Чарга на ЦТ у БДУ

Табліца вынікаў ЦТ - 2019

126
(абноўлена 10:30 10.07.2019)
Колькасць стобальнікаў, сярэдні бал усіх, хто здаваў ЦТ, і даты з'яўлення вынікаў - у спецыяльным матэрыяле Sputnik.

Вынікі цэнтралізаванага тэсціравання (ЦТ) пачалі з'яўляцца ў канцы чэрвеня. Першымі сталі вядомыя балы па беларускай і рускай мовах. Якая колькасць абітурыентаў атрымала максімальны бал, калі з'яўляюцца ацэнкі і якія сярэднія балы ў здавалі тыя ці іншыя прадметы?

  • Беларуская мова

Вынікі сталі вядомыя 23 чэрвеня. Максімальны бал набралі 42 абітурыенты, сярэдні бал усіх, хто здаваў - 51,41 са ста.

  • Руская мова

Вынікі з'явіліся 24 чэрвеня. Сярэдні бал склаў 52,34, на максімальны бал напісалі 36 абітурыентаў.

  • Грамадазнаўства

Вынікі па грамадазнаўстве з'явіліся 26 чэрвеня. Колькасць выдатнікаў, як і сярэдні бал па прадмеце, будуць абвешчаныя пазней.

  • Матэматыка

Вынікі ЦТ па матэматыцы сталі вядомыя 28 чэрвеня. Сярэдні бал склаў 50,53, максімальны бал набраў 101 абітурыент.

  • Біялогія

Балы за ЦТ па біялогіі сталі вядомыя 29 чэрвеня. Колькасць стобальнікаў у 2019 годзе - 43, у той час як у мінулым годзе на максімальны бал ЦТ напісалі 11 чалавек. У мінулым годзе сярэдні бал складаў 37,85, у гэтым - 51,78.

  • Замежная мова

Вынікі ЦТ па замежнай мове сталі вядомыя 2 ліпеня. 42 абітурыенты напісалі англійскую мову на максімальныя сто балаў. Сярэдні бал, тых, хто здаваў англійскую - 54,32, нямецкую - 54,58, французскую - 48,56.

  • Хімія

Вынікі ЦТ па хіміі сталі вядомыя 4 ліпеня. Сто балаў набралі 17 чалавек. Сярэдні бал склаў 51, 62. У параўнанні з мінулым годам ён павялічыўся амаль у паўтара разы.

  • Фізіка

Балы за ЦТ па фізіцы сталі вядомыя 5 ліпеня. Максімальную адзнаку атрымалі 15 абітурыентаў. Амаль у два разы вырас сярэдні бал: у гэтым годзе ён склаў 51,08, а ў мінулым - 26,89.

  • Гісторыя Беларусі

Балы за ЦТ па гісторыі Беларусі сталі вядомыя 8 ліпеня. Сто балаў набралі 12 чалавек, а сярэдні бал склаў 50,82.

  • Геаграфія

На ЦТ па геаграфіі сто балаў не атрымаў ніхто з беларускіх абітурыентаў. Сярэдні бал склаў 50,77, тады як у 2018 годзе гэта паказчык быў 35,15.

  • Сусветная гісторыя (найноўшы час)

Максімальны бал на ЦТ па сусветнай гісторыі набралі толькі два чалавекі. Сярэдні бал па гэтым прадмеце склаў 50,93.

126
Тэги:
ЦТ
Тэмы:
Абітурыент - 2019: апошнія навіны ўступнай кампаніі (109)
Міністр інфармацыі Беларусі Ігар Луцкі

Луцкі: Мінску і Маскве патрэбныя агульныя падыходы рэагавання на інфарматакі

5
(абноўлена 14:34 29.09.2020)
Кіраўнік беларускай Мінінфарма лічыць, што трэба больш актыўна прасоўваць пазітыўны парадак дня беларуска-расійскага супрацоўніцтва.

МІНСК, 29 вер - Sputnik. Міністр інфармацыі Беларусі Ігар Луцкі лічыць, Мінску і Маскве трэба выпрацаваць агульныя падыходы па рэагаванні на інфармацыйныя атакі і правакацыі.

Дадзеную заяву ён зрабіў у аўторак на пленарным пасяджэнні Форуму рэгіёнаў Беларусі і Расіі.

"Нам трэба больш актыўна прасоўваць пазітыўны парадак беларуска-расійскага супрацоўніцтва, асабліва міжрэгіянальнага. Нарматыўна-прававая база для гэтага ёсць", - заявіў Луцкі.

На яго думку, трэба больш уважліва разгледзець пытанне двухбаковага ўзаемадзеяння ў частцы заканадаўчага рэгулявання дзейнасці СМІ і інтэрнэт-рэсурсаў, а таксама "выпрацоўкі агульных падыходаў да рэагавання на дэструктыўныя, небяспечныя для дзяржавы і грамадства інфармацыйныя атакі і правакацыі".

Луцкі таксама адзначыў, што Мінску і Маскве не хапае практычных актыўных дзеянняў па прасоўванні пазітыўнай інфармацыі. "Давайце разбуральнай постпраўдзе эфектыўна супрацьпаставім нашу агульную стваральную праўду", - сказаў кіраўнік беларускай Мінінфарма.

