Памёр вядомы беларускі трэнер па цяжкай атлетыцы Анатоль Лабачоў

Памёр вядомы беларускі трэнер па цяжкай атлетыцы Анатоль Лабачоў

17
(абноўлена 13:06 20.08.2019)
Трэнер, у ліку выхаванцаў якога - прызёры Алімпійскіх гульняў і чэмпіянатаў свету і Еўропы, памёр у панядзелак, 19 жніўня, на 81-м годзе жыцця.

МІНСК, 20 жні - Sputnik. Пайшоў з жыцця вядомы беларускі трэнер па цяжкай атлетыцы Анатоль Лабачоў, паведамленне пра гэта з'явілася на сайце Weightlifting Belarus.

Анатоль Лабачоў сканаў у панядзелак, 19 жніўня, яму было 80 гадоў. Усё сваё жыццё ён прысвяціў цяжкай атлетыцы: спачатку выступаў у якасцi спартсмена, пазней стаў трэнерам і на працягу некалькіх дзесяцігоддзяў перадаваў свой вопыт маладым атлетам.

Анатоль Леанідавіч Лабачоў нарадзіўся 14 сакавіка 1939 года. З юнацтва займаўся цяжкай атлетыкай, а ў 1968 годзе пачаў працаваць трэнерам у Магілёўскім абласным савеце ДСО "Спартак". У 1974 годзе ён атрымаў дыплом Беларускага дзяржаўнага інстытута фізічнай культуры. Пасля доўгі час Лабачоў быў трэнерам-выкладчыкам аддзялення цяжкай атлетыкі ў Магілёўскім дзяржаўным вучылішчы алімпійскага рэзерву.

За сваю трэнерскую кар'еру Анатоль Лабачоў зрабіў істотны ўнёсак у развіццё цяжкай атлетыкі Беларусі. З 1999 па 2000 год быў кіраўніком нацыянальнай зборнай Беларусі па цяжкай атлетыцы. Пад яго кіраваннем на XXVII летніх Алімпійскіх гульнях былі заваяваны дзве бронзавыя медалі.

За час працы Анатоль Лабачоў выхаваў 25 майстроў спорту міжнароднага класа і больш за 100 майстроў спорту Беларусі. Сярод іх - чэмпіён свету і Еўропы па цяжкай атлетыцы, срэбны прызёр XXVIII і XXIX летніх Алімпійскіх гульняў Андрэй Рыбакоў і чэмпіён Еўропы Віталь Дзербянёў. У 2013 годзе на чэмпіянаце свету па цяжкай атлетыцы выхаванкі Лабачова Кацярына Шкуратава і Дзіна Сазанавец занялі трэцяе месца, а Андрэй Рыбакоў заваяваў "золата" ў рыўку.

У 2001 годзе Лабачова ўзнагародзілі медалём "За працоўныя заслугі", у 2009 і 2010 гадах - медалём "За выдатныя заслугі" Нацыянальнага алімпійскага камітэта Беларусі. У 2014 годзе трэнер стаў "Ганаровым грамадзянінам Магілёва".

Беларускі цяжкаатлетычны саюз, Нацыянальная зборная Беларусі і цяжкаатлеты краіны выказваюць шчырыя спачуванні родным і блізкім Анатоля Лабачова.

17
Тэги:
Смерць публічных людзей, Беларусь
Канікулы для школьнікаў усё ж такі прадоўжылі

Канікулы для школьнікаў усё ж такі прадоўжылі

39
(абноўлена 09:05 05.04.2020)
Напярэдадні кіраўніку дзяржавы па гэтай тэме зрабіў даклад міністр адукацыі.

МІНСК, 5 кра - Sputnik. Прэзідэнт Беларусі Аляксандр Лукашэнка вырашыў прадоўжыць школьныя канікулы, паведамілі ў суботу ўвечары ў Telegram-канале "Пул першага".

Магчымасць падаўжэння школьных канікул у пятніцу анансаваў прэзідэнт. Як прызнаваўся сам Лукашэнка, яму не падабаецца такая ідэя, аднак вісець над бацькамі ён патрэбным не лічыць.

Як стала вядома ў суботу, кіраўнік дзяржавы вырашыў прадоўжыць школьныя канікулы яшчэ на тыдзень. Прэзідэнту па тэме дакладваў міністр адукацыі Ігар Карпенка, сабраўшы усе меркаванні і звароты.

Многія бацькі не хацелі адпускаць дзяцей у школу пасля канікулаў з улікам эпідэміялагічнай сітуацыі. Дастатковая іх колькасць напісалі заявы пра тое, што дзеці не будуць хадзіць на заняткі, яшчэ да пачатку канікул.

Паводле агучанай Міністэрствам аховы здароўя ў суботу статыстыцы, у Беларусі зарэгістравана 440 выпадкаў інфікавання каронавірусам. Пяць чалавек памерлі.

39
Тэги:
Беларусь, каронавірус, дзеці, школа
Тэмы:
Успышка каронавіруса з Уханя
Галоўны санітарны ўрач Беларусі Наталля Жукава

Галоўны санітарны ўрач: у Беларусі сітуацыя з каронавірусам кіраваная

106
(абноўлена 22:10 04.04.2020)
Расія напярэдадні перадала на бязвыплатнай аснове беларускім медыкам 10 тысяч тэставых сістэм, якія дазволяць выяўляць каронавірус.

