Мемарыял Хатынь

Усёй краінай: як будавалі мемарыял у Хатыні

44
(абноўлена 10:40 05.07.2019)
Урачыстае адкрыццё самага пранізлівага мемарыяла, прысвечанага трагедыі мірнага насельніцтва ў вайну, адбылося на месцы загінулай вёскі 50 гадоў таму.

Самаму пранізліваму мемарыялу, прысвечанаму трагедыі мірнага насельніцтва Беларусі ў вайну, спаўняецца паўстагоддзя. 5 ліпеня 1969 года адбылося ўрачыстае адкрыццё "Хатыні".

Мемарыял стваралі з падачы тагачаснага кіраўніка савецкай Беларусі героя вайны Пятра Машэрава. Конкурс на стварэнне праекта ў сакавіку 1967 года выйграла група маладых аўтараў - архітэктары Юрый Градаў, Валянцін Занковіч, Леанід Левін і скульптар Сяргей Селіханаў.

"Мы ад чаго адштурхваліся? У той час квітнела гігантаманія - Мамаеў курган, Курская дуга Вуцечыча. А Хатынь - камерная, 6 метраў вышыні. Мы зыходзілі з маштабу простага вясковага дома", - успамінаў у інтэрв'ю Sputnik адзін з архітэктараў "Хатыні" Юрый Градаў.

Градаў называе Хатынь "помнікам-дакументам". Там нічога не прыдумана: 26 дамоў, адкрытыя брамкі, на шыльдачках каля дамоў - імёны ўсіх жыхароў.

Хатынь задумвалася як зборны вобраз. Чаму ў выніку выбралі менавіта яе, як удалося адстаяць званы, якія сталі сімвалам мемарыяла, і чаму мемарыял ледзь не пазбавіўся яшчэ аднаго свайго вобраза - трох бярозак і вечнага агню як знака кожнага чацвёртага беларуса, які не вярнуўся з вайны - Градаў распавядаў у інтэрв'ю Sputnik.

Будаваць мемарыял дапамагала ўся краіна. Граніт везлі з Украіны, белы мармур - з Расіі. Урачыстая цырымонія адкрыцця адбылася 5 ліпеня 1969 года. Ад вечнага агню на Плошчы Перамогі ў Мінску пры вялікай колькасці людзей запалілі факел, які на бронетранспарцёры даставілі ў Хатынь.

На шматтысячным мітынгу ў мемарыяле, прысвечаным адкрыццю комплексу, акрамя чыноўнікаў і простых людзей прысутнічалі і відавочцы трагедыі, у тым ліку Іосіф Камінскі, які страціў у Хатыні сям'ю - жонку і чацвярых дзяцей.

"Сярод дня 22 сакавіка наляцеў фашыст, атачыў вёску, абстраляў, людзей сагнаў у хлеў, дзверы зачыніў, хаты запаліў... А тады і хлеў запаліў. Дахі саламяныя - зверху запаліў. Агонь сыплецца на галовы... Людзі дзверы выламалі, сталі вылазіць. Стаў з аўтамата біць..."- успамінаў Камінскі на мітынгу.

Ён успамінаў, як кінуўся ратаваць сына, падняў яго, а той ужо быў мёртвы. Як куля трапіла яму ў галаву, як следам атрымаў удар прыкладам у галаву.

Вёска Хатынь была знішчана карным атрадам 22 сакавіка 1943 года у якасці помсты за забойства некалькіх нямецкіх вайскоўцаў.

44
Тэги:
Беларусь, Мемарыяльны комплекс "Хатынь"
Тэмы:
75 гадоў вызвалення Беларусі (30)
Медык у клініка-дыягнастычнай лабараторыі

Колькасць выпадкаў заражэння каронавірусам у Беларусі перавысіла 68,6 тысячы

11
(абноўлена 15:13 07.08.2020)
Паправіліся і выпісаныя 64 200 пацыентаў, у якіх раней быў пацверджаны дыягназ COVID-19.

МІНСК, 7 жні - Sputnik. Колькасць тых, хто захварэў на каронавірус у Беларусі перавысіла 68,6 тысячы чалавек, пра гэта паведамілі ў Міністэрстве аховы здароўя рэспублікі ў пятніцу.

"Зарэгістраваныя 68 тысяч 614 чалавек з станоўчым тэстам на COVID-19", - удакладнілі ў профільным ведамстве.

За суткі колькасць выпадкаў павялічылася на 111. Паправіліся і выпісаныя 64 тысячы 200 пацыентаў, у якіх раней быў пацверджаны дыягназ COVID-19, іх за мінулыя 24 гадзіны стала больш на 444.

"За ўвесь перыяд распаўсюджвання інфекцыі на тэрыторыі краіны памерлі 583 пацыента з шэрагам хранічных захворванняў з выяўленай каронавіруснай інфекцыяй", - праінфармавалі ў Міністэрстве аховы здароўя.

Так, колькасць смяротных выпадкаў ўзрасла на тры. Сумарна на тэрыторыі краіны праведзена больш за 1 мільён 353 тысяч тэстаў.

Чытайце таксама:

11
Тэги:
Міністэрства аховы здароўя Рэспублікі Беларусь, каронавірус, Беларусь
Тэмы:
Каронавірус COVID-19
Праца над вакцынай ад каронавіруса

Расійская вакцына ад COVID пройдзе рэгістрацыю 12 жніўня - першай у свеце

7
(абноўлена 15:02 07.08.2020)
Раней за астатніх будуць прышчэплены медыцынскія работнікі і пажылыя людзі, якія знаходзяцца ў групе рызыкі.

