З глінтвейнам і пернікамі: калядны кірмаш зладзяць у Гродне

© Sputnik / Алексей Витвицкий / Перайсці ў медыябанкАдкрыццё Калядных кірмашоў у Празе
Адкрыццё Калядных кірмашоў у Празе - Sputnik Беларусь
Падпісацца
Гродзенцам прапануюць набыць да святаў hand-made падарункамі, зробленыя беларускімі майстрамі.

ГРОДНА, 18 сне - Sputnik, Іна Грышук. Напярэдадні калядных і навагодніх святаў у Гродне вырашылі зладзіць кірмаш, на якім можна купіць аўтэнтычныя падарункі і падтрымаць беларускіх народных майстроў - шасцідзённы калядны кірмаш "Кірмаш Палешукоў" пройдзе з 20 па 22 і з 27 па 29 снежня ў гандлёвым цэнтры "ОлдСити".

Відэафакт: пажарная каланча ператварылася ў самую бяспечную ёлку Гродна - Sputnik Беларусь
Відэа
Відэафакт: пажарная каланча ператварылася ў самую бяспечную ёлку Гродна

У гэтыя дні ў Гродне збяруцца народныя майстры з усёй Беларусі, яны прывязуць свае вырабы, якія могуць стаць цікавымі падарункамі на Каляды і Новы год. Арганізатары абяцаюць - на кірмашы будуць прадстаўлены толькі сувеніры, зробленыя ўручную - гэта шакалад, калядныя пернікі, вязаныя цацкі, сувеніры з керамікі, шкла, дрэва, ўпрыгажэнні ручной працы, абярэгі, прадметы інтэр'еру, аўтарскі тэкстыль для дома і многае іншае.

Падобныя мерапрыемствы ў мінулыя гады праводзіліся на Савецкай плошчы ў Гродне. У гэтым годзе яно павінна стаць больш маштабным, а па атмасферы нагадваць традыцыйныя еўрапейскія калядныя кірмашы.

"Кірмаш" Кірмаш Палешукоў" - тое, чаго ў Гродне не праводзілася з такім маштабам, і мы рады адкрыць новую традыцыю. Упэўненыя, што гэта стане нечым, што будзе асацыявацца з зімовымі святамі на працягу многіх гадоў", - распавялі арганізатары мерапрыемства.

На кірмаш прыедуць таксама гаспадары беларускіх эка-паселішчаў, якія абяцаюць прывезці традыцыйныя беларускія дэсерты і натуральныя прадукты да святочнага стала.

Стужка навiн
0