Будынак БДУІР у Мінску

Не толькі айцішнікі, але і тэолагі: у якіх ВНУ ёсць конкурс на платнае?

40
(абноўлена 17:35 31.07.2019)
Падача дакументаў на платнае аддзяленне ідзе ў Беларусі поўным ходам: многія толькі некалькі дзён таму даведаліся пра тое, што не трапляюць на бюджэт.

Падача дакументаў у ВНУ Беларусі на платнае аддзяленне працягваецца да 4 жніўня. За некалькі дзён да канца прыёму конкурс склаўся далёка не на ўсіх спецыяльнасцях нават у мінскіх універсітэтах. Якія спецыяльнасці найбольш запатрабаваныя сярод будучых студэнтаў-платнікаў, вывучаў Sputnik.

Журналісты, гісторыкі і тэолагі

Цікава, што ў Інстытут бізнесу Белдзяржуніверсітэта конкурсу на платнае пакуль няма. Аднак яго варта чакаць у бліжэйшы час: на 290 месцаў пададзена 282 заявы. Пры гэтым у Інстытут тэалогіі імя святых Кірылы і Мяфодзія конкурс ужо склаўся. Дзеля справядлівасці варта адзначыць, што на пяць месцаў пададзена роўна пяць заяў.

Колькасць пададзеных заяў раўняецца колькасці месцаў і на гістарычным факультэце. Склаўся конкурс і на "Інфармацыю і камунікацыю" журфака: на 15 платных месцаў прэтэндуюць 19 чалавек.

На факультэце міжнародных адносін, які штогод здзіўляе прахаднымі баламі, конкурс ёсць на "Лінгвакраіназнаўства", "Міжнароднае права" і "Міжнародныя адносіны".

Цікава, што ёсць конкурс і на хімічны факультэт: на 34 месцы платнай формы ужо прэтэндуюць 50 чалавек. Традыцыйна запатрабаваны і юрфак, дзе колькасць заяў даўно перавысіла колькасць месцаў.

Ідзі ў "айці"

У Беларускім дзяржаўным універсітэце інфарматыкі і радыёэлектронікі (БДУІР) на платнае аддзяленне конкурс склаўся па ўсім факультэце: на 1045 месцаў пададзена 1145 заяў, то бок прахадныя балы будуць таксама немаленькімі.

Найбольш запатрабаваны на сёння факультэт камп'ютэрных сістэм і сетак, дзе на 395 месцаў пададзена 442 заявы, а таксама факультэт інфармацыйных тэхналогій і кіравання (375 на 295).

На "айцішным" факультэце БНТУ таксама склаўся конкурс: 126 заяў на 111 месцаў. Найбольшым попытам карыстаецца спецыяльнасць "Праграмнае забеспячэнне інфармацыйных тэхналогій".

Аналагічна - і на спецыяльнасці "Праграмнае забеспячэнне інфармацыйных тэхналогій" у БДТУ: 79 заяў пры плане прыёму ў 62. Конкурс і на кірунку "Дызайн электронных і вэб-выданняў": 51 заява на 48 месцаў.

Маркетолагі, медыкі і не толькі

Конкурс на сёння ёсць і на факультэце маркетынгу і лагістыкі: на 75 месцаў "Маркетынгу" пададзена 101 заява, на 15 "Рэкламнай дзейнасці" - 24, а на 25 "Лагістыкі" - 33. Ёсць конкурс і на факультэт міжнародных бізнес-камунікацый, а таксама права.

У прафсаюзным універсітэце МІПСА на платнае ўжо конкурс ёсць на "Лінгвістычнае забеспячэнне міжкультурных камунікацый" (бягучы прахадны бал - 206), а таксама на "Менеджмент" (188 балаў), "Маркетынг" (200) і "Лагістыку" (211).

На ўсіх факультэтах конкурс на платнае склаўся ў Беларускім дзяржаўным медыцынскім універсітэце (БДМУ). Найбольшы конкурс - на педыятрычны факультэт: ужо больш за два чалавекі на месца.

У МДЛУ конкурс склаўся на спецыяльнасці "Сучасныя замежныя мовы (выкладанне): французская мова (на базе французскай / англійскай мовы) і другая замежная мова са спецыялізацыяй", а таксама на аналагічную з кітайскай мовай. Колькасць жадаючых перавышае колькасць месцаў і на перакладчыцкім факультэце, а таксама на міжкультурнай камунікацыі.

Ці зменяцца прахадныя балы на платнае і які складзецца конкурс у цэлым у ВНУ будзе зразумела ўжо 4 жніўня.

40
Тэги:
ВНУ, Уступная кампанія, Беларусь
Тэмы:
Абітурыент - 2019: апошнія навіны ўступнай кампаніі (109)
Медык у клініка-дыягнастычнай лабараторыі

Колькасць выпадкаў заражэння каронавірусам у Беларусі перавысіла 68,6 тысячы

11
(абноўлена 15:13 07.08.2020)
Паправіліся і выпісаныя 64 200 пацыентаў, у якіх раней быў пацверджаны дыягназ COVID-19.

