Міністр адукацыі Беларусі Ігар Карпенка

Карпенка выказаўся пра закон "аб адтэрміноўцы": вялікай праблемы не бачу

16
(абноўлена 12:22 02.09.2019)
На думку міністра, гэты і наступны год пакажуць адсутнасць праблем у законе і тое, што "збалансавана ўсё гэта будзе пабудавана".

МІНСК, 2 вер - Sputnik. Міністр адукацыі Беларусі Ігар Карпенка не бачыць вялікай праблемы ў так званым "законе аб адтэрміноўцы", пра гэта ён заявіў у эфіры тэлеканала АНТ.

Закон "Аб змяненні законаў па пытаннях эфектыўнага функцыянавання ваеннай арганізацыі дзяржавы", у народзе празваны "законам аб адтэрміноўцы", уступіў у сілу 10 жніўня. Паводле змен у заканадаўстве, цяпер адтэрміноўка на прадастаўленне адукацыі будзе давацца толькі адзін раз - гэта значыць жадаючы пайсці ў магістратуру ці паступіць у ВНУ пасля ссну павінен будзе спачатку адслужыць.

"Ну, давайце скажам шчыра: чалавек скончыў вышэйшую навучальную ўстанову, хоча паступаць у магістратуру. А што, магістратура сёння - абавязковая прыступка для таго, каб пайсці потым працаваць? Не, гэта неабавязковая ступень", - выказаўся Карпенка.

Міністр нагадаў, што ў Беларусі навукова-арыентаваная магістратура.

"Гэта значыць, той чалавек, які пойдзе ў навуку... Значыць, якая тут праблема? Па-першае, у нас няма масавага набору на гэту спецыяльнасць. Вось у гэтым годзе мы бярэм парадку трох тысяч чалавек на бюджэт усяго толькі па краіне. Ну, адкіньце нейкую колькасць дзяўчынак, якіх заўсёды больш, чым хлопчыкаў, у нас. Як бы я не бачу тут вялікай праблемы", - упэўнены міністр.

Нагадаў Карпенка і тое, што ніхто не адмяняў іншыя формы службы - напрыклад, у рэзерве. Захоўваюцца і іншыя віды адтэрміновак.

"Таму я вось не бачу тут нейкіх такіх вялікіх праблем. І я думаю, што гэты год і другі год, наступны год пакажуць, што, хутчэй за ўсё, гэтых праблем вялікіх не будзе і збалансавана усё гэта будзе пабудавана", - дадаў міністр адукацыі.

Як тлумачылі ў Мінабароны, прычынай ініцыяцыі "закона аб адтэрміноўцы" стала дэмаграфічная яма і недакамплект Узброеных сіл рэспублікі. Мяркуецца, што дзякуючы зменам у заканадаўства восенню можна будзе дадаткова заклікаць парадку 3000 юнакоў, вясной - яшчэ каля 1,5 тысяч.

16
Тэги:
Беларусь, Міністэрства адукацыі РБ, Ігар Карпенка
Супрацоўніца хуткай дапамогі ў Мінску

Каронавірус дабраўся да Маладзечна? У горадзе шпіталізавана сям'я

9
(абноўлена 11:50 30.03.2020)
У сацыяльных сетках распаўсюджваецца дакумент, што нібыта ў аднаго з жыхароў Маладзечна тэст на COVID-19 апынуўся станоўчым.

МІНСК, 30 сак - Sputnik. Жыхар Маладзечна прыляцеў з Вялікабрытаніі ў сераду, а ў пятніцу яго адвезлі ў мінскую бальніцу, пра гэта напісана ў апублікаваным у сацыяльных сетках дакуменце, пацвярджаюць інфармацыю і мясцовыя жыхары.

У дакуменце пазначана, што мужчына прыбыў у Нацыянальны аэрапорт авіярэйсам Лондан - Мінск 25 сакавіка ў 17:40. Там у яго быў узяты матэрыял для лабараторнага даследавання на COVID-19. Пасля гэтага малады чалавек паехаў на аўтобусе да беларускай сталіцы, а адтуль на маршрутцы - да Маладзечна.

Вынік тэсту апынуўся станоўчым, і ў пятніцу 27 сакавіка жыхара Маладзечна шпіталізавалі ў мінскую гарадскую інфекцыйную клінічную бальніцу. Магчыма, што ён кантактаваў з дзевяццю людзьмі: пяць чалавек прыляцелі разам з ім з Лондана і трое - дамачадцы.

Па словах суседзяў, мужчына жыве ў прыватным доме. У сераду ўвечары ён прыехаў з камандзіроўкі. З тых часоў яго сям'я з хаты не выходзіла.

