Дзень Незалежнасці Рэспублікі Беларусь адзначаюць у Мінску

Лукашэнка: Дзень Незалежнасці аб'ядноўвае нас у імкненні да міру

41
(абноўлена 11:30 02.07.2019)
У імя незалежнасці ў Беларусі заўсёды будуць шанаваць вялікі подзвіг старэйшых пакаленняў і на прыкладзе жыцця сапраўдных герояў выхоўваць сваіх дзяцей, адзначыў беларускі лідар.

МІНСК, 2 ліп - Sputnik. Прэзідэнт Беларусі Аляксандр Лукашэнка павіншаваў беларусаў з 75-годдзем вызвалення рэспублікі ад нямецка-фашысцкiх захопнiкаў i Днём Незалежнасці, гаворыцца ў паведамленні прэс-службы кіраўніка дзяржавы.

Паводле слоў беларускага лідара, Дзень Незалежнасці - гэта свята, якое аб'ядноўвае людзей у імкненні да міру, згоды і захавання гераічнага летапісу краіны.

"Вялікая Айчынная вайна ўвайшла ў кожную сям'ю болем страт, прынесла гора і нечалавечыя пакуты мільёнам беларусаў, але абудзіла ў розумах і сэрцах кожнага пачуццё нацыянальнай еднасці, грамадзянскага абавязку і гатоўнасці абараняць Радзіму да апошняга дыхання", - гаворыцца ў віншаванні.

Прэзідэнт падкрэсліў, што перамога над нацызмам стала актам вышэйшай справядлівасці і сімвалам непахіснасці нашага народа.

"У імя сваёй незалежнасці, гістарычнай праўды і міру на Зямлі мы заўсёды будзем шанаваць вялікі подзвіг старэйшых пакаленняў. Імкнуцца быць годнымі іх памяці. На прыкладзе жыцця сапраўдных герояў выхоўваць сваіх дзяцей і разам з імі ствараць будучыню Беларусі - суверэннай, моцнай, квітнеючай краіны", - адзначыў Лукашэнка.

Кіраўнік дзяржавы пажадаў беларусам шчасця, дабра, дабрабыту і дадаў: "Няхай над нашай роднай зямлёй заўсёды будзе чыстае неба".

Як будуць святкаваць Дзень Незалежнасці 3 ліпеня ў Мінску - час гулянняў, парада і феерверка - чытайце ў матэрыялах Sputnik.

41
Тэги:
Дзень Незалежнасці Рэспублікі Беларусь
Тэмы:
75 гадоў вызвалення Беларусі (30)
Будынак БДУІР у Мінску

Рэкордны бал - 396: БДУІР падвёў вынікі прыёму на бюджэт

9
(абноўлена 16:42 03.08.2020)
Пасля заканчэння прыёму дакументаў на бюджэтныя месцы платныя сталі запаўняцца хутчэй: на 1245 месцаў дзённага навучання ўжо пададзена 473 заявы.

МІНСК, 3 жні - Sputnik. Першыя вынікі прыёмнай кампаніі на спецыяльнасці першай ступені вышэйшай адукацыі падвялі ў Беларускім дзяржаўным універсітэце інфарматыкі і радыёэлектронікі, адпаведная інфармацыя размешчана на сайце ВНУ.

"Самая папулярная спецыяльнасць ў абітурыентаў БДУІР 2020 года - "Інфармацыйныя сістэмы і тэхналогіі (у гульнявой індустрыі)". На адно бюджэтнае месца там прэтэндуе восем чалавек", - паведамілі ў ВНУ і дадалі, што на спецыяльнасць пададзена 116 заяў пры плане прыёму 15.

Сумарна на 1060 бюджэтных месцаў было пададзена 1690 заяў, з іх 1582 - на тэхніка-тэхналагічны профіль (гэта на 53,6% перавышае план прыёму - 1030 чалавек). Жадаючых вучыцца на эканамічных спецыяльнасцях таксама больш, чым бюджэтных месцаў - 108 заяў пры плане прыёму 30. На военфак падалі дакументы 87 абітурыентаў (план прыёму - 79).

