З пачаткам вучэбнага года: урачыстыя лінейкі ў школах пройдуць 2 верасня

З пачаткам вучэбнага года: урачыстыя лінейкі ў школах пройдуць 2 верасня

29
(абноўлена 08:51 02.09.2019)
У гэтым годзе ўстановы адукацыі ў рэспубліцы чакаюць 1 мільён 30 тысяч навучэнцаў, з іх 115 тысяч - першакласнікі.

МІНСК, 2 вер - Sputnik. Лінейкі, прысвечаныя пачатку новага навучальнага года, пройдуць у панядзелак у школах Беларусі, паведамілі Sputnik у Міністэрстве адукацыі.

Вершы на 1 верасня: збіраемся ў школу
© Sputnik / Александр Кряжев

У бягучым годзе Дзень ведаў прыпаў на нядзелю, таму было прынята рашэнне пачаць навучальны год на дзень пазней - 2 верасня.

Урачыстыя лінейкі з нагоды пачатку навучальнага года пройдуць у гэты дзень для першакласнікаў, у іх возьмуць удзел таксама і навучэнцы 11-х класаў.

У першы клас у бягучым годзе па ўсёй рэспубліцы пойдзе больш дзяцей, чым у папярэднім: калі ў 2018-м першакласнікаў было 110 тысяч, то ў 2019-м чакаецца 115 тысяч.

За парты сядуць у панядзелак і астатнія школьнікі - будзе праведзены тэматычны ўрок.

"Для першага ўрока, які пройдзе 2 верасня 2019 года ва ўстановах агульнай сярэдняй адукацыі, рэкамендуецца тэма "Занімай, Беларусь Маладая мая, свой пачэсны пасад між народамі!" - паведамілі ў Мінадукацыі.

У ведамстве адзначылі, што словы беларускага песняра сугучныя з тэмай Года малой радзімы, яны падкрэсліваюць суверэнітэт і незалежнасць Беларусі.

Кожны першакласнік у гэтым годзе атрымае падарунак ад Прэзідэнта РБ Аляксандра Лукашэнкі - кнігу "Беларусь - наша Радзіма" з DVD-дадаткам. Адзначаецца, што выданне змяшчае мноства ілюстрацый, а не дыску знаходзіцца дадатковая інфармацыя, у тым ліку інтэрактыўныя гульні, віктарыны, электронныя размалёўкі, пазлы і іншае.

Усяго ў рэспубліцы ў 2019/20 навучальным годзе свае дзверы для рабят адкрые 2951 установа дашкольнай адукацыі і 3003 - агульнай сярэдняй.

Вучняў чакаюць у гэтым навучальным годзе шэраг навінак, у тым ліку - забарона на другую змену ў малодшых і старэйшых класах.

29
Тэги:
Беларусь, Дзеці, школа
Перад здачай ЦТ у Мінску

Сталі вядомыя вынікі ЦТ па грамадазнаўству

7
(абноўлена 15:04 10.07.2020)
У асноўным тэсціраванне па гэтым прадмеце трэба было здаваць абітурыентам, накіраваным на вывучэнне юрыспрудэнцыі.

МІНСК, 10 ліп - Sputnik. Вынікі цэнтралізаванага тэсціравання (ЦТ) па грамадазнаўстве сталі вядомыя ў пятніцу.

ЦТ у Мінску
© Sputnik / Виктор Толочко

Цэнтралізаванае тэсціраванне - асноўны этап уступнай кампаніі ў ВНУ Беларусі: абітурыенты здаюць выпрабаванні па выбраных прадметах, а затым падаюць сертыфікаты з вынікамі разам з атэстатам у прыёмныя камісіі.

Вынікі цэнтралізаванага тэсціравання (ЦТ) па грамадазнаўстве сталі вядомыя днём у пятніцу. Першымі свае балы даведаліся абітурыенты, падпісаныя на смс-рассылку, затым яны будуць загружаныя і на сайт Рэспубліканскага інстытута кантролю ведаў (РІКВ).

Для здачы грамадазнаўства зарэгістравалі каля 12 тысяч чалавек.

