Ваенрукоў вернуць? Мінадукацыі надасць увагу патрыятычнаму выхаванню

Ваенрукоў вернуць? Мінадукацыі надасць увагу патрыятычнаму выхаванню

16
(абноўлена 10:13 31.10.2019)
На думку Ігара Карпенкі, кожны школьнік павінен прымаць удзел у працы, якая "нясе ў сабе зарад патрыятызму і гонару за краіну".

МІНСК, 31 кас - Sputnik. Пасаду кіраўніка па ваенна-патрыятычным выхаванні плануецца ўвесці ў школах. Пра гэта міністр адукацыі Ігар Карпенка заявіў на калегіі ведамства "Аб выкананні даручэнняў кіраўніка дзяржавы ў сістэме адукацыі".

"Кіраўніком дзяржавы пастаўлена задача ўзмацніць выхаваўчую працу з падлеткамі і моладдзю. Педагогам важна фарміраваць светапогляд падрастаючага пакалення, надаваць увагу яго грамадзянскаму і патрыятычнаму выхаванню, падрыхтоўцы да далейшага самастойнага жыцця", - адзначыў Карпенка.

Паводле яго слоў, для ўдасканалення метадаў такой працы цяпер у міністэрстве разглядаюць пытанне аб "увядзенні ў школах пасады кіраўніка па ваенна-патрыятычным выхаванні". Міністр адукацыі перакананы, што формы работы ў гэтым кірунку могуць быць розныя.

"Гэта клопат пра ветэранаў, добраўпарадкаванне пахаванняў і воінскіх магіл, вывучэнне гісторыі воінскіх часцей і злучэнняў, партызанскіх атрадаў і падпольных груп у гады Вялікай Айчыннай вайны на тэрыторыі рэгіёнаў, арганізацыя "зорных паходаў", - прыводзіць тлумачэнні Карпенка БелТА.

На яго думку, гэта далёка не ўвесь пералік маштабнай практычнай працы, у якой павінен удзельнічаць кожны школьнік, бо "менавіта гэтая праца нясе ў сабе зарад патрыятызму і гонару за краіну".

Трывожныя кнопкі з'явяцца амаль усюды ў 2019-м

Карпенка таксама паведаміў, што да канца года трывожныя кнопкі будуць устаноўлены практычна ва ўсіх установах адукацыі. Тыпавыя ўнутраныя правілы распарадку для навучэнцаў ужо распрацаваны, акрамя таго, ведамства вывучыла выкананне даручэння па арганізацыі прапускнога рэжыму, а таксама абмежаванні выкарыстання мабільных тэлефонаў на ўроках у шэрагу школ.

"Калі на месцах не будуць прыняты меры па іх ужыванню, то гэта будуць усяго толькі чарговыя рэкамендацыі на паперы", - падкрэсліў Карпенка.

Ён таксама адзначыў, што сям'я і школа абавязкова павінны ўзаемадзейнічаць у пытаннях выхавання дзяцей, і заклікаў спыніць спрэчкі аб тым, "хто ж большы ў адказе".

"Школа павінна і вучыць і выхоўваць, а педагогі - несці адказнасць як за навучальныя дасягненні, так і за выхаванасць навучэнцаў. Нам трэба арганізаваць сямейнае выхаванне, і арганізуючым пачаткам павінна быць школа", - рэзюмаваў міністр адукацыі.

16
Тэги:
Беларусь, дзеці, школа
Дзяўчына ў ахоўнай масцы пакуе падарункі ў гандлёвым цэнтры Дана Мол у Мінску

Міністр працы распавяла, як змянілася ў Беларусі занятасць з-за пандэміі

3
(абноўлена 10:38 06.07.2020)
Сітуацыя на рынку працы Беларусі "дастаткова кіраваная", беларускія лічбы значна ніжэйшыя за ўзровень скарачэнняў, якія сёння назіраюцца на сусветным рынку, перакананая міністр.

