Пенсіянер корміць галубоў у скверы, архіўнае фота

Беларусы змогуць атрымліваць эстонскую пенсію

27
(абноўлена 11:01 31.07.2019)
Дагавор распаўсюджваецца на грамадзян, якія пражываюць і працуюць (або якія працавалі) на тэрыторыі Беларусі і Эстоніі.

МІНСК, 31 ліп - Sputnik. Дагавор паміж Беларуссю і Эстоніяй аб сацыяльным забеспячэнні афіцыйна апублікаваны ў сераду на Нацыянальным прававым інтэрнэт-партале.

Беларусь і Эстонія падпісалі дагавор аб сацыяльным забеспячэнні ў снежні мінулага года, аднак для ўступлення яго ў сілу патрабавалася прайсці ўнутрыдзяржаўнае ўзгадненне.

Беларускія парламентарыі ратыфікавалі дагавор з Эстоніяй ў чэрвені гэтага года.

"Дагавор рэгламентуе парадак фарміравання пенсійных правоў, г.зн. выплаты абавязковых страхавых узносаў на пенсійнае страхаванне і парадак рэалізацыі сфармаваных пенсійных правоў, г.зн. прызначэння і выплаты працоўных пенсій", - тлумачылі ў парламенце.

Так, згодна з пунктам дагавора дзяржава кожнага боку прызначае і выплачвае працоўную пенсію на падставе стажу работы, назапашанага на яе тэрыторыі. Страхавыя жа ўнёскі грамадзяне павінны будуць плаціць па заканадаўстве той дзяржавы, на тэрыторыі якой выконвалі працу.

У Эстоніі дагавор ратыфікавалі яшчэ на пачатку года - спачатку дакумент зацвердзіў урад, а затым і Рыйгікогу.

Беларусь сёння прапрацоўвае пытанне падпісання аналагічнага пагаднення з Польшчай. На сёння дагавары ўжо падпісаныя з Расіяй, Літвой, Латвіяй, Азербайджанам і Чэхіяй.

27
Тэги:
Пенсіі, Эстонія, Беларусь
Расія прапанавала СААЗ восем вакцын ад COVID-19

Расія прапанавала СААЗ восем вакцын ад COVID-19

0
(абноўлена 16:37 28.05.2020)
Прадстаўнік СААЗ у Расіі адзначыла, што тыдзень таму было зарэгістравана 124 патэнцыйныя вакцыны ва ўсім свеце.

МІНСК, 28 мая - Sputnik. Расія прапанавала Сусветнай арганізацыі аховы здароўя (СААЗ) восем вакцын-кандыдатаў ад каронавіруса, заявіла прадстаўнік СААЗ у РФ Меліта Вуйновіч.

"Уклад Расіі вельмі вялікі. Мы маем рэгістрацыю васьмі вакцын-кандыдатаў з розных інстытутаў РФ", - сказала Вуйновіч падчас анлайн-сходу навуковага савета РАН "Навукі аб жыцці" на тэму "Вакцыны да COVID-19: прагнозы і рэальнасць", арганізаванага МІА "Россия сегодня".

Паводле яе слоў, па стане на 22 мая ёсць 124 патэнцыйныя вакцыны-кандыдаты ад вытворцаў, якія апавясцілі СААЗ. Вуйновіч выказала здагадку, што на сённяшні дзень іх можа быць больш. "Але гэта тыя, якія далі нам інфармацыю і прайшлі праз крытэрыі ацэнкі. З іх дзесяць знаходзяцца на стадыі клінічнай ацэнкі, а 114 - на даклінічнай стадыі", - патлумачыла прадстаўнік СААЗ.

Напярэдадні стала вядома, што дзяржаўны навуковы цэнтр вірусалогіі і біятэхналогіі "Вектар" Расспажыўнагляда з 29 чэрвеня прыступіць да клінічных выпрабаванняў вакцыны ад COVID-19.

0
Тэги:
каронавірус, СААЗ, Расія
Тэмы:
Каронавірус COVID-19
Школьнікі на экзамене, архіўнае фота

Пераможцы 11 міжнародных алімпіяд змогуць паступаць у ВНУ па-за конкурсам

1
(абноўлена 15:11 28.05.2020)
Паступаць без уступных выпрабаванняў змогуць уладальнікі дыпломаў некаторых алімпіяд першай, другой і трэцяй ступеняў.

МІНСК, 28 мая - Sputnik. Пералік міжнародных алімпіяд, пераможцы якіх маюць права на залічэнне без уступных іспытаў у ВНУ Беларусі, устаноўлены Міністэрствам адукацыі.

Штогод Міністэрства адукацыі вызначае сваёй пастановай пералік міжнародных спаборніцтваў школьнікаў, прызёры якіх могуць паступаць у ВНУ без экзаменаў.

Згодна з пастановай Міністэрства адукацыі ад 21 мая 2020 № 98, да такіх алімпіяд сёлета адносяцца:

  • 61-я Міжнародная матэматычная алімпіяда - 2020 год (Расія)
  • 54-я Міжнародная Мендзялееўская алімпіяда школьнікаў па хіміі - 2020 год (Венгрыя)
  • 51-я Міжнародная хімічная алімпіяда - 2020 год (Турцыя)
  • 51-я Міжнародная фізічная алімпіяда - 2020 год (Літва)
  • 32-я Міжнародная алімпіяда па інфарматыцы - 2020 год (Сінгапур)
  • 31-я Міжнародная біялагічная алімпіяда - 2020 год (Японія)
  • 17-я Міжнародная геаграфічная алімпіяда - 2020 год (Турцыя)
  • 9-я Еўрапейская матэматычная алімпіяда для дзяўчат - 2020 год (Нідэрланды)
  • 16-я Міжнародная Жаўтыкаўскай алімпіяды па фізіцы, матэматыцы і інфарматыцы - 2020 год (Казахстан)
  • 14-я Міжнародная алімпіяда па астраноміі і астрафізіцы - 2020 год (Калумбія)
  • Алімпіяда школьнікаў Саюзнай дзяржавы па рускай мове і рускай літаратуры "Расія і Беларусь: гістарычная і духоўная супольнасць" - 2019 год (Расія)

Нагадаем, пераможцы рэспубліканскай алімпіяды таксама маюць права на паступленне па-за конкурсам - калі яны ідуць па тым профілі, па якім атрымалі перамогу на алімпіядзе. Калі ж гэты профіль не з'яўляецца асноўным, то яны атрымліваюць "аўтаматам" па прадмеце 100 балаў у кошт ЦТ.

1
Тэги:
Алімпіяда, Уступная кампанія, паступленне
Тэмы:
Абітурыент - 2020