Памідоры - на любы смак

МАРГ распавёў фермерам, што рабіць з вялікім ураджаем памідораў

20
(абноўлена 11:46 08.08.2019)
З-за багатага ўраджаю памідораў і нізкіх закупачных цэн, сяляне з Брэстчыны прызналіся журналістам, што не могуць прадаць ўраджай.

МІНСК, 8 жні - Sputnik. Сёлетняя закупачная цана характэрная для гэтага сезону і пры неабходнасці фермеры могуць самастойна рэалізоўваць выгадаваныя таматы наўпрост насельніцтву, гаворыцца ў адмысловай заяве Міністэрства антыманапольнага рэгулявання і гандлю "ў сувязі з публікацыямі ў СМІ адносна сітуацыі на спажывецкім рынку свежых таматаў".

Раней СМІ паведамлялі аб праблемах, якія адчуваюць палескія фермеры са збытам вырашчаных таматаў.

"Закупачныя цэны ўпалі да 30 капеек за кілаграм. Аднак нават пры гэтым іх немагчыма прадаць. Няма пакупніка", - апісваў сітуацыю рэсурс "Медыя-Палессе" са спасылкай на жыхароў Столінскага раёна.

У МАРГ пацвердзілі, што закупачная цана на таматы 6 жніўня 2019 года склалася на ўзроўні 30 капеек за кілаграм, але пры гэтым нагадалі, што "роўна год назад, 6 жнiўня 2018 года, яна была прыкладна на тым жа ўзроўні і складала 25 капеек". Такія расцэнкі характэрныя для гэтага сезона.

Высокія жа крамныя цэны на таматы, якія назіраліся ў сярэдзіне ліпеня, былі выкліканыя дрэнным надвор'ем.

"У МАРГ аператыўна прааналізаваны рынак і арганізавана сустрэча з зацікаўленымі, падчас якой адзначана, што рост коштаў на памідоры з боку айчынных вытворцаў у сярэдзіне ліпеня быў выкліканы неспрыяльнымі ўмовамі надвор'я (малая колькасць асветленасці), што прывяло да росту выдаткаў (за кошт неабходнасці выкарыстоўваць досветку), скарачэнняў аб'ёмаў вытворчасці прадукцыі. Разам з тым у сувязі з надыходам сезона паспявання памідораў адкрытага грунту ў канцы ліпеня-пачатку жніўня сітуацыя змянілася", - растлумачылі ў міністэрстве.

Там нагадалі, што грамадзяне могуць здаваць свой ураджай нарыхтоўчым арганізацыям розных формаў уласнасці. Пры гэтым закупачныя цэны арганізацыі спажыўкааперацыі ўсталёўваюць самі, зыходзячы з якасці прадукцыі і кан'юнктуры рынку.

"Разам з тым, лічым неабходным звярнуць увагу на тое, што прадукцыя, вырашчаная ў асабістых падсобных гаспадарках, можа быць рэалізаваная наўпрост спажыўцу на рынках па дагаворнай цане", - нагадалі ў МАРГ.

У прыватнасці, па стане на 7 жніўня ў рэспубліцы працавалі 387 кірмашоў больш чым на 80 тысячах гандлёвых месцаў. У Мінску, да прыкладу, на 16 кірмашах выдзелена 2180 месцаў для рэалізацыі плодаагародніннай прадукцыі, 600 з якіх вольныя.

"У выпадку неабходнасці адміністрацыі рынкаў могуць забяспечыць дадаткова 1500 гандлёвых месцаў. Для пенсіянераў месца на 13 рынках бясплатныя", - падкрэслілі ў міністэрстве.

20
Тэги:
Сельская гаспадарка, Міністэрства антыманапольнага рэгулявання і гандлю Беларусі (МАРГ)
У суседнім шматпавярховым доме адразу прыбудавалі самы звычайны пандус з парэнчамі

Пандус у кожны дом: у Беларусі ўвядуць новыя будаўнічыя нормы

13
(абноўлена 17:33 03.03.2021)
Забудоўшчыкаў абавяжуць абсталяваць уваходы ў жылыя дамы гарызантальнымі пляцоўкамі, а каля лесвіц перад ганкам пад'езда будаваць пандусы або ўсталёўваць пад'ёмныя прылады.

МІНСК, 3 сак – Sputnik. Новыя будаўнічыя нормы ў мэтах стварэння інфраструктуры для фізічна аслабленых асоб пачнуць дзейнічаць у краіне ўжо гэтай вясной.

Як распавялі Sputnik у прэс-службе Мінбудархітэктуры, да гэтай катэгорыі насельніцтва адносяць састарэлых, цяжарных жанчын, дзяцей-дашкольнікаў, жанчын з дзецьмі на руках і з каляскамі, а таксама людзей з рознымі траўмамі.

Па новых нормах, ужо на стадыі праектавання шматкватэрных жылых дамоў павінны быць прадугледжаны памяшканні для захоўвання інвалідных і дзіцячых калясак. А ліфт па праекце павінен размяшчацца на адным узроўні з ганкам без прыступак.

Абавязковыя патрабаванні закрануць і абсталяванне кватэр электравыключальнікамі: зараз іх забаронена ўсталёўваць на вышыні вышэй метра ад узроўня падлогі. Лічыльнікі цяпла і вады таксама павінны быць лёгка даступныя для карыстання.

