Выстава работ Міжнароднага конкурсу фотажурналістыкі імя Андрэя Сценіна ў намінацыі Спорт адкрылася ў Доме заўзятараў каманды Расіі на II Еўрапейскіх Гульнях

Выстава імя Сценіна з працамі фотакораў розных краін адкрылася ў Мінску

37
(абноўлена 12:55 12.12.2019)
Фота можа змяніць жыццё: аднаму з герояў здымка - маленькаму ірацкаму хлопчыку з ампутаванай нагой, закаханаму ў футбол, неўзабаве ўсталююць пратэз дзякуючы фонду "Спартак - дзецям".

МІНСК, 21 чэр - Sputnik. Выстава работ Міжнароднага конкурсу фотажурналістыкі імя Андрэя Сценіна ў намінацыі "Спорт" адкрылася ў Доме заўзятараў каманды Расіі на II Еўрапейскіх Гульнях, перадае карэспандэнт Sputnik.

У рамках маштабнай спартыўнай падзеі госці выставы змогуць убачыць выбраныя працы лаўрэатаў конкурсу за ўсе пяць гадоў з моманту яго старту ў снежні 2014 года.

"Я вельмі рады вітаць усіх гасцей, арганізатараў і паважаных калегаў, і вельмі рады аб'явіць адкрыццё экспазіцыі нашай ужо досыць вядомай выставы, якую мы каталі па ўсім свеце (...). Вялікая колькасць фотажурналістаў з больш чым 70 розных краін свету дасылаюць на конкурс свае працы", - сказаў на адкрыцці арганізатар і ідэйны натхняльнік выставы, дырэктар фотаінфармацыі МІА "Россия сегодня" Аляксандр Штоль.

Асобную падзяку ён выказаў арганізатарам адкрыцця Дома заўзятараў у рамках Гульняў, а таксама Алімпійскаму камітэту Расіі і асабіста яго прэзідэнту Станіславу Пазнякову.

Віп-госці выставы імя Сценіна

Прэзідэнт Алімпійскага камітэта Расіі Станіслаў Пазнякоў был прыемна здзіўлены, што ў экспазіцыі прысутнічаюць фотаздымкі фехтавальшчыкаў.

Ён распавёў, што у свой час стаяў каля вытокаў расфарбоўкі масак фехтавальшчыкаў у колеры нацыянальнага сцяга і што зараз на фота гэта выглядае вельмі прыгожа.

И.о. первого вице-президента НОК Беларуси Виктор Лукашенко, президент Олимпийского комитета России Станислав Поздняков и руководитель фотослужбы МИА Россия сегодня Александр Штоль
© Sputnik / Виктор Толочко
В.а. першага віцэ-прэзідэнта НАК Беларусі Віктар Лукашэнка, прэзідэнт Алімпійскага камітэта Расіі Станіслаў Пазнякоў і кіраўнік фотослужбы МІА "Россия сегодня" Аляксандр Штоль

В.а. першага віцэ-прэзідэнта НАК Беларусі Віктар Лукашэнка пагадзіўся з меркаваннем кіраўніка фотослужбы МІА "Россия сегодня" Алекандра Штоля пра тое, што нават адна фатаграфія можа змяніць жыццё чалавека. Штоль распавёў яму пра фота бязногага ірацкага хлопчыка, якога адшукалі і ў Расіі зрабілі пратэз.

Адным з самых яркіх фрагментаў выставы па праве можна лічыць кадр Тайсіра Махдзі з Ірака "Жаданне жыць", на якім захаваны ў момант атакі юны футбаліст з ампутаванай нагой.

Желание жить. Спорт, одиночные фотографии, 1 место
© Photo : Stenincontest / Тайсир Махди
Жаданне жыць. Спорт, адзінкавыя фатаграфіі, 1 месца

Па ініцыятыве МЗС Расіі медыягрупа "Россия сегодня", заснавальнік конкурсу, адшукала героя гэтага здымка, 13-гадовага Касіма Алькадзіма з іракскага горада Кербела. У маі хлопчык прыязджаў у Маскву і змог убачыць вялікі футбол, гарачым прыхільнікам якога з'яўляецца.

