Сталі вядомыя вынікі ЦТ па ўсіх прадметах

Сталі вядомыя вынікі ЦТ па ўсіх прадметах

30
(абноўлена 09:03 08.07.2019)
У параўнанні з мінулым годам сярэднія балы на тэсціраванні павялічыліся ў паўтара-два разы.

МІНСК, 8 ліп - Sputnik. Вынікі цэнтралізаванага тэсціравання (ЦТ) сталі даступныя па ўсіх прадметах, паведамляе Sputnik.

Чарга на ЦТ у БДУ
© Sputnik / Виктор Толочко

Абітурыенты здавалі цэнтралізаванае тэсціраванне - самы важны этап уступнай кампаніі - на працягу чэрвеня. Вынікі па прадметах пачалі з'яўляцца ўжо ў канцы чэрвеня.

Да 7 ліпеня Рэспубліканскі інстытут кантролю ведаў (РІКВ) падлічыў вынікі ЦТ па ўсіх прадметах. Апошнімі пра свае балы даведаліся абітурыенты, якія здавалі іспыты па геаграфіі і сусветнай гісторыі.

У бліжэйшыя дні асобна РІКВ палічыць і вынікі ЦТ сярод абітурыентаў, якія здавалі іспыты ў рэзервовыя дні - такіх у рэспубліцы больш за тысячу.

У параўнанні з ЦТ-2018, у гэтым годзе па ўсіх прадметах сярэднія балы павялічыліся ў паўтара-два разы. Прычына - у змене методыкі падліку балаў на тэсціраванні: цяпер абітурыентаў не ранжыруюць паміж сабой, а ацэньваюць "абсалютна".

Ужо з 10 ліпеня пачнецца выдача сертыфікатаў цэнтралізаванага тэсціравання. З 12 ліпеня стартуе падача дакументаў у вышэйшыя навучальныя ўстановы Беларусі.

Чытайце таксама:

30
Тэги:
ЦТ
Тэмы:
Абітурыент - 2019: апошнія навіны ўступнай кампаніі (109)
Стацыянар для лячэння тых, хто заразіўся каронавірусам

Колькасць хворых на COVID-19 у Беларусі наблізілася да 68,4 тысячы чалавек

1
(абноўлена 14:02 05.08.2020)
За мінулыя суткі ў рэспубліцы выявілі 126 выпадкаў інфікавання каронавірусам, ад ускладненняў памерлі тры пацыента.

МІНСК, 5 жні - Sputnik. Колькасць тых, хто захварэў каронавірусам у Беларусі наблізілася да 68,4 тысячы чалавек, паведамілі ў Міністэрстве аховы здароўя рэспублікі.

"Зарэгістраваныя 68 тысяч 376 чалавек са станоўчым тэстам на COVID-19", - агучылі ў ведамстве.

З учорашняга дня колькасць інфіцыраваных каронавірусам павялічылася на 126 чалавек, пры гэтым паправіліся і выпісаныя 262 пацыента, у якіх раней дыягнаставалі каронавірус. Усяго з пачатку эпідэміі ў рэспубліцы вылечылі 63 тысячы 425 пацыентаў.

"За ўвесь перыяд распаўсюджвання інфекцыі на тэрыторыі краіны памерлі 577 пацыентаў з шэрагам хранічных захворванняў з выяўленай каронавіруснай інфекцыяй", - распавялі ў Міністэрстве аховы здароўя.

Адпаведна, за мінулыя суткі колькасць ахвяр COVID-19 у Беларусі павялічылася на тры чалавекі.

Усяго з лютага за ўвесь перыяд пандэміі ў краіне правялі 1334000 868 тэстаў на наяўнасць каронавіруса.

Чытайце таксама:

  • Вакцына бяспечная: прайшоў апошні агляд вакцынаваных ад COVID ў РФ
  • Кіраўнік СААЗ: ёсць асцярогі, што вакцыны ад COVID, якая працуе, не будзе
1
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19
Агляд вакцынаваных добраахвотнікаў

Вакцына бяспечная: прайшоў апошні агляд вакцынаваных ад COVID ў РФ

3
(абноўлена 11:40 05.08.2020)
Гэтыя добраахвотнікі атрымлівалі вакцыну двойчы: пазней эксперты ацэняць выяўленасць іх імунітэту ў параўнанні з групай, якая атрымала толькі адну прышчэпку.