У асноўным тэсціраванне па гэтым прадмеце трэба было здаваць абітурыентам, нацэленым на вывучэнне юрыспрудэнцыі.

Раней сталі вядомыя таксама вынікі ЦТ па рускай і беларускай мовах. Неўзабаве, як чакаецца, павінны з'явіцца вынікі ЦТ па біялогіі.

7
Тэги:
ЦТ, Уступная кампанія, Беларусь
Тэмы:
Абітурыент - 2020
Тэст-сістэмы для дыягностыкі новага каронавіруса

Новая статыстыка Мінздароўя: за суткі выяўлена 193 выпадкі каронавіруса

12
(абноўлена 14:20 10.07.2020)
Колькасць грамядзян, якія паправіліся і выпісаныя, па дадзеных міністэрства аховы здароўя на пятніцу, складае больш за 54 тысячы чалавек.

МІНСК, 10 ліп - Sputnik. Беларускія медыкі за суткі выявілі 193 новыя выпадкі каронавіруса COVID-19, паведамілі ў пятніцу ў Міністэрстве аховы здароўя рэспублікі.

Да раніцы пятніцы ў Беларусі праведзена каля 1,112 мільёнаў тэстаў на каронавіруса. За суткі зроблена парадку 12 тысяч даследаванняў.

Зарэгістравана ужо 64 604 выпадкі каронавіруса, за мінулыя суткі колькасць выяўленых павялічылася на 193.

Варта адзначыць, што аналагічны прырост назіраецца апошнія некалькі дзён: менш за 200 выпадкаў у дзень.

Паправіліся і выпісаныя ўжо 54 254 пацыента, якія перанеслі COVID-19. За суткі колькасць здаровых вырасла на 645 чалавек.

"За ўвесь перыяд распаўсюджвання інфекцыі на тэрыторыі краіны памерлі 454 пацыента з шэрагам хранічных захворванняў з выяўленай каронавіруснай інфекцыяй", - адзначылі ў Міністэрстве аховы здароўя.

Такім чынам, за дзень зарэгістравана пяць новых смяротных вынікаў.

Чытайце таксама:

12
Тэги:
Міністэрства аховы здароўя Рэспублікі Беларусь, каронавірус, Беларусь
Тэмы:
Каронавірус COVID-19
У цэнтры занятасці, архіўнае фота

Cпортсмен за $5 тыс і дырэктар піўзавода: якіх работнікаў шукаюць у Беларусі?

0
(абноўлена 16:40 10.07.2020)
Сярод самых высокааплатных вакансій - шмат месцаў для спартсменаў і трэнераў у футбольныя, хакейныя і гандбольныя клубы.

МІНСК, 10 ліп - Sputnik. Спартсмена-інструктара ў хакейны клуб "Дынама-Мінск" на заробак ад дзесяці тысяч рублёў шукаюць сёння праз Дзяржаўную службу занятасці.

На сёння ў Беларусі зарэгістравана 76878 вакансій. З іх заробак парадку 1000 долараў і вышэй абяцаюць у 156 месцах.

Традыцыйна, у топе вакансій - пілоты для "Белавія", якіх шукаюць не першы месяц.

Цікава, што ў спісе вакансій, на якіх можна атрымаць максімальны заробак - спартсмен-інструктар для ХК "Дынама-Мінск". Суіскальніку абяцаюць ад дзесяці тысяч рублёў.

Дзве вакансіі для спартсменаў-інструктараў адкрыты ў футбольным клубе "Іслач": з заробкам ад трох і ад пяці тысяч рублёў. У ФК "БАТЭ" таксама шукаюць спартсмена-інструктара, заробак абяцаюць ад двух тысяч рублёў. У "Шахцёр" патрэбны трэнер за 1,5 тысячы рублёў.

Цікава, што ў той жа час у гарадзенскі ФК "Нёман" спартсмена-інструктара шукаюць на больш сціплы заробак - 375 рублёў.

Сярод іншых цікавых высокааплатных вакансій - месца для прараба з заробкам вышэй за 6918 рублёў. Таксама шукаюць новага гендырэктара аднаго з піўзаводаў - на заробак ад 3,5 тысячы рублёў.

0
Тэги:
вакансіі, Беларусь