МІНСК, 18 ліп - Sputnik. Залічэнне абітурыентаў на першыя курсы дзённай бюджэтнай формы ў ВНУ адбудзецца да 28 ліпеня, паведамляе Sputnik.
Падача дакументаў на бюджэтнае аддзяленне беларускіх ВНУ завяршылася ў сераду. У бліжэйшыя дні прыёмныя камiсii навучальных устаноў будуць працаваць над спісамі рэкамендаваных да залічэння абітурыентаў.
Завяршыцца залічэнне на першы курс павінна да 28 ліпеня. У розных ВНУ адпаведныя мерапрыемствы пройдуць у розныя дні, пра іх даты варта даведвацца ў прыёмных камісіях.
У некаторых ВНУ - напрыклад, у БДУ - залічэнне расцягнецца на некалькі дзён у залежнасці ад факультэта. У іншых жа, больш "кампактных", усё адбудзецца ў адзін дзень.
Прахадныя балы, як і конкурс на бюджэт у ВНУ, стануць вядомыя пасля залічэння першакурснікаў.
Нагадаем, да 4 жніўня беларускія вышэйшыя навучальныя ўстановы працягваюць прыём дакументаў на платную форму навучання. Залічэнне на платнае пройдзе да 6 жніўня.
