RT і Sputnik апынуліся ў цэнтры дыскусіі на канферэнцыі па свабодзе СМІ

RT і Sputnik апынуліся ў цэнтры дыскусіі на канферэнцыі па свабодзе СМІ

24
(абноўлена 15:58 10.07.2019)
Раней тэлеканалу і агенцтву было адмоўлена ў акрэдытацыі на гэтую канферэнцыю, якая праходзіць у Лондане.

МІНСК, 10 ліп - Sputnik. Тэлеканал RT і агенцтва Sputnik апынуліся ў цэнтры ўвагі адной з першых дыскусій на Глабальнай канферэнцыі па свабодзе СМІ, якая адкрылася ў сераду ў Лондане.

RT і Sputnik не былі акрэдытаваныя на гэтае мерапрыемства. Матывам для адмовы, паводле заявы брытанскага МЗС, стала "актыўная роля RT і Sputnik у распаўсюдзе дэзінфармацыі". На просьбу РІА "Новости" прывесці прыклады прадстаўнік ведамства рэкамендаваў звярнуцца ў медыярэгулятар Ofcom, які абвінаваціў RT у парушэнні вяшчальнага кодэкса. Тэлеканал настойвае, што не здзяйсняў падобных парушэнняў.

Сітуацыя, якая склалася вакол тэлеканала і агенцтва, абурыла МЗС РФ. Афіцыйны прадстаўнік ведамства Марыя Захарава заявіла, што Масква патрабуе ад Лондана за суткі прад'явіць факты, на падставе якіх RT і Sputnik адмовілі ў акрэдытацыі на канферэнцыю.

Падчас дыскусіі, якая адбылася ў сераду, супрацоўнікі службы BBC Monitoring распавядалі, сярод іншага, аб нібыта наяўных спробах RT і Sputnik паўплываць на еўрапейскія выбары. На іх думку, умяшанне выявілася ў тым, што гэтыя СМІ адгаворвалі выбаршчыкаў ад удзелу ў выбарах, нібыта ў інтарэсах Крамля.

У адказ на пытанні прысутных, што можна зрабіць у рамках супрацьстаяння "дэзінфармацыі" і ўмяшання Расіі ў палітычныя працэсы іншых краін, Вольга Робінсан з BBC Monitoring сказала: "Мы павінны сведчыць пра факты, быць адказнымі ў нашым уласным вяшчанні, уважліва правяраць факты, павышаць інфармаванасць грамадства, развіваць крытычнае мысленне".

"Мы ж Бі-бі-сі, мы толькі прадстаўляем факты", - заявіў яе калега Шаян Сардарызадэх.

Удзельнікі дыскусіі аддалі перавагу не ўспамінаць пра тое, што ў сярэдзіне лютага прадзюсар Бі-бі-сі па Сірыі Рыам Далат распавёў, што здымкі сцэны ў шпіталі пасля нібыта меўшай месца хімічнай атакі ў сірыйскай Думе былі пастановачнымі.

24
Тэги:
Sputnik, RT
Афіцыйны прадстаўнік Міністэрства замежных спраў Расіі Марыя Захарава

Расія дапаможа Беларусі ў барацьбе з COVID-19 - Захарава

15
(абноўлена 14:31 15.01.2021)
Масква раней бязвыплатна ўжо перадала Мінску наборы тэст-сістэм і рэагенты для лабараторных даследаванняў.

МІНСК, 15 сту - Sputnik. Расія будзе і далей дапамагаць Беларусі ў барацьбе з COVID-19, пра гэта заявіла афіцыйны прадстаўнік МЗС РФ Марыя Захарава.

"Мы працягнем усялякую дапамогу брацкай Беларусі ў барацьбе з распаўсюджваннем каронавіруснай інфекцыі, у тым ліку праз імунізацыю насельніцтва рэспублікі расійскімі вакцынамі", - сказала яна.

Нагадаем, што Расія ў пачатку студзеня на бязвыплатнай аснове перадала Беларусі 300 набораў тэст-сістэм і рэагенты для правядзення лабараторных даследаванняў. Гуманітарны груз дастаўлены ў Мінск.

"Спутник V" у Беларусі

Беларускія медыкі завяршаюць кантроль якасці новай партыі расійскай вакцыны ад каронавіруса "Спутник V". Яна прыйшла ў канцы снежня, аб'ём склаў 20 тысяч доз. Пасля праверкі працягнецца вакцынацыя медыцынскіх работнікаў.

Масавая вакцынацыя ў рэспубліцы стартавала 29 снежня. Беларусь стала першай замежнай дзяржавай, дзе пачалі выкарыстоўваць расійскі прэпарат. Першыя прышчэпкі былі зроблены медыкам 5-й гарадской клінічнай паліклінікі.

