МІНСК, 28 вер - Sputnik. Спецыялісты жыллёвых арганізацый на гэтых выхадных плануюць скончыць працу па разваздушванні і наладцы сістэмы ацяплення ў жылых дамах Мінска, пра гэта паведамілі ў прэс-службе Мінгарвыканкама ў пятніцу.
Як паведаміў генеральны дырэктар Мінгаржылгаса Юрый Какашук, па выніках першых трох дзён атрымалася правесці цяпло ўжо ў 65% кватэр і дамоў сталічнага жылфонду.
"Спецыялісты жыллёвых арганізацый будуць працаваць у суботу і нядзелю, каб разваздушыць сістэмы і правесці наладку, дзе гэта неабходна", - растлумачыў Кукашук.
Адзначаецца таксама, што за мінулыя тры дні ад гараджан паступіла больш за шэсць тысяч заявак на разваздушванне сістэм ацяплення. Гэтая лічба на 45% менш, чым за аналагічны перыяд падачы цяпла ў дамы ў мінулым годзе.
Ацяпляльны сезон стартаваў у Беларусі 23 верасня ў сувязі з рэзкім і даволі доўгім пахаладаннем. А на наступны дзень стала вядома, калі беларусы будуць аплачваць ацяпленне "па поўнай": па словах віцэ-прэм'ера Аляксандра Турчына, увесці поўную аплату цеплазабеспячэння насельніцтвам плануецца праз 5 ці 6 гадоў.