Па звестках ведамства, новых норм у будаўніцтве абавязаны прытрымлівацца як дзяржаўныя, так і прыватныя забудоўшчыкі.

Акрамя жылых памяшканняў, новаўвядзенні павінны максімальна выконвацца пры праектаванні грамадскіх, вытворчых будынкаў, а таксама пры іх рамонце і тэхнічнай мадэрнізацыі.

Як удакладнілі ў ведамстве, змяненні накіраваны на тое, каб новае жыллё было максімальна камфортным і зручным для ўсіх катэгорый насельніцтва.

Новыя будаўнічыя нормы зацверджаны ў Беларусі пастановай Міністэрства архітэктуры і будаўніцтва ад 13 лiстапада 2020 года №81, адпаведная інфармацыя была апублікавана ў аўторак на Нацыянальным прававым інтэрнэт-партале. Нормы будуць уведзены ў дзеянне праз 60 каляндарных дзён пасля апублікавання.

Чытайце таксама:

13
Тэги:
будаўнічыя нормы, Беларусь, дом
Медыцынскія работнікі і пацыент у шпіталі для лячэння каронавірусных хворых

Зноў рост: Мінздароўя агучыла новую статыстыку па каронавірусе

23
Ад пачатку пандэміі ў рэспубліцы было выяўлена 290 447 захварэлых на каронавірус, смяротных зыходаў - больш за дзве тысячы.

МІНСК, 3 сак – Sputnik. За суткі ў Беларусі зарэгістравалі 1 311 пацыентаў з каронавірусам, паведаміла прэс-служба Міністэрства аховы здароўя ў сераду.

За мінулыя 24 гадзіны выпісаны 1 316 чалавек.

"Ад пачатку пандэміі, у Беларусі былі зарэгістраваны 290 447 чалавек са станоўчым тэстам на COVID-19, ачунялі 280 766 пацыентаў, у якіх раней быў каронавірус", - гаворыцца ў паведамленні.

За мінулыя суткі зафіксавалі дзевяць смяротных вынікаў, усяго за пандэмію памерлі 2002 пацыенты.

Усяго за ўвесь час распаўсюджвання каронавіруса ў рэспубліцы праведзена больш за 4 мільёны 930 тысяч тэстаў, за апошнія 24 гадзіны - 18 451.

Вакцынацыя ад каронавіруса

Напярэдадні ў рэспубліку прыйшла чарговая партыя расійскай вакцыны ад каронавіруса - 40 тысяч доз другога кампанента "Спутник V". Наперадзе - яшчэ адна пастаўка, а следам і масавая вакцынацыя ад каронавіруса прэпаратам, вырабленым ужо на беларускіх магутнасцях па расійскіх тэхналогіях.

У мінулую пятніцу ў краіне вырабілі першую пробную партыю вакцыны ад каронавіруса на прадпрыемстве "Белмедпрэпараты" па расійскіх тэхналогіях. Выпрабавальны разліў вакцыны пачаўся 1 сакавіка. У краіне плануюць выпускаць па 500 тысяч доз "Спутник V" у месяц - усё будзе залежаць ад магчымасцей і патрэб.

Міністр аховы здароўя Дзмітрый Піневіч раней заяўляў, што ў рэспубліцы масавая вакцынацыя ад каронавіруса пачнецца з красавіка. Зараз установы аховы здароўя запісваюць усіх жадаючых на прышчэпку і вывучаюць попыт.

Чытайце таксама:

23
Тэги:
рэспубліка, пандэмія, Статыстыка, каронавірус, Беларусь, Міністэрства аховы здароўя
Тэмы:
Каронавірус COVID-19
Здымак планеты Зямля з космасу, архіўны фотаздымак

Два ўсплёскі магнітнай буры зафіксавалі навукоўцы

0
(абноўлена 17:57 03.03.2021)
Папярэдняя магнітная бура была зафіксавана 1 сакавiка i была сярэдняга (умеранага) ўзроўню.

МІНСК, 3 сак – Sputnik. Адразу два ўсплёскі магнітнай буры адбыліся на працягу мінулай ночы, паведамляе сайт Лабараторыі рэнтгенаўскай астраноміі Сонца Фізічнага інстытута акадэміі навук.

Па дадзеных навукоўцаў, слабыя магнітныя буры адбыліся да паўночы і ў раёне з 3 да 6-й раніцы. Да гэтага яны лічылі, што ў другой палове ночы ніякіх бур быць не павінна, а магнітасфэра Зямлі павінна была быць спакойнай.

Папярэдняя магнітная бура была зафіксавана 1 сакавiка i была сярэдняга (умеранага) ўзроўню.

Усяго ў класіфікацыі магнітных бур пяць узроўняў - ад G1 да G5. Лічыцца, што слабая бура можа справакаваць нязначныя збоі ў працы энергасістэм, а таксама паўплываць на шляхі міграцый птушак і жывёл.

Больш моцныя буры выклікаюць парушэнні караткахвалевай сувязі і работы навігацыйных сістэм, а таксама збоі напружання ў прамысловых сетках.

0
Тэги:
магнітная бура, Навукоўцы