Урач у бальніцы, архіўнае фота

Узровень смяротнасці ад сухотаў у Беларусі знізіўся амаль на 70%

12
(абноўлена 15:08 06.08.2019)
У барацьбе з сухотамі Беларусь цесна супрацоўнічае з Глабальным фондам, СААЗ і іншымі арганізацыямі.

МІНСК, 6 жні - Sputnik. Беларусь знізіла ўзровень смяротнасці ад сухотаў на 69,8%, паведаміла ў аўторак намеснік міністра аховы здароўя Наталля Жукава.

Нацыянальны дыялог па сухотах праходзіць у аўторак у Мінску. Як адзначыла на мерапрыемстве намеснік міністра аховы здароўя, Беларусь уваходзіць у лік 18 прыярытэтных краін Еўрапейскага рэгіёну СААЗ з высокім прыгнётам сухотаў і мультырэзістэнтных сухотаў. Аднак рэспубліка паспяхова змагаецца з небяспечнай хваробай.

"У выніку праведзеных мерапрыемстваў і міжнароднай тэхнічнай і фінансавай падтрымкі ў Рэспубліцы Беларусь адбылося істотнае паляпшэнне эпідэміялагічнай сітуацыі па сухотах: за восем гадоў узровень смяротнасці знізіўся ні 69,8%, узровень захворвання з улікам рэцыдываў знізіўся амаль на 55,8%", - паведаміла Жукава.

Намеснік міністра адзначыла, што ў барацьбе з сухотамі Беларусь цесна супрацоўнічае з Глабальным фондам, СААЗ і іншымі арганізацыямі. Паводле яе слоў, у рэспубліцы з удзячнасцю ўспрымаюць міжнародную тэхнічную і фінансавую дапамогу.

Нагадаем, згодна з планамі Міністэрства аховы здароўя Беларусі, рэспубліка пераможа сухоты ўжо да 2030 года. Раней ведамства заяўляла пра "сур'ёзныя поспехі" ў барацьбе з захворваннем.

12
Тэги:
Сухоты, Міністэрства аховы здароўя, Беларусь

Грамадства