Легенда беларускага радыё Ілля Курган

Развітанне з Іллёй Курганам пройдзе ў Купалаўскім тэатры

48
(абноўлена 16:54 21.08.2019)
Праз урокі дыктара, які больш за палову стагоддзя чытаў навіны на беларускім радыё, прайшлі дзясяткі айчынных артыстаў.

МІНСК, 21 жні - Sputnik. Цырымонія развітання са знакамітым дыктарам беларускага радыё Іллёй Курганам пройдзе ў Купалаўскім тэатры 23 жніўня, паведамілі Sputnik у прэс-службе тэатра.

Сама цырымонія запланавана на 11:00, грамадзянская паніхіда пачнецца ў 12:30 і працягнецца да 13:00.

"Водгулле голасу Іллі Львовіча, яго мудрасць, заўсёдная дасціпнасць і спагада назаўжды застануцца з намі. Наш абавязак - захоўваць закладзеныя ім традыцыі і перадаваць гледачам і наступным пакаленням", - падкрэслілі ў тэатры.

"Беларускі Левітан" Ілля Львовіч Курган пайшоў з жыцця ў ноч на 21 жніўня, яму было 93 гады. 90-гадовы юбілей знакаміты дыктар адсвяткаваў на сцэне Купалаўскага, дзе апошнім часам працаваў літаратурным кансультантам. Тады павіншаваць юбіляра прыйшлі не толькі прыхільнікі таленту, але і вучні - доўгі час Ілля Львовіч выкладаў у Беларускай акадэміі мастацтваў і Інстытуце культуры. Праз яго ўрокі прайшлі дзясяткі айчынных артыстаў.

48
Тэги:
Смерць публічных людзей, Ілля Курган, Нацыянальны акадэмічны тэатр імя Янкі Купалы, Мінск
Канікулы для школьнікаў усё ж такі прадоўжылі

Канікулы для школьнікаў усё ж такі прадоўжылі

38
(абноўлена 09:05 05.04.2020)
Напярэдадні кіраўніку дзяржавы па гэтай тэме зрабіў даклад міністр адукацыі.

МІНСК, 5 кра - Sputnik. Прэзідэнт Беларусі Аляксандр Лукашэнка вырашыў прадоўжыць школьныя канікулы, паведамілі ў суботу ўвечары ў Telegram-канале "Пул першага".

Магчымасць падаўжэння школьных канікул у пятніцу анансаваў прэзідэнт. Як прызнаваўся сам Лукашэнка, яму не падабаецца такая ідэя, аднак вісець над бацькамі ён патрэбным не лічыць.

Як стала вядома ў суботу, кіраўнік дзяржавы вырашыў прадоўжыць школьныя канікулы яшчэ на тыдзень. Прэзідэнту па тэме дакладваў міністр адукацыі Ігар Карпенка, сабраўшы усе меркаванні і звароты.

Многія бацькі не хацелі адпускаць дзяцей у школу пасля канікулаў з улікам эпідэміялагічнай сітуацыі. Дастатковая іх колькасць напісалі заявы пра тое, што дзеці не будуць хадзіць на заняткі, яшчэ да пачатку канікул.

Паводле агучанай Міністэрствам аховы здароўя ў суботу статыстыцы, у Беларусі зарэгістравана 440 выпадкаў інфікавання каронавірусам. Пяць чалавек памерлі.

38
Тэги:
Беларусь, каронавірус, дзеці, школа
Тэмы:
Успышка каронавіруса з Уханя
Галоўны санітарны ўрач Беларусі Наталля Жукава

Галоўны санітарны ўрач: у Беларусі сітуацыя з каронавірусам кіраваная

103
(абноўлена 22:10 04.04.2020)
Расія напярэдадні перадала на бязвыплатнай аснове беларускім медыкам 10 тысяч тэставых сістэм, якія дазволяць выяўляць каронавірус.

МІНСК, 4 кра - Sputnik. У Беларусі праца будуецца так, каб не дапусціць або мінімізаваць рызыкі распаўсюджвання каронавіруснай інфекцыі, сказала намеснік міністра аховы здароўя - галоўны санітарны ўрач Беларусі Наталля Жукава, перадае карэспандэнт Sputnik.

Паводле яе слоў, беларускіх урачоў і органы Расспажыўнагляду звязвае цеснае ўзаемадзеянне. На працягу многіх гадоў вядзецца сумесная работа па прафілактыцы інфекцыйных захворванняў. 