Таксама высокі конкурс склаўся на спецыяльнасць "Электронны маркетынг": пададзена 62 заявы на 15 месцаў (гэта значыць на адно месца прэтэндуюць больш за чатыры чалавекі). Яшчэ ў лідарах "Праграмнае забеспячэнне інфармацыйных тэхналогій" - пададзена 331 заява пры плане прыёму 85 (крыху менш за чатырох чалавек на месца).

Сярод факультэтаў самы высокі конкурс на эканамічным профілі інжынерна-эканамічнага (ІЭФ) - 108 заяў на 30 месцаў. На ФКСІС падалі дакументы 575 абітурыентаў пры плане прыёму 265. На трэцім месцы - ФІТУ: 426 заяў на 215 вакантных месцаў. А вось на факультэт радыётэхнікі і электронікі план набору ня выкананы: пададзена 87 заяў на 155 месцаў.

У платнікаў папулярныя тыя ж спецыяльнасці

"Рэкордныя балы ў БДУІР прынеслі дзве дзяўчыны - Валерыя Рамановіч (396, спецыяльнасць "Эканоміка электроннага бізнесу") і Вікторыя Бобр (394, спецыяльнасць "Праграмнае забеспячэнне інфармацыйных тэхналогій")", - распавялі ў прэс-службе.

Вядома таксама, што конкурс склаўся і на "завочку". Так, на бюджэт поўнай формы падалі дакументы 60 абітурыентаў пры плане прыёму 30. А на скарочанай форме навучання ўсяго пяць месцаў, у той час як стаць членамі хочуць 42 абітурыента.

"Пасля заканчэння прыёму дакументаў на бюджэтныя месцы платныя сталі запаўняцца хутчэй: на 1245 месцаў дзённага навучання ўжо пададзена 473 заявы. Пакуль тут лідзіруе "Эканоміка электроннага бізнесу"(ІЭФ) - на 105 месцаў там ужо пададзена 111 заяваў. На такое ж колькасць месцаў па спецыяльнасці "Электронны маркетынг" пададзена 76 заяваў. У "платнікаў" папулярныя тыя ж спецыяльнасці, што і ў бюджэтнікаў", - растлумачылі ў БДУІР.

Пасяджэнне прыёмнай камісіі, на якой адбудзецца залічэнне, пройдзе 6 жніўня, пратакол пра яго апублікуюць на сайце да 18 гадзін. Прыём дакументаў на платную форму навучання будзе доўжыцца да 15 жніўня.

9
Тэги:
БДУІР, Уступная кампанія, Беларусь
Тэмы:
Абітурыент - 2020
Адзін з выхадаў са станцыі метро Кастрычніцкая зачыняць на рамонт

Адзін з выхадаў са станцыі метро "Кастрычніцкая" зачыняць на рамонт

4
(абноўлена 17:08 03.08.2020)
Рамонтныя работы будуць праводзіць на выхадзе з метро з боку Палаца прафсаюзаў да канца жніўня.

МІНСК, 3 жні - Sputnik. Адзін з выхадаў са станцыі метро "Кастрычніцкая" часова закрыюць на рамонт, пра гэта папярэдзілі ў прэс-службе Мінскага метрапалітэна.

С 4 августа по 31 августа 2020 года будет полностью закрыт выход №4-1 станции Октябрьская
© Photo : Минский метрополитен
З 4 жніўня па 31 жніўня 2020 года будзе поўнасцю зачынены выхад №4-1 станцыі "Кастрычніцкая"

Выхад з метро з боку ўваходу ў Палац прафсаюзаў будзе зачынены для пасажыраў цалкам. Рамонтныя работы плануюць праводзіць з 4 па 31 жніўня. Пасажырам варта ўлічваць гэтую інфармацыю і карыстацца іншымі выхадамі са станцыі метро.

"Мінскі метрапалітэн просіць прабачэння ў пасажыраў за часовыя нязручнасці", - звярнуліся да мінчан і гасцей сталіцы ў падземцы.

Рамонтныя работы на выхадах са сталічных станцый метро праводзяцца на працягу апошняга года. У парадак паспелі прывесці больш за дзесяць станцый на Аўтазаводскай і Маскоўскай лініях Мінскага метрапалітэна. Выхады адрамантавалі на станцыях "Маскоўская", "Парк Чалюскінцаў", "Акадэмія навук", "Купалаўская" "Плошча Перамогі" і шэрагу іншых. Некаторыя выхады на станцыі метро "Партызанская" таксама паспелі адрамантаваць.