© RUPTLY.
Жаданне жыць

Але галоўнае, ён прайшоў абследаванне ў вядучых урачоў Расіі, а ў ліпені прыедзе ў сталіцу зноў: яму будзе ўсталяваны пратэз, які аплаціць дабрачынны фонд "Спартак - дзецям".

Куды ісці, каб убачыць выставу

Пераможцы конкурсу імя Сценіна - маладыя, але ўжо прафесіяналы. Годным прыкладам можна лічыць фотажурналіста з Беларусі Сяргея Гапона, які стаў фіналістам конкурсу ўжо ў другі раз (яго пераможныя работы мінулага года - "Журавінавае сэрца" і "Касічка").

Убачыць цікавыя работы ў рамках выставы можна ў Доме заўзятараў каманды Расіі (цэнтр "Дом Масквы ў Мінску") на вуліцы Камуністычная, 86 штодня з 21 па 30 чэрвеня.

Міжнародны конкурс фотажурналістыкі імя Андрэя Сценіна арганізаваны МІА "Россия сегодня" пад эгідай Камісіі РФ па справах ЮНЕСКА. Конкурс ставіць сваёй мэтай падтрымаць маладых фатографаў і прыцягнуць грамадскую ўвагу да задач сучаснай фотажурналістыкі. Гэта пляцоўка для маладых фатографаў - таленавітых, чулых і адкрытых да ўсяго новага, дзе яны звяртаюць нашу ўвагу на людзей і падзеі побач з намі. Інфармацыйнае агенцтва і радыё Sputnik - міжнародны інфармацыйны партнёр конкурс.

37
Тэги:
Дом Масквы, Мінск, Міжнародны конкурс фотажурналістыкі імя Андрэя Сценіна
Тэмы:
Еўрапейскія гульні - 2019 (192)
Супрацоўніца хуткай дапамогі ў Мінску

Каронавірус дабраўся да Маладзечна? У горадзе шпіталізавана сям'я

2
(абноўлена 11:50 30.03.2020)
У сацыяльных сетках распаўсюджваецца дакумент, што нібыта ў аднаго з жыхароў Маладзечна тэст на COVID-19 апынуўся станоўчым.

МІНСК, 30 сак - Sputnik. Жыхар Маладзечна прыляцеў з Вялікабрытаніі ў сераду, а ў пятніцу яго адвезлі ў мінскую бальніцу, пра гэта напісана ў апублікаваным у сацыяльных сетках дакуменце, пацвярджаюць інфармацыю і мясцовыя жыхары.

У дакуменце пазначана, што мужчына прыбыў у Нацыянальны аэрапорт авіярэйсам Лондан - Мінск 25 сакавіка ў 17:40. Там у яго быў узяты матэрыял для лабараторнага даследавання на COVID-19. Пасля гэтага малады чалавек паехаў на аўтобусе да беларускай сталіцы, а адтуль на маршрутцы - да Маладзечна.

Вынік тэсту апынуўся станоўчым, і ў пятніцу 27 сакавіка жыхара Маладзечна шпіталізавалі ў мінскую гарадскую інфекцыйную клінічную бальніцу. Магчыма, што ён кантактаваў з дзевяццю людзьмі: пяць чалавек прыляцелі разам з ім з Лондана і трое - дамачадцы.

Па словах суседзяў, мужчына жыве ў прыватным доме. У сераду ўвечары ён прыехаў з камандзіроўкі. З тых часоў яго сям'я з хаты не выходзіла.

"Вельмі крыўдна, што ў людзей такое гора, а журналісты розныя небыліцы плятуць. Чытаў на адным навінавым сайце, нібыта да іх госці прыходзілі, а потым яны шпацыравалі па вуліцы. Няпраўда. Гэта вельмі прыстойная і адказная сям'я. Пасля прыезду мужа, жонка і дзеці цалкам самаізалявалася, ні з кім не размаўлялі. Нават у двор свой не выходзілі", - удакладніў адзін з суседзяў.

Па словах жыхароў бліжэйшых дамоў, у пятніцу, прыкладна ў 11:00 маладога мужчыну, яго жонку, маленькіх сына і дачку шпіталізавалі.

