Кошты як у Мінску: колькі каштуе вучоба ў рэгіянальных ВНУ Беларусі?

Кошты як у Мінску: колькі каштуе вучоба ў рэгіянальных ВНУ Беларусі?

15
(абноўлена 17:28 23.07.2019)
Кошт года вучобы ў некаторых рэгіянальных ВНУ перавышае тры тысячы рублёў - больш, чым у шэрагу сталічных універсітэтаў.

Беларускія ўніверсітэты і акадэміі працягваюць называць кошт навучання ў 2019/2020 навучальным годзе. Так, "цэннікі" ужо назвалі БДУ, БДУІР, БНТУ, БДПУ і шэраг іншых сталічных ВНУ. Новыя кошты абвясцілі і многія рэгіянальныя вышэйшыя навучальныя ўстановы. Месцамі кошты вышэй, чым у мінскіх ВНУ.

Правінцыйны "мед" - 1,5 тысячы еўра

Так, першакурснікам Віцебскага дзяржаўнага тэхналагічнага ўніверсітэта (ВДТУ) па кірунку "Дызайн" давядзецца заплаціць 2912 рублёў, студэнтам тэхнічных і эканамічных спецыяльнасцяў - 2573 рублі.

У Віцебскім медуніверсітэце даражэй за ўсё абыйдзецца вучоба на першым курсе стаматалагічнага факультэта: 3536,8 рубля. На першым курсе лячэбнага факультэта ВДМУ вучоба будзе каштаваць 3065,4 рубля, фармацэўтычнага - 3039 рубля.

У Брэсцкім дзяржаўным універсітэце (БрДУ) самай дарагой для першакурснікаў спецыяльнасцю будзе "Правазнаўства" - 2800 рублёў. Менш за ўсё будуць каштаваць руская і беларуская філалогія - 2500.

Танней за ўсё - у педагогі

Першакурснікам Магілёўскага дзяржаўнага ўніверсітэта харчавання (МГУП) на спецыяльнасцях тэхнічнага і механічнага профіляў прыйдзецца заплаціць 2922 рублі, па эканамічных спецыяльнасцях - 2800.

Першы курс на эканоміцы, правазнаўстве або псіхалогіі ў Магілёўскім універсітэце імя Куляшова абыйдзецца ў 3025 рублёў, па іншых спецыяльнасцях - у 2920.

Ужо назваў новыя цэны і Полацкі ўніверсітэт. Першакурснікам прыйдзецца заплаціць за год вучобы 2630 рублёў. Танней за ўсё вучыцца на дадзены момант атрымліваецца ў Мазырскім педагагічным універсітэце - 2240 рублёў.

Падача дакументаў на платнае аддзяленне беларускіх ВНУ будзе доўжыцца да 4 жніўня.

15
Тэги:
Беларусь, ВНУ
Тэмы:
Абітурыент - 2019: апошнія навіны ўступнай кампаніі (108)

Грамадства