Канцэрт у падтрымку ПВА Анёл прайшоў у Мінску

"Усё выдатна": канцэрт у падтрымку ПВА "Анёл" прайшоў у Мінску

17
(абноўлена 16:54 31.05.2019)
Як адзначаюць у самім атрадзе, апроч збору сродкаў на дзейнасць "Анёла" выканана і больш важная місія: нагадаць усім, што галоўнае - бяспека дзяцей.

Пошукава-выратавальны атрад "Анёл", як вядома, працуе дзякуючы валанцёрам і неабыякавым, аднак выдаткі ўсё роўна бываюць: на сувязь, рыштунак і іншыя неабходныя рэчы. Спецыяльна для збору сродкаў на тэхдапамогу атрада напярэдадні ў Мінску прайшоў канцэрт "Крылы анёла", удзельнічаць у якім пагадзіліся многія зоркі і калектывы.

"Усе кажуць, што было выдатна", - падзялілася са Sputnik прэс-сакратар атрада Юлія Коўган.

У пошукава-выратавальным атрадзе адзначылі, што выступілі ўсе выдатна - і зоркі, і зусім юныя артысты. Тыя, хто прымаў удзел у канцэрце падзякавалі тым, хто прыйшоў сюды як глядач.

"Канцэрт прайшоў напярэдадні Дня абароны дзяцей. Галоўнае, што мы змаглі зрабіць - нагадаць усім, што бяспека дзяцей знаходзіцца на першым месцы", - дадала Коўган.

Толькі станоўчыя ўражанні ад канцэрту і ў трэнераў дзіцячай студыі танца ENCANTO: юныя танцоры выступалі на сцэне ў рамках мерапрыемства.

"Хацелі б падзякаваць і Палацу культуры, і ўсім партнёрам, якія дапамаглі арганізаваць усё, аплаціць арэнду, падарыць дзецям марозіва і ваду", - падзяліліся ў студыі.

Выступы беларускіх зорак, дадалі суразмоўцы агенцтва, прайшлі выдатна - як і ў юных танцораў са студыі.

"Дзеці вельмі матываваныя былі на тое, каб дапамагчы", - дадалі ў студыі.

Былі ўражаныя канцэртам і гледачы. "Было супер! Вялікі дзякуй усім", - напісала адна з глядачак у сацсетках.

У канцэрце "Крылы Анёла" прынялі ўдзел Дзмітрый Калдун, Аляксандр Патліс, Георгій Калдун, гурт "Тяни-Толкай", шоу казачай песні і танца "Маме падабаецца!", Alen Hit, Atlantica, студыя танца Encanto. Таксама ў праграме былі светлавое шоу, байкеры, аквагрым, фотабудка з фотазонай і многае іншае. Sputnik выступаў інфармацыйным партнёрам канцэрта.

17
Тэги:
Канцэрт, Мінск

Грамадства