VII Форум рэгіёнаў праходзіць 28-29 верасня ў рэжыме відэаканферэнцыі. Ён прысвечаны тэме "Гістарычная спадчына Вялікай Перамогі як аснова развіцця сацыяльна-эканамічных і духоўных сувязяў народаў Беларусі і Расіі".

Міністр таксама закрануў тэму фэйкаў і праўды ў СМІ. "Праўда сёння з'яўляецца, з аднаго боку, вельмі важным і запатрабаваным інфармацыйным прадуктам, які прасоўваць на рынку масавай інфармацыі становіцца ўсё больш складана", - канстатаваў ён.

Паводле яго слоў, у апошні час і Беларусь, і Расія "сталі сведкамі неаднаразовых інфармацыйных нападаў на нашы краіны".

"(...) апошнія падзеі ў Беларусі - найбольш яскравы прыклад таго, наколькі магутнымі і разбуральнымі па сваіх наступствах для грамадства яны могуць быць. Скажу галоўнае: праўда ў вельмі цяжкай сутычцы з постпраўдай выстаяла і перамагае", - адзначыў кіраўнік ведамства.

Разам з тым ён падкрэсліў: "(...) мы павінны выразна ўсведамляць, што гэты беларускі кейс, створаны нашымі знешнімі і ўнутранымі нядобразычліўцамі, ёсць ні што іншае, як спроба пяра ў дачыненні да Расіі".

5
Тэги:
Беларусь, Расія, Ігар Луцкі, Міністэрства інфармацыі Рэспублікі Беларусь
Медсястра ідзе па калідоры ў бальніцы

Плюс 314 выпадкаў COVID-19: Мінздароўя апублікавала свежую статыстыку

12
(абноўлена 14:28 29.09.2020)
За ўвесь перыяд пандэміі ў Беларусі памерлі 828 пацыентаў з шэрагам хранічных захворванняў і выяўленай каронавіруснай інфекцыяй.

МІНСК, 29 вер - Sputnik. У Беларусі зарэгістраваныя 78 тысяч 260 чалавек са станоўчым тэстам на каронавірусную інфекцыю COVID-19, паведаміла ў аўторак прэс-служба міністэрства аховы здароўя рэспублікі.

За дзень да гэтага ведамства паведамляла пра 77 тысяч 946 заражаных, такім чынам колькасць інфіцыраваных за суткі павялічылася на 314 чалавек.

Паводле інфармацыі Міністэрства аховы здароўя, у Беларусі на 29 верасня паправіліся і выпісаныя 74 тысячы 320 пацыентаў, у якіх раней быў пацверджаны дыягназ COVID-19. Усяго праведзена 1 мільён 841 тысяча 704 тэста.

За суткі памерлі шэсць пацыентаў з шэрагам хранічных захворванняў, з выяўленай каронавіруснай інфекцыяй.

12
Тэги:
каронавірус, Міністэрства аховы здароўя, Беларусь
Тэмы:
Каронавірус COVID-19
Які сёння дзень: 30 верасня 2020 года

Які сёння дзень: 30 верасня 2020 года

0
(абноўлена 10:00 21.09.2020)
Гэты дзень з'яўляецца дзвесце семдзесят чацвёртым па грыгарыянскім календары, да канца года застаецца 92 дні.

У гэты дзень у 1931 годзе нарадзіўся беларускі паэт Ніл Гілевіч. Якія яшчэ падзеі адбыліся 30 верасня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 30 верасня

  • У 1472 годзе Іаган Гутэнберг выдаў у Майнцы першую ў Еўропе друкаваную кнігу, зараз вядомую як "Біблія Гутэнберга" або "42-радковая Біблія".
  • У 1791 годзе ў Вене адбылася прэм’ера апошняй оперы Моцарта "Чароўная флейта".
  • У 1939 годзе Уладзіслаў Сікорскі ўзначаліў польскі эмігранцкі ўрад у Францыі.

Хто нарадзіўся 30 верасня

  • 1892 год: Зоська Верас, беларуская пісьменніца і грамадская дзяячка.
  • 1931 год: Ніл Гілевіч, дзеяч беларускай культуры, пісьменнік, літаратуразнавец, перакладчык, фалькларыст, адзін з заснавальнікаў ТБМ.

Таксама сёння нарадзіліся нямецкі фізік Ганс Вільгельм Гейгер і брытанская актрыса Дэбора Кер.

30 верасня ў народным календары

Сёння вернікі шануюць памяць пакутніц Веры, Надзеі, Любові і іх маці Сафіі. Гэты дзень лічыўся дзявоцкім святам.

Пакуль старыя жанчыны збіраліся ў хатах, чыталі Біблію і маліліся, маладыя дзяўчаты ладзілі танцы, гульні, спявалі песні і гадалі. Лічылася, што гэты дзень спрыяльны для навядзення любоўных чараў.

Назіралі таксама за надвор'ем. Калі раніцай было пахмурна, наступныя некалькі дзён надвор'е будзе добрым. Калі ідзе дождж, вясна будзе ранняй, а калі, наадварот, суха – зіма прыйдзе яшчэ не скора.

0
Тэги:
народны каляндар, які сёння дзень, Беларусь
Тэмы:
Які сёння дзень: каляндар знакавых падзей