"Прыехала хуткая дапамога. Урачы былі ў ахоўных касцюмах, масках і гумовых ботах. Яны забралі сям'ю, а потым яшчэ цэлы дзень дэзінфікавалі іх дом. Зараз яны ўсе, накшталт, знаходзяцца ў мінскай бальніцы", - распавяла іншая суседка.

Па дадзеных Міністэрства аховы здароўя Беларусі на пятніцу, у краіне зарэгістравана 94 выпадкі каронавіруса. Дадзеных за выхадныя ведамства пакуль не прыводзіла - як і не каментавала інфармацыю аб новых выпадках, у тым ліку ў Маладзечна, Гродна, Лельчыцах і Іўе.

2
Тэги:
Беларусь, Маладзечна, каронавірус
Тэмы:
Успышка каронавіруса з Уханя
У Маскве ўводзяцца дадатковыя абмежаванні ў сувязі з каронавірусам

Адказнасць за парушэнне карантыну робяць больш жорсткай у Маскве

1
(абноўлена 10:14 30.03.2020)
Урад ухваліў папраўкі ў КаАП РФ, згодна з якімі становіцца больш жорсткай адказнасць за парушэнне рэжыму самаізаляцыі ў сталіцы.

МІНСК, 30 сак - Sputnik. Адказнасць за парушэнне каранцінных мер, прынятых з-за распаўсюджвання каронавіруса новага тыпу, становіцца больш жорсткай у Маскве, пра гэта прэм'ер-міністр Расіі Міхаіл Мішусцін паведаміў у панядзелак.

Маскоўскае метро перайменавала дзве станцыі з-за каронавіруса
Пресс-служба Московского метрополитена

Урад ухваліў папраўкі ў Кодэкс аб адміністрацыйных правапарушэннях РФ, згодна з якімі становіцца больш жорсткай адказнасць за парушэнне карантыну ў Маскве.

"Цяпер наша асноўная задача - гэта працаваць на апярэджанне, мінімізаваць распаўсюджванне віруса (...). Узмацняецца адказнасць за парушэнне каранцінных мер, і ўрад ухваліў адпаведныя папраўкі ў Кодэкс Расійскай Федэрацыі аб адміністрацыйных парушэннях", - сказаў Мішусцін падчас нарады з віцэ-прэм'ерамі.

У Маскве і Падмаскоўі ўведзены хатні рэжым самаізаляцыі для ўсіх жыхароў незалежна ад ўзросту з 30 сакавіка. Пакідаць кватэру дазваляецца толькі ў выпадках звароту па экстраную медыцынскую дапамогу і іншай прамой пагрозы жыццю і здароўю, для паездак на працу, калі супрацоўніка не вызвалілі ад службовых абавязкаў, здзяйснення пакупак у бліжэйшай краме або аптэцы. Вынас смецця і выгул хатніх жывёл дапускаецца на адлегласці не больш за 100 метраў ад месца пражывання.

Акрамя таго, сёння ў краіне пачаўся тыдзень выходных - мяркуецца, што гэтая мера дазволіць знізіць актыўнасць грамадзян і затармазіць рост эпідэміі. Па словах Мішусціна, урад робіць усё для таго, каб людзі камфортна правялі непрацоўны тыдзень.

"З сённяшняга дня, у адпаведнасці з указам прэзідэнта, у Расіі пачаўся непрацоўны тыдзень. Мы робім усё, каб людзі маглі з дастатковым камфортам правесці яго дома ў рэжыме самаізаляцыі. А тыя, каму адказнасці не хапае, не мелі магчымасці распаўсюдзіць гэты небяспечны вірус і заражаць ім іншых", - сказаў Мішусцін.

На яго думку, ініцыятыва мэра сталіцы і губернатара Падмаскоўя па абмежаванні перамяшчэння грамадзян ва ўмовах распаўсюджвання каронавіруса лагічныя.

Мішусцін таксама заклікаў рэгіёны звярнуць увагу на прынятыя меры: "Прашу кіраўнікоў суб'ектаў Расійскай Федэрацыі звярнуць увагу на досвед калег і прапрацаваць магчымасць увядзення падобных мер у сваіх рэгіёнах".

1
Тэги:
Расія, каронавірус
Тэмы:
Успышка каронавіруса з Уханя