МІНСК, 6 ліп - Sputnik. Колькасць занятых у эканоміцы знізілася за апошні час, паведаміла міністр працы і сацыяльнай абароны Ірына Касцевіч ў эфіры тэлеканала СТБ.

Паводле яе слоў першыя тры месяцы года былі стабільнымі.

"Змены пайшлі ўжо ў красавіку-маи. Мы гэта вельмі добра бачым, праглядалася гэтая праблема. Калі паглядзець за пяць месяцаў, то па занятых у эканоміцы - тэмп 99,8 працэнта. Гэта значыць на 0,2 адсоткі колькасць занятых у эканоміцы знізілася", - адзначыла Касцевіч.

Разам з тым, міністр лічыць, што сітуацыя на рынку працы Беларусі "дастаткова кіраваная". Ва ўсякім разе, беларускія лічбы значна ніжэйшыя за ўзровень скарачэнняў, якія сёння назіраюцца на сусветным рынку.

"Наймальнікі не ўжывалі актыўна такую меру, як масавае звальненне людзей альбо наогул звальненне людзей па неабгрунтаваных прычынах", - адзначыла міністр працы і сацыяльнай абароны.

Па дадзеных праверак 288 арганізацый сярэдняга і буйнога бізнесу міністэрства не выявіла масавых парушэнняў, былі зафіксаваныя толькі адзінкавыя выпадкі парушэння нормаў Працоўнага кодэкса.

Разам з тым, на прадпрыемствах усё часцей здараюцца прастоі, уводзіцца скарочаны рэжым працы. Касцевіч перакананая, што наймальнікі выбіраюць гэтыя меры, каб захаваць працоўныя калектывы.

"У маи вымушаная няпоўная занятасць вырасла ў чатыры разы. Так, гэта вялікі рост, але самае галоўнае для чалавека - тое, што ён захаваў працоўнае месца, самае галоўнае для наймальніка - ён захаваў прафесійныя кадры, якія вельмі складана знайсці на рынку працы", - адзначыла Касцевіч.

3
Тэги:
Беларусь, Ірына Касцевіч, Міністэрства працы і сацыяльнай абароны Рэспублікі Беларусь
Перад ЦТ

ЦТ па замежных мовах пройдзе сёння ў Беларусі

4
(абноўлена 09:26 06.07.2020)
У адзін дзень абітурыенты будуць здаваць іспыт па англійскай, нямецкай, французскай, іспанскай і кітайскай мовах.

МІНСК, 6 ліп - Sputnik. Цэнтралізаванае тэсціраванне (ЦТ) па замежных мовах пройдзе сёння ў Беларусі ў адпаведнасці з графікам, размешчаным Рэспубліканскім інстытутам кантролю ведаў (РІКВ).

Цэнтралізаванае тэсціраванне - асноўны этап уступнай кампаніі: абітурыенты здаюць выпрабаванні па выбраных прадметах, а затым з сертыфікатамі ЦТ і атэстаты падаюць дакументы ў прыёмныя камісіі ВНУ.

У панядзелак абітурыенты будуць здаваць ЦТ па замежных мовах. Па агульнай колькасці зарэгістраваных гэты прадмет традыцыйна ўваходзіць у тройку самых папулярных, пасля рускай мовы і матэматыкі.

Абітурыенты здаюць іспыт па англійскай, нямецкай, французскай, іспанскай і кітайскай мовах. З-за таго, што ЦТ праводзіцца ў адзін дзень, у тых, хто паступае ёсць магчымасць выбраць толькі адну мову для тэсціравання, нават калі яны вывучалі две і больш.

Здаваць ЦТ па замежных мовах трэба не толькі будучым філолагам і лінгвістам, але і многім іншым - напрыклад, тым, хто хоча займацца маркетынгам або эканомікай.

Стартуе ЦТ, як і заўсёды, у 11:00. Абітурыенты абавязкова павінны браць з сабой чорную гелевую асадку, пашпарт і спецыяльны пропуск у пункт правядзення тэсціравання.