МІНСК, 7 жні - Sputnik. Колькасць тых, хто захварэў на каронавірус у Беларусі перавысіла 68,6 тысячы чалавек, пра гэта паведамілі ў Міністэрстве аховы здароўя рэспублікі ў пятніцу.

"Зарэгістраваныя 68 тысяч 614 чалавек з станоўчым тэстам на COVID-19", - удакладнілі ў профільным ведамстве.

За суткі колькасць выпадкаў павялічылася на 111. Паправіліся і выпісаныя 64 тысячы 200 пацыентаў, у якіх раней быў пацверджаны дыягназ COVID-19, іх за мінулыя 24 гадзіны стала больш на 444.

"За ўвесь перыяд распаўсюджвання інфекцыі на тэрыторыі краіны памерлі 583 пацыента з шэрагам хранічных захворванняў з выяўленай каронавіруснай інфекцыяй", - праінфармавалі ў Міністэрстве аховы здароўя.

Так, колькасць смяротных выпадкаў ўзрасла на тры. Сумарна на тэрыторыі краіны праведзена больш за 1 мільён 353 тысяч тэстаў.

Чытайце таксама:

11
Тэги:
Міністэрства аховы здароўя Рэспублікі Беларусь, каронавірус, Беларусь
Тэмы:
Каронавірус COVID-19
Праца над вакцынай ад каронавіруса

Расійская вакцына ад COVID пройдзе рэгістрацыю 12 жніўня - першай у свеце

7
(абноўлена 15:02 07.08.2020)
Раней за астатніх будуць прышчэплены медыцынскія работнікі і пажылыя людзі, якія знаходзяцца ў групе рызыкі.

МІНСК, 7 жні - Sputnik. Вакцына супраць каронавіруса новага тыпу, распрацаваная расійскім НДЦ імя Гамалеі, у бліжэйшыя дні пройдзе рэгістрацыю, пра гэта намеснік кіраўніка Міністэрства аховы здароўя Расіі Алег Грыднёў паведаміў журналістам у пятніцу.

"Рэгістрацыя вакцыны, распрацаванай у цэнтры Гамалеі, будзе 12 жніўня. Цяпер ідзе апошні этап (выпрабаванняў), трэці. Гэта вельмі важна. Мы павінны разумець, што вакцына павінна быць бяспечнай", - сказаў Грыднёў падчас адкрыцця корпуса анкацэнтра ва Уфе, яго цытуюць РІА "Новости".

Паводле яго слоў, у першую чаргу будуць прышчэплены медыцынскія работнікі і пажылыя людзі, якія знаходзяцца ў групе рызыкі. Зараз працягваецца работа па падрыхтоўцы вакцыны да масавага выпуску.

Прадуктыўнасць вакцынацыі залежыць, у тым ліку, ад яе масавасці. Як адзначыў Алег Грыднёў, ацэньваць эфектыўнасць прэпарата можна будзе пасля фарміравання папуляцыйнага імунітэту.

Нагадаем, клінічныя выпрабаванні вакцыны, распрацаванай НДЦ эпідэміялогіі і мікрабіялогіі імя Гамалеі ў Расіі, пачаліся ў Сечанаўскім універсітэце 18 чэрвеня. У тэстах прынялі ўдзел 38 добраахвотнікаў, у выніку была пацверджана бяспека вакцыны: ва ўсіх падыспытных выпрацаваўся імунітэт да інфекцыі. Першая група добраахвотнікаў была выпісана 15 ліпеня, другая - 20 ліпеня.

Напярэдадні стала вядома, што Сусветная арганізацыя аховы здароўя абмяркоўвае з расійскімі профільнымі органамі папярэднюю кваліфікацыю стваранай у РФ вакцыны супраць COVID-19. Папярэдняя кваліфікацыя лекаў СААЗ праводзіцца з мэтай ацэнкі якасці прэпаратаў: так спецыялісты пераконваюцца ў іх адпаведнасці дапушчальным міжнародным стандартам.

У цэлым, паводле дадзеных арганізацыі, у цяперашні час у свеце распрацоўваецца больш за 200 вакцын ад каронавіруса, з іх на прасунутай стадыі знаходзіцца ўсяго шэсць.

7
Тэги:
Вакцынацыя, каронавірус, Расія
Тэмы:
Каронавірус COVID-19
Тэст: вы мазахіст або проста беларус?

Тэст: вы мазахіст або проста беларус?

166
(абноўлена 10:43 08.08.2020)
Праверце сябе на стрэсаўстойлівасць, аднак не ўспрымайце ўсё надта сур'ёзна – гэта шкодна для страўніка.

Прапануем даведацца, ці ёсць у вас цяга да болю, або вы проста ахвяра абставінаў. Гэты тэст жартаўлівы і закліканы падняць вам настрой.

Таксама паспрабуйце прайсці сур'ёзныя тэсты:

166
Тэги:
тэст