"Вельмі крыўдна, што ў людзей такое гора, а журналісты розныя небыліцы плятуць. Чытаў на адным навінавым сайце, нібыта да іх госці прыходзілі, а потым яны шпацыравалі па вуліцы. Няпраўда. Гэта вельмі прыстойная і адказная сям'я. Пасля прыезду мужа, жонка і дзеці цалкам самаізалявалася, ні з кім не размаўлялі. Нават у двор свой не выходзілі", - удакладніў адзін з суседзяў.

Па словах жыхароў бліжэйшых дамоў, у пятніцу, прыкладна ў 11:00 маладога мужчыну, яго жонку, маленькіх сына і дачку шпіталізавалі.

"Прыехала хуткая дапамога. Урачы былі ў ахоўных касцюмах, масках і гумовых ботах. Яны забралі сям'ю, а потым яшчэ цэлы дзень дэзінфікавалі іх дом. Зараз яны ўсе, накшталт, знаходзяцца ў мінскай бальніцы", - распавяла іншая суседка.

Па дадзеных Міністэрства аховы здароўя Беларусі на пятніцу, у краіне зарэгістравана 94 выпадкі каронавіруса. Дадзеных за выхадныя ведамства пакуль не прыводзіла - як і не каментавала інфармацыю аб новых выпадках, у тым ліку ў Маладзечна, Гродна, Лельчыцах і Іўе.

9
Тэги:
Беларусь, Маладзечна, каронавірус
Тэмы:
Успышка каронавіруса з Уханя
У Маскве ўводзяцца дадатковыя абмежаванні ў сувязі з каронавірусам

Адказнасць за парушэнне карантыну робяць больш жорсткай у Маскве

2
(абноўлена 10:14 30.03.2020)
Урад ухваліў папраўкі ў КаАП РФ, згодна з якімі становіцца больш жорсткай адказнасць за парушэнне рэжыму самаізаляцыі ў сталіцы.

МІНСК, 30 сак - Sputnik. Адказнасць за парушэнне каранцінных мер, прынятых з-за распаўсюджвання каронавіруса новага тыпу, становіцца больш жорсткай у Маскве, пра гэта прэм'ер-міністр Расіі Міхаіл Мішусцін паведаміў у панядзелак.

Маскоўскае метро перайменавала дзве станцыі з-за каронавіруса
Пресс-служба Московского метрополитена

Урад ухваліў папраўкі ў Кодэкс аб адміністрацыйных правапарушэннях РФ, згодна з якімі становіцца больш жорсткай адказнасць за парушэнне карантыну ў Маскве.

"Цяпер наша асноўная задача - гэта працаваць на апярэджанне, мінімізаваць распаўсюджванне віруса (...). Узмацняецца адказнасць за парушэнне каранцінных мер, і ўрад ухваліў адпаведныя папраўкі ў Кодэкс Расійскай Федэрацыі аб адміністрацыйных парушэннях", - сказаў Мішусцін падчас нарады з віцэ-прэм'ерамі.

У Маскве і Падмаскоўі ўведзены хатні рэжым самаізаляцыі для ўсіх жыхароў незалежна ад ўзросту з 30 сакавіка. Пакідаць кватэру дазваляецца толькі ў выпадках звароту па экстраную медыцынскую дапамогу і іншай прамой пагрозы жыццю і здароўю, для паездак на працу, калі супрацоўніка не вызвалілі ад службовых абавязкаў, здзяйснення пакупак у бліжэйшай краме або аптэцы. Вынас смецця і выгул хатніх жывёл дапускаецца на адлегласці не больш за 100 метраў ад месца пражывання.

Акрамя таго, сёння ў краіне пачаўся тыдзень выходных - мяркуецца, што гэтая мера дазволіць знізіць актыўнасць грамадзян і затармазіць рост эпідэміі. Па словах Мішусціна, урад робіць усё для таго, каб людзі камфортна правялі непрацоўны тыдзень.

"З сённяшняга дня, у адпаведнасці з указам прэзідэнта, у Расіі пачаўся непрацоўны тыдзень. Мы робім усё, каб людзі маглі з дастатковым камфортам правесці яго дома ў рэжыме самаізаляцыі. А тыя, каму адказнасці не хапае, не мелі магчымасці распаўсюдзіць гэты небяспечны вірус і заражаць ім іншых", - сказаў Мішусцін.

На яго думку, ініцыятыва мэра сталіцы і губернатара Падмаскоўя па абмежаванні перамяшчэння грамадзян ва ўмовах распаўсюджвання каронавіруса лагічныя.

Мішусцін таксама заклікаў рэгіёны звярнуць увагу на прынятыя меры: "Прашу кіраўнікоў суб'ектаў Расійскай Федэрацыі звярнуць увагу на досвед калег і прапрацаваць магчымасць увядзення падобных мер у сваіх рэгіёнах".

2
Тэги:
Расія, каронавірус
Тэмы:
Успышка каронавіруса з Уханя