МІНСК, 7 жні - Sputnik. Вакцына супраць каронавіруса новага тыпу, распрацаваная расійскім НДЦ імя Гамалеі, у бліжэйшыя дні пройдзе рэгістрацыю, пра гэта намеснік кіраўніка Міністэрства аховы здароўя Расіі Алег Грыднёў паведаміў журналістам у пятніцу.

"Рэгістрацыя вакцыны, распрацаванай у цэнтры Гамалеі, будзе 12 жніўня. Цяпер ідзе апошні этап (выпрабаванняў), трэці. Гэта вельмі важна. Мы павінны разумець, што вакцына павінна быць бяспечнай", - сказаў Грыднёў падчас адкрыцця корпуса анкацэнтра ва Уфе, яго цытуюць РІА "Новости".

Паводле яго слоў, у першую чаргу будуць прышчэплены медыцынскія работнікі і пажылыя людзі, якія знаходзяцца ў групе рызыкі. Зараз працягваецца работа па падрыхтоўцы вакцыны да масавага выпуску.

Прадуктыўнасць вакцынацыі залежыць, у тым ліку, ад яе масавасці. Як адзначыў Алег Грыднёў, ацэньваць эфектыўнасць прэпарата можна будзе пасля фарміравання папуляцыйнага імунітэту.

Нагадаем, клінічныя выпрабаванні вакцыны, распрацаванай НДЦ эпідэміялогіі і мікрабіялогіі імя Гамалеі ў Расіі, пачаліся ў Сечанаўскім універсітэце 18 чэрвеня. У тэстах прынялі ўдзел 38 добраахвотнікаў, у выніку была пацверджана бяспека вакцыны: ва ўсіх падыспытных выпрацаваўся імунітэт да інфекцыі. Першая група добраахвотнікаў была выпісана 15 ліпеня, другая - 20 ліпеня.

Напярэдадні стала вядома, што Сусветная арганізацыя аховы здароўя абмяркоўвае з расійскімі профільнымі органамі папярэднюю кваліфікацыю стваранай у РФ вакцыны супраць COVID-19. Папярэдняя кваліфікацыя лекаў СААЗ праводзіцца з мэтай ацэнкі якасці прэпаратаў: так спецыялісты пераконваюцца ў іх адпаведнасці дапушчальным міжнародным стандартам.

У цэлым, паводле дадзеных арганізацыі, у цяперашні час у свеце распрацоўваецца больш за 200 вакцын ад каронавіруса, з іх на прасунутай стадыі знаходзіцца ўсяго шэсць.

7
Тэги:
Вакцынацыя, каронавірус, Расія
Тэмы:
Каронавірус COVID-19
Мабільны тэлефон у руках, архіўнае фота

Ці можна фатаграфаваць бюлетэнь? Што сказана ў метадычцы ад ЦВК

0
(абноўлена 16:29 07.08.2020)
На думку Цэнтрвыбаркама, волевыяўленне чалавека да моманту падліку галасоў павінна заставацца таямніцай.

МІНСК, 9 жні - Sputnik. Цэнтрвыбаркам Беларусі ў сваіх метадычных рэкамендацыях разабраў сітуацыю, у якой выбаршчык хоча зрабіць фатаграфію на ўчастку.

Прэзідэнцкія выбары – 2020 у Беларусі: каляндар выбарчай кампаніі | Інфаграфіка sputnik.by
© Sputnik Беларусь / Інфаграфіка

Участковыя камісіі дзейнічаюць на выбарах у адпаведнасці з метадычнымі рэкамендацыямі ЦВК: у іх прыводзіцца тое, як павінны працаваць члены камісій, што павінна быць на участках, а таксама разбіраюцца магчымыя спрэчныя сітуацыі.

Адзін з разбораў магчымых сітуацый тычыцца фатаграфавання на ўчастку. Паводле легенды, мужчына прыходзіць галасаваць з сям'ёй і хоча зрабіць калектыўнае фота на фоне кабінкі на памяць.

"Выбарчае заканадаўства не рэгулюе дадзеныя пытанні. Разам з тым, улічваючы жаданне пакінуць памяць аб удзеле ў выбарах у выглядзе фатаграфіі захапленне шырокага кола грамадзян сэлф-фатаграфіяй, старшыні камісіі не варта забараняць зрабіць пару фатаграфій", - гаворыцца ў метадычных рэкамендацыях ЦВК.

Аднак у рэкамендацыях таксама паказана, што "выбаршчыку трэба ўстрымацца ад фатаграфавання свайго запоўненага бюлетэня, так як яго волевыяўленне да моманту падліку галасоў павінна заставацца таямніцай".
"Акрамя таго, нельга фатаграфаваць спісы выбаршчыкаў, іншых удзельнікаў выбарчага працэсу без іх згоды", - гаворыцца ў дакуменце.

Фатаграфаваць запоўнены бюлетэнь грамадзян заклікаюць стваральнікі платформы "Голас", на якой ужо зарэгістравана больш за 700 тысяч чалавек. Прыхільнікі ініцыятывы паказваюць, што Выбарчым кодэксам фатаграфаванне бюлетэня не забаронена і, калі здымак не будзе апублікаваны да закрыцця участкаў, гэта не будзе лічыцца парушэннем і незаконнай агітацыяй.

0
Тэги:
ЦВК Рэспублікі Беларусь, Выбары, Беларусь
Тэмы:
Выбары прэзідэнта Беларусі - 2020