Кансультант 1-га ўпраўлення галоўнага арганізацыйна-мабілізацыйнага ўпраўлення Генеральнага штаба Узброеных сіл Беларусі Андрэй Мурашоў

Восеньскі прызыў - 2019 пачнецца па старых правілах

90
(абноўлена 16:09 23.07.2019)
Прызываць на службу хлопцаў, якія паступілі ў магістратуру або у ВНУ пасля каледжа, пакуль не будуць - да ўступлення ў сілу новага закона.

МІНСК, 23 ліп - Sputnik. Восеньскі прызыў гэтага года пачнецца па старых правілах, заявіў у міжнародным прэс-цэнтры Sputnik кансультант на пасадзе старэйшага афіцэра 1-га аддзела 1-га ўпраўлення галоўнага арганізацыйна-мабілізацыйнага ўпраўлення Генеральнага штаба Узброеных сіл Беларусі Андрэй Мурашоў.

Беларускія парламентарыі зацвердзілі законапраект, які змяняе парадак прадастаўлення адтэрміновак ад службы ў войску. Пры гэтым чарговая прызыўная кампанія стартуе ўжо 1 жніўня, з-за чаго ў многіх узнікла пытанне: восеньскі прызыў пройдзе па старых ці па новых правілах?

Як патлумачыў Мурашоў, пачнецца восеньская кампанія па старых правілах: тых, хто паступіў у магістратуру або ў ВНУ пасля каледжа, прызываць пакуль не будуць - да ўступлення ў сілу закона.

Прадстаўнік Генштаба удакладніў, што прызыўная кампанія будзе падзелена на дзве часткі: спачатку па "старых" правілах, потым - па "новых".

Прэзідэнт Беларусі Аляксандр Лукашэнка законапраект пакуль не падпісаў. У дакуменце пазначана, што ўступіць у сілу ён праз дзесяць дзён пасля апублікавання.

Законапраект уносіць шэраг змяненняў у дзеючае заканадаўства па пытаннях эфектыўнага функцыянавання ваеннай арганізацыі. Так, прапануецца выдаваць адтэрміноўкі для атрымання адукацыі толькі адзін раз. Акрамя таго, выпускнікам ВНУ дазволяць замест размеркавання праходзіць службу па кантракце. Мяркуецца і шэраг іншых змен.

Чытайце таксама:

90
Тэги:
армія, Аляксандр Лукашэнка, Беларусь
Тэмы:
Закон аб адтэрміноўцы: апошнія навіны (22)

Грамадства