"Цяпер, калі паўстала сітуацыя з каронавіруснай інфекцыяй, мы абмяркоўваем пытанні, звязаныя з прафілактыкай, процідзеяннем і дыягностыкай", - распавяла Жукава.

Яна падзякавала расійскіі калегам за перададзеныя тэсты для выяўлення каронавіруснай інфекцыі.

Пры гэтым Жукава звярнула ўвагу, што Беларусь знаходзіцца на заходнім рубяжы і праз краіну перамяшчаюцца транспартныя патокі, якія прадстаўляюць пэўную эпідэміялагічную значнасць.

"Мы будуем сваю працу так, каб не дапусціць або мінімізаваць рызыкі распаўсюджвання каронавіруснай інфекцыі як на тэрыторыі Беларусі і так, каб яна ў меншай ступені трапіла ў Расію", - запэўніла медык.

З гэтай мэтай праводзіцца комплекс супрацьэпідэмічных мерапрыемстваў такіх жа, як і ў Расіі. Гэта тычыцца вымярэння тэмпературы і правядзення эпідэміялагічных расследаванняў.

Жукава адзначыла, што гэтыя меры разам з лабараторнай дыягностыкай дазволілі не дапусціць перасячэння мяжы ў 69 выпадках, у тым ліку і тых, хто працуе ў сферы грузаперавозак.

"Гэтыя тэсты мы выкарыстоўваем для таго, каб скараціць колькасць захворванняў у нашых краінах", - патлумачыла яна.

Усяго беларускі бок атрымаў дзесяць тысяч тэст-сістэм, і гэта добрая падтрымка для рэгіянальных лабараторый.

"Гэта дапаможа нам арганізаваць бесперабойную працу на пэўны перыяд часу", - дадала галоўны санітарны ўрач.

Жукава адзначыла, што ў Беларусі эпідэміялагічную сітуацыю ацэньваюць як "кіраваную".

"Яна сёння сапраўды кіраваная, хоць мы маем і прырост, але разам з тым і бачым, што тыя меры, якія мы робім, дапамагаюць нам своечасова ізаляваць тых, хто можа быць патэнцыйнай крыніцай (заражэння) - гэта кантакты першага ўзроўню. Мяркуючы па тых лічбах, якія мы аналізуем, сёння гэта працуе і дае вынік. у прынцыпе мы дзейнічаем у такім жа кірунку, што і Расспажыўнагляд", - рэзюмавала Жукава.

Паводле агучанай Міністэрствам аховы здароўя ў суботу статыстыцы, у Беларусі зарэгістравана 440 выпадку інфікавання каронавірусам. Пяць чалавек памерлі.

103
Тэги:
каронавірус, Беларусь
Тэмы:
Успышка каронавіруса з Уханя
Мікалай Казека

Лукашэнка павіншаваў Мікалая Казеку з юбілеем

0
(абноўлена 12:29 05.04.2020)
Галоўнаму трэнеру нацыянальнай зборнай Беларусі па фрыстайле Мікалаю Казеку споўнілася 70 гадоў.

МІНСК, 5 кра - Sputnik. Прэзідэнт Беларусі Аляксандр Лукашэнка павіншаваў галоўнага трэнера нацыянальнай каманды па фрыстайле Мікалая Казеку з юбілеем, паведамілі ў прэс-службе беларускага лідара.

У віншавальнай тэлеграме адзначаецца, што з імем трэнера, якому сёння споўнілася 70 гадоў, звязаны самыя яркія алімпійскія дасягненні Беларусі. "Вы стаялі ля вытокаў станаўлення айчыннай школы лыжнай акрабатыкі", - сказана, у прыватнасці, у віншаванні. Прэзідэнт адзначыў таксама выдатныя поспехі, якіх удалося дамагчыся на найбуйнейшых міжнародных спаборніцтвах, а таксама той факт, што Мікалай Казека вывеў краіну ў лідары сусветнага фрыстайлу.

Мікалай Казека змог выхаваць плеяду славутых атлетаў, у ліку якіх чатыры алімпійскія чэмпіёны. Як звярнуў увагу Аляксандр Лукашэнка, пад яго кіраўніцтвам вырасла цэлае пакаленне трэнераў.

"Перакананы, што вашыя веды, талент педагога і найбагацейшы вопыт яшчэ шмат гадоў будуць прыносіць карысць беларускаму спорту", - падкрэсліў кіраўнік дзяржавы.

А напярэдадні юбілею з праслаўленым трэнерам пагутарыў калумніст Sputnik Ігар Казлоў.

0
Тэги:
Аляксандр Лукашэнка