Лекавыя прэпараты, архіўнае фота

Беларусь адправіць у Венесуэлу антыбіётыкі і абязбольвальныя

27
(абноўлена 12:11 13.09.2019)
Гуманітарная дапамога Мінска Каракасу ўключыць 32 назвы лекавых сродкаў (усе яны айчыннай вытворчасці).

МІНСК, 13 вер - Sputnik. Беларусь бязвыплатна адправіць у Венесуэлу лекі на суму больш за 442 тысячы рублёў, адпаведнае рашэнне прыняў Саўмін.

Чарговую гуманітарную дапамогу Венесуэле беларускі ўрад вырашыў вылучыць у выглядзе лекаў айчыннай вытворчасці.

Так, у Венесуэлу накіруецца груз з 32 найменняў лекавых сродкаў. Даражэй за ўсё абыйдзецца сродак ад ціску "Моксанідзін" (104.500 рублёў). На антыбіётык "Плевілокс" ("моксіфлаксацыну") выдаткуюць 96120 рублёў.

Таксама ў пераліку - кроплі для вачэй, некалькі найменняў абязбольвальных, супрацьгрыбковыя прэпараты і прэпарат, які ўжываецца для лячэння герпесу, лішаю і вятранкі "Ацыклавір".

Агульны кошт грузу перавысіць 442 тысячы рублёў - гэта значыць больш за 210 тысяч долараў у эквіваленце.

Адказным за водпуск лекаў прызначылі холдынг "Белфармпром". Садзейнічанне ў дастаўцы грузу будуць аказваць БелГПП, Мінтранс, МЗС і канцэрн "Белнафтахім" - кожны па сваёй кампетэнцыі.

27
Тэги:
Савет міністраў РБ, гуманітарная дапамога, Беларусь, Лекі
Прэпараты ў кабінеце навукова-даследчай лабараторыі

У Расіі распрацоўваюць кроплі, якія даюць імунітэт супраць каронавіруса

2
(абноўлена 15:38 30.05.2020)
У Новасібірскам навуковым цэнтры "Вектар" працягваюцца клінічныя даследаванні вакцын ад каронавіруса. Што гэта за прэпараты і калі нарэшце завяршыцца іх распрацоўка?

МІНСК, 30 мая - Sputnik. Як у Расіі праводзяцца выпрабаванні вакцын супраць COVID-19 і калі іх плануюць завяршыць, распавёў гендырэктар навуковага цэнтра "Вектар" Рынат Максютаў.

Цяпер некалькі дзясяткаў лабараторый па ўсім свеце спрабуюць распрацаваць вакцыну супраць каронавіруса. Актыўна працуюць і расійскія навукоўцы. Яны плануюць завяршыць клінічныя выпрабаванні ўжо да верасня гэтага года.

Варыянты вакцын

У навуковым цэнтры першапачаткова даследавалі 25 варыянтаў вакцын. Затым былі абраныя тры варыянты, якія паказалі найбольшую эфектыўнасць і з'яўляюцца найбольш простымі ў вытворчасці.

"Вакцыны адрозніваюцца не толькі па сваім функцыянальным пачатку, але і па спосабе і схеме імунізацыі, так адзін з нашых прэпаратаў, ён не ідзе па класічнай схеме ўвядзення ўнутрацягліцава, а схема ўвядзення інтэрназальная, то бок, фактычна яна проста закапваецца ў нос", - удакладніў у эфіры тэлеканала "Расія 1" Рынат Максюта.

Выпрабаванні на жывёлах

Вакцыны выпрабоўваліся ў лабараторных умовах на прыматах. Па словах Максютава, жывёлы добра перанеслі вакцыны ад каронавіруса, непажаданых рэакцый не выявілася, тэмпература ў іх не павышалася. Калі пацвердзіцца, што вакцына цалкам бяспечная, яе пачнуць апрабаваць на добраахвотніках.

Выпрабаванні на людзях

Клінічныя даследаванні плануецца пачаць у канцы чэрвеня - пачатку ліпеня, а завяршыць - у сярэдзіне верасня. Для гэтага ўжо адабралі 300 добраахвотнікаў. Канчатковую групу сфарміруюць за сем дзён да пачатку даследаванняў. Тыя, хто ўжо перахварэў на каронавірус, у яе не трапяць.

Выпрабаванні вакцыны для дзяцей і пажылых людзей пачнуцца пасля атрымання станоўчых вынікаў і рэгістрацыі прэпарата. Адбудзецца гэта, па прагнозах Максютава, не раней 2021-га года.

