Мінскметрабуд распавёў, калі адкрыюць новую галінку метро

"Мінскметрабуд" распавёў, калі адкрыюць новую галінку метро

28
(абноўлена 10:45 10.06.2019)
Амаль гатовыя першая наземная станцыя мінскай падземкі, "Вакзальная" і станцыя "Кавальская Слабада" на скрыжаванні Жукоўскага і Варанянскага.

МІНСК, 10 чэр - Sputnik. Чатыры станцыі трэцяй лініі сталічнага метрапалітэна плануюць адкрыць 3 ліпеня 2020-га, паведамляе агенцтва "Мінск-новости". Раней прадстаўнікі УП "Мінскметрабуд" казалі, што першыя цягнікі па новай лініі пусцяць ужо ў 2020 годзе, але не ўдакладнялі дату.

Першых пасажыраў праз год - 3 ліпеня 2020 года - прымуць станцыі "Вакзальная", "Кавальская Слабада" (на скрыжаванні Жукоўскага і Варанянскага), "Плошча Багушэвіча" і "Юбілейная плошча".

На "Вакзальнай" механізаваны комплекс "Алеся" яшчэ пракладае апошні тунэль першага пускавога комплексу. Скончыць гэтую працу метрабудаўцы плануюць у пачатку кастрычніка. Вестыбюль самой станцыі ўжо аформлены ў цёмна-зялёных адценнях. Ён будзе наземны і стане першай падобнай станцыяй мінскага метро. Мяркуецца, што аздабленне памяшканняў на гэтай станцыі завяршыцца да канца года.

"Да 2 студзеня 2020-га плануем пусціць пробны цягнік. Тое ж тычыцца і "Кавальскай Слабады", - распавёў намеснік генеральнага дырэктара па ідэалагічнай працы "Мінскметрабуда" Алег Бойчук.

"Кавальская Слабада" практычна гатовая. Яна ўжо амаль уся аздобленая гранітам і мармурам, работы ідуць у холе. Пачалося аздабленне і станцыі "Плошча Багушэвіча". Станцыя "Юбілейная плошча" будзе самай глыбокай. Тут жа будзе арганізаваны перасадачны пункт з 3-й на 2-ю лінію метро з пераходам на "Фрунзенскую".

"Пабудавалі ўзровень платформы, працягваюць будаваць асноўныя канструкцыі. У верасні 2019 года работу пачнуць аддзелачнікі", - распавёў прадстаўнік "Мінскметрабуда".

Працягваецца праца і над 2-й чаргой 3 лініі метро. Ужо пабудаваны тунэль ад "Кавальскай Слабады" да "Аэрадромнай". Ідуць падрыхтоўчыя працы, якія дазволяць пачаць пракладку ў бок будучай станцыі "Немаршанскі сад". Працягласць усёй Зеленалужскай лініі складзе 17,2 кіламетра.

28
Тэги:
Мінск, Метро
Жанчына з дзіцем у ахоўных масках на чыгуначным вакзале ў Кіеве, Украіна

Мінздароўя заклікала беларусаў выконваць сацыяльнае дыстанцыяванне

5
(абноўлена 13:14 25.09.2020)
Ужо некалькі тыдняў у краіне назіраецца рост колькасці хворых на каронавірус: за апошнія суткі дыягназ паставілі амаль 300 беларусам.

МІНСК, 25 вер - Sputnik. Беларускае Міністэрства аховы здароўя звярнулася да грамадзян з заклікам выконваць правілы сацыяльнага дыстанцыяваньня, адпаведная заява з'явілася на сайце ведамства.

"Улічваючы, што сезон захворвання на вострыя рэспіраторныя інфекцыі ў нашай краіне пачынаецца штогод у верасні, Міністэрства аховы здароўя Рэспублікі Беларусь рэкамендуе грамадзянам выконваць правілы сацыяльнага дыстанцыявання, як адну з асноўных мер прафілактыкі заражэння віруснымі інфекцыямі", - гаворыцца ў паведамленні.

Найбольш шырока аб сацыяльным дыстанцыяванні ў Беларусі пачалі казаць вясной, калі пачалася пандэмія каронавіруса COVID-19. Грамадзянам рэкамендавалі знаходзіцца адзін ад аднаго на адлегласці 1,5 метра, а таксама выконваць масачны рэжым.

