Зараз дакладна: у Беларусі створаць IT-універсітэт

Зараз дакладна: у Беларусі створаць IT-універсітэт

8
(абноўлена 14:08 14.10.2019)
Стварыць першую вышэйшую навучальную ўстанову для "айцішнікаў" плануюць ужо да наступнага навучальнага года.

МІНСК, 14 кас - Sputnik. IT-ВНУ маюць намер стварыць у Беларусі да новага навучальнага года, паведаміў у панядзелак пасля дакладу прэзідэнту віцэ-прэм'ер Аляксандр Турчын.

Прэзідэнт Беларусі Аляксандр Лукашэнка правёў у панядзелак нараду па асобных пытаннях развіцця краіны ў лічбавай сферы. Сярод паднятых тым - і магчымасць стварэння ў рэспубліцы першай IT-ВНУ.

Як распавёў пасля мерапрыемства Турчын, кіраўнік дзяржавы падтрымаў прапанову аб стварэнні IT-ВНУ.

"Гэта прапанова не толькі IT-супольнасці, але і нашых вядучых ВНУ: БДУ і БДУІР. Думаю, што ў бліжэйшы час мы ўнясём на разгляд кіраўніка дзяржавы адпаведны праект нарматыўнага прававога акта, які будзе рэгуляваць дзейнасць гэтай установы адукацыі", - расказаў першы віцэ-прэм'ер, яго словы прывяла БелТА.

Магчымая назва і форма ўласнасці будучай ВНУ пакуль не называюцца.

Нагадаем, з ініцыятывай адкрыць першую IT-ВНУ выступалі самі IT-кампаніі, яны пры гэтым былі гатовыя фінансаваць яе дзейнасць. Разам з тым Міністэрства адукацыі сумняваліся ў неабходнасці з'яўлення такой установы.

Сёння асноўнымі "кузнямі кадраў" для IT-сферы з'яўляюцца Белдзяржуніверсітэт і Беларускі дзяржаўны ўніверсітэт інфарматыкі і радыёэлектронікі (БДУІР).

8
Тэги:
Адукацыя, ВНУ, Беларусь, IT-тэхналогіі

Грамадства