Міністр адукацыі Беларусі Ігар Карпенка

Карпенка пра "закон аб адтэрміноўцы": не трэба падымаць ажыятаж

23
(абноўлена 10:01 25.07.2019)
Бюджэтнікі, пры добраахвотным паступленнi на службу па кантракце, могуць атрымаць вызваленне ад размеркавання пасля заканчэння ВНУ.

МІНСК, 25 ліп - Sputnik. Міністр адукацыі Беларусі Ігар Карпенка лічыць, што ў грамадстве павінны без ажыятажу паставіцца да "закону аб адтэрміноўцы" ад службы ва Узброеных Сілах.

Прэзідэнт Беларусі Аляксандр Лукашэнка ў сераду падпісаў закон "Аб змяненні законаў па пытаннях эфектыўнага функцыянавання ваеннай арганізацыі дзяржавы". У адпаведнасці з дакументам захаваны ўсе адтэрміноўкі па стане здароўя, сямейным становішчы і іншыя, але ўводзіцца прынцып аднаразавасці прадастаўлення адтэрміноўкі пры атрыманні адукацыі.

"Не трэба падымаць ажыятаж", - так пракаментаваў у вячэрнім эфіры тэлеканала АНТ міністр адукацыі новы рэзанансны закон.

Ён адзначыў, што ў маладых грамадзян Беларусі ёсць не толькі канстытуцыйныя правы, але і яны надзелены канстытуцыйнымі абавязкамі, у ліку якіх тэрміновая служба ва Узброеных Сілах.

У сваю чаргу прэс-сакратар міністэрства абароны палкоўнік Уладзімір Макараў адзначыў, што гэты закон разам з абмежаваннямі дае і пэўныя прэферэнцыі тым, хто адслужыў тэрміновую службу ў войску.

Паводле яго слоў, бюджэтнікі пры добраахвотным паступленнi на службу па кантракце, праслужыўшы не менш тэрміну абавязковай работы, вызваляюцца ад звароту сродкаў, затрачаных дзяржавай на іх падрыхтоўку, а таксама могуць быць вызваленыя ад абавязковага размеркавання.

23
Тэги:
Беларусь, армія, Уладзімір Макараў, Ігар Карпенка
Расія прапанавала СААЗ восем вакцын ад COVID-19

Расія прапанавала СААЗ восем вакцын ад COVID-19

3
(абноўлена 16:37 28.05.2020)
Прадстаўнік СААЗ у Расіі адзначыла, што тыдзень таму было зарэгістравана 124 патэнцыйныя вакцыны ва ўсім свеце.

МІНСК, 28 мая - Sputnik. Расія прапанавала Сусветнай арганізацыі аховы здароўя (СААЗ) восем вакцын-кандыдатаў ад каронавіруса, заявіла прадстаўнік СААЗ у РФ Меліта Вуйновіч.

"Уклад Расіі вельмі вялікі. Мы маем рэгістрацыю васьмі вакцын-кандыдатаў з розных інстытутаў РФ", - сказала Вуйновіч падчас анлайн-сходу навуковага савета РАН "Навукі аб жыцці" на тэму "Вакцыны да COVID-19: прагнозы і рэальнасць", арганізаванага МІА "Россия сегодня".

Паводле яе слоў, па стане на 22 мая ёсць 124 патэнцыйныя вакцыны-кандыдаты ад вытворцаў, якія апавясцілі СААЗ. Вуйновіч выказала здагадку, што на сённяшні дзень іх можа быць больш. "Але гэта тыя, якія далі нам інфармацыю і прайшлі праз крытэрыі ацэнкі. З іх дзесяць знаходзяцца на стадыі клінічнай ацэнкі, а 114 - на даклінічнай стадыі", - патлумачыла прадстаўнік СААЗ.

Напярэдадні стала вядома, што дзяржаўны навуковы цэнтр вірусалогіі і біятэхналогіі "Вектар" Расспажыўнагляда з 29 чэрвеня прыступіць да клінічных выпрабаванняў вакцыны ад COVID-19.

3
Тэги:
каронавірус, СААЗ, Расія
Тэмы:
Каронавірус COVID-19
Школьнікі на экзамене, архіўнае фота

Пераможцы 11 міжнародных алімпіяд змогуць паступаць у ВНУ па-за конкурсам

2
(абноўлена 15:11 28.05.2020)
Паступаць без уступных выпрабаванняў змогуць уладальнікі дыпломаў некаторых алімпіяд першай, другой і трэцяй ступеняў.

МІНСК, 28 мая - Sputnik. Пералік міжнародных алімпіяд, пераможцы якіх маюць права на залічэнне без уступных іспытаў у ВНУ Беларусі, устаноўлены Міністэрствам адукацыі.

Штогод Міністэрства адукацыі вызначае сваёй пастановай пералік міжнародных спаборніцтваў школьнікаў, прызёры якіх могуць паступаць у ВНУ без экзаменаў.

Згодна з пастановай Міністэрства адукацыі ад 21 мая 2020 № 98, да такіх алімпіяд сёлета адносяцца:

  • 61-я Міжнародная матэматычная алімпіяда - 2020 год (Расія)
  • 54-я Міжнародная Мендзялееўская алімпіяда школьнікаў па хіміі - 2020 год (Венгрыя)
  • 51-я Міжнародная хімічная алімпіяда - 2020 год (Турцыя)
  • 51-я Міжнародная фізічная алімпіяда - 2020 год (Літва)
  • 32-я Міжнародная алімпіяда па інфарматыцы - 2020 год (Сінгапур)
  • 31-я Міжнародная біялагічная алімпіяда - 2020 год (Японія)
  • 17-я Міжнародная геаграфічная алімпіяда - 2020 год (Турцыя)
  • 9-я Еўрапейская матэматычная алімпіяда для дзяўчат - 2020 год (Нідэрланды)
  • 16-я Міжнародная Жаўтыкаўскай алімпіяды па фізіцы, матэматыцы і інфарматыцы - 2020 год (Казахстан)
  • 14-я Міжнародная алімпіяда па астраноміі і астрафізіцы - 2020 год (Калумбія)
  • Алімпіяда школьнікаў Саюзнай дзяржавы па рускай мове і рускай літаратуры "Расія і Беларусь: гістарычная і духоўная супольнасць" - 2019 год (Расія)

Нагадаем, пераможцы рэспубліканскай алімпіяды таксама маюць права на паступленне па-за конкурсам - калі яны ідуць па тым профілі, па якім атрымалі перамогу на алімпіядзе. Калі ж гэты профіль не з'яўляецца асноўным, то яны атрымліваюць "аўтаматам" па прадмеце 100 балаў у кошт ЦТ.

2
Тэги:
Алімпіяда, Уступная кампанія, паступленне
Тэмы:
Абітурыент - 2020