Ужо больш за два тыдні Міністэрства аховы здароўя паведамляе пра рост колькасці хворых на COVID-19. Толькі за апошнія суткі дыягназ паставілі амаль 300 беларусам. За час пандэміі каронавіруса краіне захварэлі 76 651 чалавек, з якіх памерлі 802 пацыента.

5
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19
Хуткая дапамога працуе ў Мінску

Хворых усё больш: Міністэрства аховы здароўя абнавіла статыстыку па COVID

12
(абноўлена 14:25 25.09.2020)
За апошнія суткі дыягназ пацвердзіўся ў 306 беларусаў, памерлі пяць пацыентаў з каронавірусам.

МІНСК, 25 вер - Sputnik. Колькасць хворых на каронавірус беларусаў павялічылася на 306 чалавек, паведамляе Міністэрства аховы здароўя.

За час пандэміі ў краіне зафіксавана 76 957 выпадкаў заражэння. Паправіліся і выпісаныя са шпіталяў 73 925 пацыентаў, за апошнія суткі - 192.

Расце колькасць смяротных вынікаў. За мінулыя суткі ў бальніцах памерлі яшчэ пяць чалавек, ад пачатка сакавіка - ужо 807. Па дадзеных міністэрства, ва ўсіх памерлых былі хранічныя захворванні.

Міністэрства аховы здароўя звярнулася да грамадзян і заклікаў іх выконваць правілы сацыяльнага дыстанцыявання.

"Улічваючы, што сезон захворвання на вострыя рэспіраторныя інфекцыі ў нашай краіне пачынаецца штогод у верасні, Міністэрства аховы здароўя Рэспублікі Беларусь рэкамендуе грамадзянам выконваць правілы сацыяльнага дыстанцыяваньня, як адну з асноўных мер прафілактыкі заражэння віруснымі інфекцыямі", - гаворыцца ў паведамленні.

12
Тэги:
Міністэрства аховы здароўя Рэспублікі Беларусь, каронавірус, Беларусь
Які сёння дзень: 26 верасня 2020 года

Які сёння дзень: 26 верасня 2020 года

0
(абноўлена 09:56 21.09.2020)
Гэты дзень з'яўляецца дзвесце сямідзясятым па грыгарыянскім календары, да канца года застаецца 96 дзён.

У 1788 годзе нарадзіўся беларускі філолаг Іван Насовіч, аўтар "Слоўніка беларускай мовы". Якія яшчэ падзеі адбыліся 26 верасня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 26 верасня

  • У 1629 годзе было падпісана перамір'е паміж Рэччу Паспалітай і Швецыяй, якім скончылася вайна 1600-29 гадоў.
  • У 1655 годзе расійскія войскі спалілі Пінск.
  • У 1964 годзе быў утвораны курортны пасёлак Нарач.
  • У 1990 годзе было заснавана Беларускае таварыства архівістаў.

Хто нарадзіўся 26 верасня

  • 1788 год: Іван Насовіч, беларускі філолаг, этнограф і фалькларыст, стваральнік "Слоўніка беларускай мовы".
  • 1910 год: Уладзімір Агіевіч, беларускі літаратурны крытык.
  • 1925 год: Навум Кіслік, беларускі пісьменнік.

Таксама сёння нарадзіліся нямецкі філосаф Марцін Хайдэгер і прэзідэнт Ураіны Пётр Парашэнка.

26 верасня ў народным календары

Сёння праваслаўныя вернікі шануюць памяць Карнілія – рымскага сотніка, які прыняў хрысціянства дзякуючы апосталу Пятру.

У народзе святога Карнілія называлі Карней, і па сугуччы з яго імём казалі, што настаў час прыбіраць апошнія карняплоды з агародаў. Лічылася, што з гэтага дня ўсе расліны спыняюць рост.

Напярэдадні іншага вялікага царкоўнага свята – Узвіжання – казалі: "Узвіжання чакай, а рэпу вырывай".

26 верасня звярталі ўвагу на птушак: калі ўсе гракі ўжо паляцелі ў вырай, хутка выпадзе снег. А калі з дамашняй птушкі пер'е так і ляціць – зіма будзе цёплай, але снежнай.

0
Тэги:
народны каляндар, які сёння дзень, Беларусь
Тэмы:
Які сёння дзень: каляндар знакавых падзей