Плануецца, што вакцынацыя ахопіць больш за 5,5 мільёна чалавек, гэта больш за палову насельніцтва рэспублікі. Прышчэпліваць грамадзян будуць на добраахвотнай аснове.

Цяпер ідзе працэс перамоваў аб вытворчасці расійскага прэпарата на беларускіх прадпрыемствах. Мяркуецца, што першыя партыі могуць вырабіць ужо ў лютым-сакавіку.

Чытайце таксама:

15
Тэги:
Расія, Беларусь, МЗС РФ
Супрацоўнікі камунальных служб Мінска

Камунальныя службы Мінска пераходзяць на ўзмоцнены рэжым працы

7
(абноўлена 12:47 15.01.2021)
Камунальнікі павінны забяспечыць бесперабойную падачу цяпла, вады, электраэнергіі і якаснае трыманне гарадскіх тэрыторый у маразы.

МІНСК, 15 сту – Sputnik. Камунальныя службы беларускай сталіцы пераходзяць на ўзмоцнены рэжым працы з-за рэзкага пахаладання, паведаміў афіцыйны Telegram-канал Мінгарвыканкама ў пятніцу.

Па дадзеных сіноптыкаў, у бліжэйшыя дні будзе холадна: тэмпература сёння днём месцамі складзе да -19°С па рэспубліцы, а ў суботу ноччу і зусім чакаецца да -25°С. Перад камунальнікамі стаіць задача забяспечыць бесперабойную падачу цяпла, вады, электраэнергіі і якаснае трыманне гарадскіх тэрыторый у будучыя маразы.

"Усяго ў жыллёвых арганізацыях Мінска сфармаваны 46 брыгад па ліквідацыі надзвычайных сітуацый у жылфондзе. Акрамя гэтага, у марозныя дні будуць працаваць 92 брыгады гарадской аварыйнай службы,"Мінсквадаканала","Мінскамунцепласеці", - гаворыцца ў паведамленні.

Таксама створаны неабходны запас паліва для бесперабойнай работы грамадскага транспарту ва ўмовах моцных маразоў, салоны транспарту будуць абагравацца.

7
Тэги:
Мінск, камунальныя службы, мароз
Будынак міністэрства замежных спраў РФ

Расія абвясціла пра выхад з Дамовы па адкрытым небе

4
(абноўлена 16:39 15.01.2021)
Пытанне аб удзеле Расіі ў ДАН паўстала восенню мінулага года пасля выхаду з дамовы Злучаных Штатаў.

МІНСК, 15 сту – Sputnik. Расія заявіла пра выхад з Дамовы па адкрытым небе (ДАН), вынікае з паведамлення, апублікаванага на сайце МЗС РФ.

"У сувязі з адсутнасцю прагрэсу ў справе ліквідацыі перашкодаў для працягвання функцыянавання Дамовы ў новых умовах МЗС Расіі ўпаўнаважаны заявіць пра пачатак унутрыдзяржаўных працэдур па выхаду Расійскай Федэрацыі з ДАН", - гаворыцца ў заяве.

"Пасля іх завяршэння адпаведнае апавяшчэнне будзе накіравана дэпазітарыям", - дадалі ў расійскім МЗС.

У міністэрстве нагадалі, што 22 лістапада ЗША "па надуманых падставах" выйшлі з Дамовы па адкрытым небе. У прыватнасці, у Белым доме заяўлялі, што Расія неаднаразова парушала ДАН і выкарыстала яго як інструмент "ваеннага прымусу". У сваю чаргу ў Маскве ўсе абвінавачванні амерыканскага боку адхілялі.

Пасля выхаду ЗША з дамовы, падкрэслілі ў МЗС, быў парушаны баланс інтарэсаў дзяржаў-удзельніц ДАН, "нанесена сур'ёзная шкода яго дзеянню, падарвана роля ДАН як інструмента умацавання даверу і бяспекі".

Расійскі бок выступіў з канкрэтнымі ініцыятывамі па падтрыманні ДАН у новых умовах, але ў Вашынгтоне яны не атрымалі падтрымкі.

Дагавор па адкрытым небе быў падпісаны ў 1992 годзе і стаў адной з мер па ўмацаванні даверу ў Еўропе пасля халоднай вайны. Ён дазваляе краінам-удзельніцам адкрыта збіраць інфармацыю аб узброеных сілах і мерапрыемствах адзін аднаго. Удзельнікамі дамовы да апошняга часу былі 34 дзяржавы.

Чытайце таксама:

4
Тэги:
Расія, МЗС РФ