Раней віцэ-прэм'ер РФ Таццяна Голікава казала, што ў Расіі вядзецца распрацоўка 47 вакцын ад новай каронавіруснай інфекцыі на 14 платформах.

Фарміраванне імунітэту

Па дадзеных расійскіх навукоўцаў, імунітэт да сезонных ВРВІ, а таксама супраць выяўленых раней каронавірусаў наўрад ці дапаможа ад COVID-19.

Як удакладніў генеральны дырэктар цэнтра "Вектар", новы каронавірус значна адрозніваецца ад раней выяўленых. Таму ў цяперашні час няма падстаў лічыць, што наяўнасць імунітэту да сезонных варыяцый каронавіруса забяспечыць абарону ад COVID.

2
Тэги:
Вакцынацыя, каронавірус, Расія
Людзі ў масках у Мінску

Мінздароўя: у Беларусі больш за 41,5 тысячы выпадкаў інфікавання COVID-19

18
(абноўлена 15:23 30.05.2020)
За суткі прырост склаў 894 новыя выпадкі, смерцяў плюс пяць; спецыялісты прагназуюць памяншэнне колькасці хворых ад пачатку чэрвеня.

МІНСК, 30 мая - Sputnik. Больш за 41,5 тысячы выпадкаў інфікавання каронавірусам COVID-19 зарэгістраваны ў Беларусі, паведамілі ў Міністэрстве аховы здароўя рэспублікі.

"Зарэгістраваныя 41 тысяча 658 чалавек са станоўчым тэстам на COVID-19", - праінфармавалі ў ведамстве.

Там адзначылі, што паправіліся і выпісаныя 17 тысяч 964 пацыента. Памерлі з пачатку распаўсюджвання інфекцыі 229 чалавек. У іх, як падкрэсліваюць у Міністэрстве аховы здароўя, былі хранічныя захворванні з выяўленых каронавірусам.

У цэлым жа, паводле інфармацыі медыкаў, у краіне праведзена 526 тысяч 559 тэстаў на COVID-19.

Як паведамілі напярэдадні ў СААЗ, Беларусь увайшла ў топ-5 краін Еўропы па прыросту колькасці інфіцыраваных за апошнія два тыдні.

Статыстыку па ўзроставых групах, у якіх часцей за ўсё фіксуецца COVID-19, а таксама па распаўсюджванні інфекцыі ў рэгіёнах Міністэрства аховы здароўя не прыводзіць. Ведамства ўжо больш за месяц не праводзіла брыфінгаў для журналістаў, на якіх можна было б даведацца больш падрабязную інфармацыю.

Чытайце таксама:

18
Тэги:
каронавірус, Міністэрства аховы здароўя Рэспублікі Беларусь, Беларусь
Тэмы:
Каронавірус COVID-19
Які сёння дзень: 31 мая

Які сёння дзень: 31 мая 2020 года

0
(абноўлена 17:07 25.05.2020)
Гэты дзень з'яўляецца сто пяцьдзясят другім па грыгарыянскім календары, да канца года засталося 214 дзён.

Сёння адзначаецца Сусветны дзень без тытуню, Сусветны дзень барацьбы с няроўнасцю, Сусветны дзень культуры, а ў Беларусі - Дзень хіміка. Якія яшчэ падзеі адбыліся 31 мая і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 31 мая

  • У 1919 годзе ў Варшаве створана Польска-беларускае таварыства.
  • У 2008 годзе ў Полацку адкрыты памятны знак "Геаграфічны цэнтр Еўропы".

Хто нарадзіўся 31 мая

  • 1556 год: Юры (Ежы) Радзівіл, царкоўны і дзяржаўны дзеяч Рэчы Паспалітай .
  • 1948 год: Святлана Алексіевіч, беларуская пісьменніца.
  • 1952 год: Тамара Чабан, беларускі літаратуразнавец.

Таксама сёння нарадзіліся рускі пісьменнік Канстанцін Паўстоўскі і рускі музыкант Уладзімір Кузьмін.

31 мая ў народным календары

Сёння праваслаўныя вернікі шануюць памяць пакутніка Феадота Анкірскага і сямі дзеў пакутніц.

Святога Феадота ў народзе празвалі Фядот Дубоўнік, таму што ў гэты дзень на дубах пачынала разгортвацца лісце. Лічылася, што калі дубы паспелі зазелянець, будзе добры ўраджай аўса.

Калі дуб зазелянеў раней, чым ясень, лета будзе сухое. Яблыні яшчэ квітнеюць – восень будзе позняя. Калі ад зямлі падымаецца пара, будзе дождж.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей