Лукашэнка распытаў кіраўніка Міністэрства аховы здароўя аб цэнах на лекі

© Sputnik / Алексей Куденко / Перайсці ў медыябанкЛукашэнка распытаў кіраўніка Міністэрства аховы здароўя аб цэнах на лекі
Лукашэнка распытаў кіраўніка Міністэрства аховы здароўя аб цэнах на лекі - Sputnik Беларусь
Падпісацца
Прэзідэнт нагадаў міністру аховы здароўя, што справядлівае цэнаўтварэнне на лекі і праца без пасярэднікаў пры закупцы абсталявання з'яўляюцца аднымі з найважнейшых пытанняў у галіне.

МІНСК, 12 жні - Sputnik. Прэзідэнт Беларусі Аляксандр Лукашэнка падчас сустрэчы ў панядзелак з міністрам аховы здароўя Уладзімірам Каранікам папрасіў кіраўніка Міністэрства аховы здароўя далажыць аб фарміраванні цэн на лекі і сістэме закупкі медабсталявання.

Мінздароўя папрасіла беларусаў распавесці аб занадта дарагіх леках - Sputnik Беларусь
Мінздароўя папрасіла беларусаў распавесці аб занадта дарагіх леках

"Пры прызначэнні мы дамовіліся, што праз пэўны прамежак часу, калі вы будзеце гатовыя, паведаміце, па-першае, аб удасканаленні сістэмы аховы здароўя па ўсіх напрамках і ва ўсіх праявах. Што больш за ўсё хвалюе не толькі мяне, але і грамадства ў сілу апошніх падзей ў сістэме - гэта пытанні закупак медыцынскага абсталявання і цэнаўтварэння", - цытуе Лукашэнку агенцтва БелТА.

Прэзідэнт нагадаў, што гэтыя два пытанні - кошт на лекі і закупка медабсталявання без пасрэднікаў - застаюцца аднымі з найважнейшых пытанняў галіны.

Паводле слоў Лукашэнкі, наяўнасць пасярэднікаў парой павялічвае кошт абсталявання на траціну. Аналагічная сітуацыя складваецца і на рынку медпрэпаратаў.

"Вы, працуючы ў асноўным звяне нашай аховы здароўя, ведаеце болевыя кропкі і "хваробы" нашай аховы здароўя. І ў гэтым сэнсе нам трэба было б распачаць сур'ёзныя намаганні. Цягнуць нельга", - сказаў Лукашэнка, звяртаючыся да кіраўніка Міністэрства аховы здароўя.

У сярэдзіне чэрвеня Міністэрства аховы здароўя звярнулася да беларусаў з заклікам дапамагчы ў маніторынгу коштаў на лекі: дасылаць фатаграфіі чэка з указаннем краіны і горада, дзе аналагічныя лекі каштуюць танней.

Беларусы актыўна адгукнуліся на заклік. За першыя некалькі гадзін пасля публікацыі ў Facebook паведамлення Міністэрства аховы здароўя, пост сабраў больш за сотню каментароў. Грамадзяне паведамлялі, у прыватнасці, што некаторыя лекі ў Вільні каштуюць восем еўра, а ў Мінску - каля 50 рублёў, а папулярны супрацьтрывожны прэпарат у Беларусі каштуе ў восем разоў даражэй, чым за яе межамі.

Пры гэтым прэзідэнт адзначыў, што краіна траціць недапушчальна шмат на закупку лекаў за мяжой - да $500 млн. На яго думку, Беларусь можа вырабляць свае лекі, тым больш што вопыт ёсць. Яго даручэнне - наладзіць у краіне вытворчасць паловы аб'ёму лекавых сродкаў, якія закупляюцца, - раней было выканана.

"Цяпер трэба звярнуць сур'ёзную ўвагу на субстанцыі і, як кажуць у прамысловасці, камплектуючыя гэтых лекаў. Трэба глыбей займацца распрацоўкай, вытворчасцю лекавых сродкаў", - сказаў прэзідэнт.

Чытаць таксама: 

  • Мінздароўя распавяло, якія антыбіётыкі яшчэ можна набыць без рэцэпту
  • Каранік: нельга на такія важныя пазіцыі, як лекі, браць цану з галавы
  • Новы кіраўнік Мінздароўя паабяцаў зрабіць ведамства больш адкрытым
Стужка навiн
0