4
Тэги:
Мінскі метрапалітэн, Мінск
Пераможцам анлайн-галасавання стала фатаграфія журналіста з Прымор'я Юрыя Сміцюка Востраў Урангеля

Фотаконкурс імя Сценіна абвясціў пераможцу анлайн-галасавання

0
(абноўлена 10:45 04.08.2020)
Пераможцаў ва ўсіх намінацыях і Гран-пры конкурсу памяці вядомага фотажурналіста, які загінуў пры выкананні абавязку, журы назаве ў верасні.

МІНСК, 4 жні - Sputnik. Лепшай працай міжнароднага конкурсу імя Андрэя Сценіна на думку інтэрнэт-карыстальнікаў стала адзінкавв фотаздымак журналіста з Прымор'я Юрыя Сміцюка "Востраў Урангеля". На ёй у "натуральным асяроддзі пражывання" захаваны навуковы супрацоўнік і інспектар аднайменнага запаведніка Павел Кулямееў.

Востраў Урангеля - самы паўночны запаведны востраў расійскай Арктыкі. Паўночны Ледавіты акіян дзеліць востраў 180 мерыдыянам практычна напалову, дзякуючы чаму ён знаходзіцца і ў Заходнім і ва Усходнім паўшар'ях нашай планеты. Наведванне запаведніка "Востраў Урангеля" абмежавана, але існуе каля 10 турыстычных маршрутаў летам і восенню. Прысутнасць турыстаў тут дапускаецца толькі ў суправаджэнні рэйнджараў. Яны сочаць за бяспекай турыстаў і, вядома, жывёл, якія насяляюць востраў.

У верасні конкурс імя Андрэя Сценіна абвесціць пераможцаў на сайце stenincontest.ru | stenincontest.com, тады ж у Маскве адкрыецца выстава яго лаўрэатаў. У планах конкурсу даць таксама старт традыцыйнаму роўд-шоу пераможцаў па гарадах свету да канца года.

Міжнародны конкурс фотажурналістыкі імя Андрэя Сценіна - штогадовы конкурс для маладых фотарэпарцёраў ад 18 да 33 гадоў. У 2020 годзе конкурс сабраў больш за 5000 работ з 75 краін свету. З моманту старту конкурсу ў 2014 годзе фотаработы яго пераможцаў выстаўляліся ў Маскве, Кейптаўне, Будапешце, Мадрыдзе, Нью-Дэлі, Мілане, Нью-Ёрку, Анкары, Буэнас-Айрэсе, і іншых гарадах свету. Прыём заявак стартуе штогод 22 снежня, у дзень нараджэння фотакарэспандэнта МІА "Россия сегодня" Андрэя Сценіна, які загінуў пры выкананні прафесійнага абавязку.

Міжнароднымі інфармацыйнымі партнёрамі конкурсу сталі: інфармацыйнае агенцтва і радыё Sputnik, інфармацыйнае агенцтва Askanews, медыяхолдынг Independent Media, інфармацыйнае агенцтва Notimex, агенцтва навінаў ANA, тэлеканал і партал RT, Shanghai United Media Group (SUMG), інтэрнэт-партал газеты China Daily, інтэрнэт- партал The Paper, медыясетка Al Mayadeen, інфармацыйнае агенцтва Prensa Latina, інфармацыйнае агенцтва News1, інтэрнэт-партал DBW, партал навінаў Brasil247. У статусе галіновых партнёраў конкурс падтрымліваюць: часопіс "National Geographic Расія", партал Russian Photo, партал Photo-study.ru, Фоташкола "Акадэмія фатаграфіі", інфармацыйны партал YOung JOurnalists, часопіс Fotoargenta, Клуб фотажурналістыкі Нью-Дэлі, часопіс Enfoque Visual, часопіс LF Magazine, міжнародная пляцоўка-партнёр - фестываль PhotON.

0
Тэги:
Міжнародны конкурс фотажурналістыкі імя Андрэя Сценіна