МІНСК, 4 кра - Sputnik. У Беларусі праца будуецца так, каб не дапусціць або мінімізаваць рызыкі распаўсюджвання каронавіруснай інфекцыі, сказала намеснік міністра аховы здароўя - галоўны санітарны ўрач Беларусі Наталля Жукава, перадае карэспандэнт Sputnik.

Паводле яе слоў, беларускіх урачоў і органы Расспажыўнагляду звязвае цеснае ўзаемадзеянне. На працягу многіх гадоў вядзецца сумесная работа па прафілактыцы інфекцыйных захворванняў. 

"Цяпер, калі паўстала сітуацыя з каронавіруснай інфекцыяй, мы абмяркоўваем пытанні, звязаныя з прафілактыкай, процідзеяннем і дыягностыкай", - распавяла Жукава.

Яна падзякавала расійскіі калегам за перададзеныя тэсты для выяўлення каронавіруснай інфекцыі.

Пры гэтым Жукава звярнула ўвагу, што Беларусь знаходзіцца на заходнім рубяжы і праз краіну перамяшчаюцца транспартныя патокі, якія прадстаўляюць пэўную эпідэміялагічную значнасць.

"Мы будуем сваю працу так, каб не дапусціць або мінімізаваць рызыкі распаўсюджвання каронавіруснай інфекцыі як на тэрыторыі Беларусі і так, каб яна ў меншай ступені трапіла ў Расію", - запэўніла медык.

З гэтай мэтай праводзіцца комплекс супрацьэпідэмічных мерапрыемстваў такіх жа, як і ў Расіі. Гэта тычыцца вымярэння тэмпературы і правядзення эпідэміялагічных расследаванняў.

Жукава адзначыла, што гэтыя меры разам з лабараторнай дыягностыкай дазволілі не дапусціць перасячэння мяжы ў 69 выпадках, у тым ліку і тых, хто працуе ў сферы грузаперавозак.

"Гэтыя тэсты мы выкарыстоўваем для таго, каб скараціць колькасць захворванняў у нашых краінах", - патлумачыла яна.

Усяго беларускі бок атрымаў дзесяць тысяч тэст-сістэм, і гэта добрая падтрымка для рэгіянальных лабараторый.

"Гэта дапаможа нам арганізаваць бесперабойную працу на пэўны перыяд часу", - дадала галоўны санітарны ўрач.

Жукава адзначыла, што ў Беларусі эпідэміялагічную сітуацыю ацэньваюць як "кіраваную".

"Яна сёння сапраўды кіраваная, хоць мы маем і прырост, але разам з тым і бачым, што тыя меры, якія мы робім, дапамагаюць нам своечасова ізаляваць тых, хто можа быць патэнцыйнай крыніцай (заражэння) - гэта кантакты першага ўзроўню. Мяркуючы па тых лічбах, якія мы аналізуем, сёння гэта працуе і дае вынік. у прынцыпе мы дзейнічаем у такім жа кірунку, што і Расспажыўнагляд", - рэзюмавала Жукава.

Паводле агучанай Міністэрствам аховы здароўя ў суботу статыстыцы, у Беларусі зарэгістравана 440 выпадку інфікавання каронавірусам. Пяць чалавек памерлі.

106
Тэги:
каронавірус, Беларусь
Тэмы:
Успышка каронавіруса з Уханя
Мікалай Казека

Лукашэнка павіншаваў Мікалая Казеку з юбілеем

0
(абноўлена 12:29 05.04.2020)
Галоўнаму трэнеру нацыянальнай зборнай Беларусі па фрыстайле Мікалаю Казеку споўнілася 70 гадоў.

МІНСК, 5 кра - Sputnik. Прэзідэнт Беларусі Аляксандр Лукашэнка павіншаваў галоўнага трэнера нацыянальнай каманды па фрыстайле Мікалая Казеку з юбілеем, паведамілі ў прэс-службе беларускага лідара.

У віншавальнай тэлеграме адзначаецца, што з імем трэнера, якому сёння споўнілася 70 гадоў, звязаны самыя яркія алімпійскія дасягненні Беларусі. "Вы стаялі ля вытокаў станаўлення айчыннай школы лыжнай акрабатыкі", - сказана, у прыватнасці, у віншаванні. Прэзідэнт адзначыў таксама выдатныя поспехі, якіх удалося дамагчыся на найбуйнейшых міжнародных спаборніцтвах, а таксама той факт, што Мікалай Казека вывеў краіну ў лідары сусветнага фрыстайлу.

Мікалай Казека змог выхаваць плеяду славутых атлетаў, у ліку якіх чатыры алімпійскія чэмпіёны. Як звярнуў увагу Аляксандр Лукашэнка, пад яго кіраўніцтвам вырасла цэлае пакаленне трэнераў.

"Перакананы, што вашыя веды, талент педагога і найбагацейшы вопыт яшчэ шмат гадоў будуць прыносіць карысць беларускаму спорту", - падкрэсліў кіраўнік дзяржавы.

А напярэдадні юбілею з праслаўленым трэнерам пагутарыў калумніст Sputnik Ігар Казлоў.

0
Тэги:
Аляксандр Лукашэнка