У 2020 годзе з-за сітуацыі з каронавірусам улады вырашылі пачаць ЦТ пазней чым звычайна. Завершыцца тэсціраванне 16 ліпеня выпрабаваннем па сусветнай гісторыі, а да 21 ліпеня тэст змогуць здаць тыя, хто прапусціў яго ў асноўныя дні па ўважлівых прычынах.

Вынікі цэнтралізаванага тэсціравання, як правіла, з'яўляюцца на працягу дзесяці дзён з моманту здачы, аднак усё залежыць ад таго, якая колькасць людзей праходзіла выпрабаванні. Такім чынам, вынікаў ЦТ па біялогіі можна чакаць да 12 ліпеня - хутчэй за ўсё, яны будуць крыху раней.

4
Тэги:
Уступная кампанія, ЦТ, Беларусь
Тэмы:
Абітурыент - 2020
Збор подпісаў

ЦВК агучыў колькасць подпісаў, здадзеных прэтэндэнтамі ў прэзідэнты

0
(абноўлена 10:36 06.07.2020)
Больш за ўсё подпісаў у камісіі здаў штаб Аляксандра Лукашэнкі - колькасць крыху не дацягнула да двух мільёнаў.

МІНСК, 6 ліп - Sputnik. Цэнтральная выбарчая камісія агучыла колькасць подпісаў, здадзеных на праверкі ў тэрытарыяльныя выбаркамы прэтэндэнтамі ў прэзідэнты.

Колькасць подпісаў, прынятых у падтрымку вылучэння кандыдатаў у прэзідэнты, была агучана на мінулым тыдні. Пасля гэтага адбыліся некаторыя "нестыкоўкі": так, на карысць Ганны Канапацкой і Сяргея Чарэчаня "залічылі" большую колькасць подпісаў, чым яны самі заяўлялі.

У панядзелак Sputnik даведаўся ў Цэнтрвыбаркаме, хто з прэтэндэнтаў колькі здаваў подпісаў на праверку.
Так, у падтрымку Аляксандра Лукашэнкі было здадзена 1958800 подпісаў, пасля праверак "адбракавалі" каля 19 тысяч.

За Віктара Бабарыку здалі 367179 подпісаў, пасля праверак не залічылі 201435. Трэцім па колькасці пададзеных подпісаў быў Валерый Цапкала - аднак са 158682 не залічылі больш за 83 тысячы, з-за чаго экс-кіраўнік ПВТ не можа далей удзельнічаць у гонцы.

У падтрымку Ганны Канапацкой была здадзена 151631 подпіс, не залічана крыху больш за пяць тысяч. Штаб Сяргея Чарэчаня здаў 149750 подпісаў, ледзь больш за 6,6 тысяч не залічаны.

Нарэшце, каманда Андрэя Дзмітрыева здавала 110754 подпісы (не залічана 3913), штаб Святланы Ціханоўскай - 109479 (не залічана ледзь больш за 4,7 тысяч).

Нагадаем, не залічаны не толькі тыя подпісы, якія прызнаныя несапраўднымі.

Згодна з заканадаўствам, ЦВК правярае 20% подпісаў, калі з іх колькасці больш за 15% несапраўдныя, правяраюцца яшчэ 20%. Калі адсотак браку зноў 15% і вышэй, не залічваюцца наогул усе здадзеныя ў гэтым раёне подпісы.

Зараз у Беларусі пачаўся новы этап выбарчай кампаніі - рэгістрацыя кандыдатаў у прэзідэнты. Яна павінна адбыцца да 14 ліпеня, улічвацца пры прыняцці рашэння будзе не толькі колькасць подпісаў, але і адпаведнасць заканадаўству прэтэндэнтаў, а таксама дакладнасць іх дэкларацый аб даходах.

Выбары прэзідэнта Беларусі пройдуць 9 жніўня.

0
Тэги:
ЦВК Рэспублікі Беларусь, Выбары, Беларусь
Тэмы:
Выбары прэзідэнта Беларусі - 2020