Ліцейны цэх завода

Мінпрацы расказала, колькі гадзін будуць працаваць беларусы ў 2020 годзе

10
(абноўлена 13:47 21.11.2019)
Працоўных гадзін пры шасцідзённым тыдні менш: прычына ў тым, што ў 2020 годзе два непрацоўных святочных дня (9 мая і 7 лістапада) прыйдуцца на суботу.

МІНСК, 21 ліс - Sputnik. Разліковая норма працоўнага часу на 2020 год устаноўлена ў Беларусі. Яна зацверджана пастановай Міністэрства працы і сацыяльнай абароны №52 ад 14 лiстапада 2019 года, паведамілі ў прэс-службе профільнага ведамства.

Згодна з Працоўным кодэксам, у Беларусі штогод устанаўліваецца разліковая норма працоўнага часу пры пяцідзённым і шасцідзённым працоўным тыдні каляндарнага года. Так, норма на 2020 год (пры поўнай норме яго працягласці) складзе:

- 2040 гадзін для пяцідзённага працоўнага тыдня з выхаднымі днямі ў суботу і нядзелю;

- 2033 гадзін для шасцідзённага працоўнага тыдня з выхадным днём у нядзелю.

У Мінпрацы адзначылі, што прычына розніцы ў колькасці рабочых гадзін пры пяці- і шасцідзённым тыднях ў тым, што ў будучым годзе два непрацоўныя святочныя дні (9 мая і 7 лістапада) прыйдуцца на суботу.

Такая норма ўстаноўлена на падставе нормы працягласці працоўнага часу ў 40 гадзін у тыдзень (і восем гадзін у дзень) і толькі для названых рэжымаў працы.

10
Тэги:
Міністэрства працы і сацыяльнай абароны Рэспублікі Беларусь, Беларусь

Грамадства