Вадаправодны кран, архіўнае фота

Дзяржаб'яднанне "Белводаканал" з'явіцца ў Беларусі

10
(абноўлена 13:00 20.08.2019)
На працягу месяца Міністэрству жыллёва-камунальнай гаспадаркі трэба будзе стварыць новую дзяржарганізацыю, якая будзе фарміраваць адзіную палітыку ў сферы водазабеспячэння.

МІНСК, 20 жні - Sputnik. Дзяржаўнае вытворчае аб'яднанне "Белводаканал" з'явіцца ў бліжэйшы час у Беларусі, адпаведная пастанова Савета міністраў апублікавана ў аўторак на Нацыянальным прававым інтэрнэт-партале.

Гэтым дакументам Саўмін даў дазвол Міністэрству жыллёва-камунальнай гаспадаркі на стварэнне дзяржаўнага вытворчага аб'яднання "Белводаканал". Згодна з дакументам, яно з'явіцца ў бліжэйшы час, пасля чаго яго павінны будуць унесці ў пералік дзяржарганізацый, падпарадкаваных міністэрству.

Раней паведамлялася пра намер Мінжылкамгаса стварыць аб'яднанне, якое будзе фармаваць адзіную эканамічную і тэхналагічную палітыку ў сферы водазабеспячэння. Мяркуецца, што "Белводаканал" будзе адказваць за ўдасканаленне сістэм пітнога водазабеспячэння, а таксама распрацуе і ўкарэніць Нацыянальную стратэгію па развіцці водаправодна-каналізацыйнай гаспадаркі краіны і сфармуе дзяржпраграму ў сферы водазабеспячэння на 2021-2025 гады.

Магчыма, у новае дзяржаб'яднанне ўвойдуць створаныя на ўзроўні рэспублікі аблводаканалы альбо ўзбуйненыя існуючыя водаканалы.

10
Тэги:
Міністэрства жыллёва-камунальнай гаспадаркі, Савет міністраў РБ, Беларусь

Грамадства