблены з золата, срэбра і бронзы з выкарыстаннем нанаалмазаў для ўмацавання каштоўнага пакрыцця.

МІНСК, 21 мая - Sputnik. Прэзентацыя медалёў II Еўрапейскіх гульняў адбылася ў Міры, паведамілі ў прэс-службе дырэкцыі Еўрапейскіх гульняў-2019.

"Роўна за месяц да пачатку II Еўрапейскіх гульняў у замкавым комплексе "Мір" адбылася прэзентацыя ўзнагародных і памятных медалёў будучага мультыспартыўнага форуму", - распавялі ў прэс-службе.

Корпус медалёў выкананы з адмысловага сплаву - тампака. Узнагароды выраблены з золата 24К, чыстага срэбра 999-й пробы і бронзы. Для ўмацавання каштоўнага пакрыцця выкарыстоўваюцца таксама нанаалмазы, запатэнтаваная тэхналогія беларускіх распрацоўшчыкаў. Вага адной узнагароды складае каля 540 грамаў, дыяметр - 9,5 см, а яе таўшчыня - каля сантыметра.

"Невыпадкова з'яўляецца і дыяметр медалі - 9,5 см, бо насельніцтва Беларусі складае 9,5 мільёнаў чалавек", - растлумачылі ў прэс-службе.

Усяго для II Еўрапейскіх гульняў будзе выраблена 1084 медалі: па 329 залатых і срэбных, а таксама 426 бронзавых.

"Прэзентацыя медалёў любога спартыўнага форуму падобнага ўзроўню - адзін з ключавых момантаў падрыхтоўкі не толькі для каманды арганізатараў, але і для каманд - удзельніц Гульняў, і самае галоўнае, для саміх атлетаў", - распавёў дырэктар фонду "Дырэкцыя II Еўрапейскіх гульняў 2019 года" Георгій Катулін.

Ён адзначыў, што роўна праз месяц першыя ўзнагароды знойдуць сваіх пераможцаў.

Акрамя ўзнагародных медалёў, будуць таксама выраблены памятныя - іх атрымаюць усе ўдзельнікі II Еўрапейскіх гульняў і афіцыйныя асобы, якія ўваходзяць у склад спартыўных дэлегацый краін. Яны стануць паменшанай копіяй узнагарод прызёраў спаборніцтваў.

43
Тэги:
Еўрапейскія гульні
Тэмы:
Еўрапейскія гульні - 2019 (192)
Вытворчасць вакцыны ад COVID-19 на фармацэўтычным заводзе

Мінздароўя Расіі заявіў аб пачатку вытворчасці вакцыны ад COVID

2
(абноўлена 15:09 15.08.2020)
Раней міністр Міхаіл Мурашка заяўляў, што першымі вакцыну атрымаюць тыя, хто працуе непасрэдна з інфіцыраванымі пацыентамі.

МІНСК, 15 жні - Sputnik. Вытворчасць вакцыны ад каронавіруснай інфекцыі, распрацаванай цэнтрам Гамалеі, пачалася ў Расіі, ужо гатовая першая партыя, пра гэта паведамілі ў прэс-службе расійскага Міністэрства аховы здароўя ў суботу.

"Пачата вытворчасць вакцыны ад новай каронавіруснай інфекцыі COVID-19, распрацаванай НДЦЭМ імя Гамалеі Міністэрства аховы здароўя Расіі", - сказана ў паведамленні профільнага ведамства.

Раней кіраўнік Міністэрства аховы здароўя Міхаіл Мурашка заяўляў, што першымі вакцыну атрымаюць тыя, хто працуе непасрэдна з пацыентамі і з гуртамі рызыкі.

"Першую вакцыну атрымаюць у гэтым месяцы. Плануем адправіць ва ўсе рэгіёны, каб людзі ўбачылі. Вытворчасць ўжо пачалася", - сказаў ён і дадаў, што і сам плануе зрабіць прышчэпку.

Аб рэгістрацыі першай у свеце вакцыны ад COVID-19 Расія заявіла ў аўторак. Яна атрымала назву "Спадарожнік V", прайшла ўсе неабходныя праверкі і фармуе ўстойлівы імунітэт.

2
Тэги:
Вакцынацыя, Расія, каронавірус
Тэмы:
Каронавірус COVID-19
Затрыманні ў Мінску

Літва фінансава дапаможа пацярпелым падчас пратэстаў у Беларусі

18
(абноўлена 17:26 14.08.2020)
За некалькі дзён масавых акцый нязгодных з вынікамі выбараў былі затрыманыя каля сямі тысяч чалавек, людзі, якія выходзяць зараз на свабоду, распавядаюць пра жорсткасць прадстаўнікоў праваахоўных органаў.

МІНСК, 14 жні - Sputnik. Літва гатовая аказаць фінансавую дапамогу пацярпелым падчас пратэстаў у Беларусі, заявіў кіраўнік МЗС гэтай балтыйскай краіны Лінас Лінкявічус.

"Літва вырашыла вылучыць фінансавыя сродкі для аказання дапамогі пацярпелым падчас нядаўніх пратэстаў у Беларусі", - напісаў кіраўнік знешнепалітычнага ведамства краіны на сваёй старонцы ў Twitter.

У пятніцу Лінкявічус таксама прапанаваў стварыць фонд ЕС для падтрымкі беларусаў, якія пакутуюць ад рэпрэсіяў, губляюць працу і свае даходы. На яго думку, умовы такога фонду могуць быць вызначаны ў найбліжэйшай будучыні.
Напярэдадні кіраўнік МЗС Літвы таксама заявіў, што Вільня гатовая і разглядае магчымасць прымаць на гуманітарных падставах беларускіх грамадзян, якія пакутуюць ад жорстка абыходжання. На гэтым тыдні вымушана была пакінуць Беларусь і пераехаць у Вільнюс кандыдат у прэзідэнты Святлана Ціханоўская.

Прэзідэнцкія выбары ў Беларусі адбыліся 9 жніўня. Паводле звестак Цэнтрвыбаркама, на выбарах перамог Аляксандр Лукашэнка, за яго прагаласавалі больш за 80% выбаршчыкаў. Незадаволеныя агучанымі вынікамі людзі з вечара 9 жніўня выходзяць на вуліцы гарадоў. За час пратэстаў у Беларусі было затрымана каля сямі тысяч чалавек, у бальніцах апынуліся сотні чалавек, у тым ліку і супрацоўнікі праваахоўных органаў. Загінулі двое, адзін каля станцыі метро "Пушкінская" ў Мінску, другі - пасля затрымання ў Гомелі.

Пасля жорсткіх разгонаў пратэстуючых у першыя дні з заклікам спыніць гвалт пачалі выступаць медыкі і супрацоўнікі прадпрыемстваў. Напярэдадні міністр унутраных спраў Юрый Караеў папрасіў прабачэння за траўмы выпадковых людзей падчас акцый пратэсту. З мінскага ЦІП і турмы ў Жодзіна сталі адпускаць затрыманых, якія, сярод іншага, распавядаюць, пра жорсткі звароце да іх прадстаўнікоў праваахоўных органаў.

18
Тэги:
Беларусь, Літва
Тэмы:
Пратэсты пасля выбараў у Беларусі