МІНСК, 5 жні - Sputnik. Апошні агляд добраахвотнікаў, якія выпрабоўвалі на сабе вакцыну ад каронавіруснай інфекцыі ў Сечанаўскім універсітэце, прайшоў у штатным рэжыме, пра адчуванне падыспытных распавёў дырэктар Інстытута трансляцыйнай медыцыны і біятэхналогій універсітэта Вадзім Тарасаў.

Добраахвотнікі павінны былі прыйсці на фінальны агляд спецыялістаў на 42-ы дзень пасля таго, як ім была ўведзена вакцына.

"Усё прайшло ў штатным рэжыме, адчуваюць сябе ўсё нармальна (...). Мы паглядзелі бяспеку, правялі адбор пробаў, далей ужо цэнтр Гамалеі ацэніць вынікі", - цытуе Тарасова РІА "Новости".

Паводле яго слоў, пасля выпіскі падыспытныя вярнуліся да звыклага жыцця. Гэтыя добраахвотнікі, удакладніў прадстаўнік Сечанаўскага ўніверсітэта, атрымлівалі вакцыну двойчы: пазней НДЦ імя Гамалеі ацэніць ступень выяўленасці іх імунітэту ў параўнанні з групай, якая атрымала толькі адну прышчэпку.

Нагадаем, клінічныя выпрабаванні вакцыны, распрацаванай НДЦ імя Гамалеі, пачаліся ў Сечанаўскім універсітэце 18 чэрвеня. У даследаваннях паўдзельнічалі 38 добраахвотнікаў. Спецыялісты заявілі пра бяспеку вакцыны: ва ўсіх падыспытных выпрацаваўся імунітэт да інфекцыі. Першая група была выпісана 15 ліпеня, другая - 20 ліпеня.

3
Тэги:
Вакцынацыя, каронавірус, Расія
Тэмы:
Каронавірус COVID-19
Макей абмеркаваў з кіраўніком Выканкама СНД ход выбарчай кампаніі ў Беларусі

Макей абмеркаваў з кіраўніком Выканкама СНД ход выбарчай кампаніі ў Беларусі

0
(абноўлена 16:05 05.08.2020)
Сяргей Лебедзеў узначальвае місію назіральнікаў СНД на выбарах прэзідэнта Беларусі, якія адбудуцца 9 жніўня.

МІНСК, 5 жні - Sputnik. Міністр замежных спраў Беларусі Уладзімір Макей абмеркаваў са старшынёй Выканкама СНД Сяргеем Лебедзевым ход прэзідэнцкай выбарчай кампаніі ў краіне, паведамілі ў МЗС рэспублікі.

Макей і Лебедзеў, які таксама ўзначальвае місію назіральнікаў ад СНД, сустрэліся ў сераду, 5 жніўня.

"Беларускі бок пацвердзіў гатоўнасць аказваць місіі назіральнікаў ад СНД неабходнае садзейнічанне для выканання свайго мандата, а таксама заявіў, што зробіць усё магчымае для забеспячэння дэмакратычнага і транспарэнтнага выбарчага працэсу, які адлюстроўвае волю народа", - распавялі ў прэс-службе МЗС.

На сёлетніх выбарах чакаецца вельмі сціплае прадстаўніцтва міжнародных назіральнікаў - з-за эпідэміялагічнай сітуацыі і запрашэнняў, якія позна паступілі, не прыедуць назіральнікі ад БДІПЧ АБСЕ, ПА АБСЕ і ПАСЕ.

Раней старшыня ЦВК Расіі Эла Памфілава паведаміла, што Цэнтрвыбаркам не атрымліваў запрашэння ўдзельнічаць у назіранні за выбарамі прэзідэнта Беларусі. Акрамя таго, расійскія назіральнікі, якія звычайна ўваходзяць у склад місіі БДІПЧ АБСЕ, таксама не змогуць прыехаць з-за таго, што арганізацыя атрымала запрашэнне са спазненнем.

Каментуючы гэтае паведамленне, кіраўнік беларускага ЦВК Лідзія Ярмошына патлумачыла, што Беларусь прыняла рашэнне не запрашаць назіральнікаў з ЦВК іншых краін па меркаваннях эпідэміялагічнай бяспекі.

0
Тэги:
Уладзімір Макей, Сяргей Лебедзеў, Беларусь, Выбары
Тэмы:
Выбары прэзідэнта Беларусі - 2020