Лукашэнка прыйшоў на ёлку ў Палац Рэспублікі

© Photo : Пресс-служба президента РБЛукашэнка прыйшоў на ёлку ў Палац Рэспублікі
Лукашэнка прыйшоў на ёлку ў Палац Рэспублікі - Sputnik Беларусь
Падпісацца
Віншаванні прэзідэнта слухалі сіроты, дзеці са шматдзетных і малазабяспечаных сем'яў, а таксама пераможцы разнастайных алімпіяд і конкурсаў.

МІНСК, 27 сне - Sputnik. Стварэнне Нацыянальнага дзіцячага тэхнапарку для самых адораных юных беларусаў анансаваў прэзідэнт Беларусі Аляксандр Лукашэнка падчас свайго выступу перад гасцямі дабрачыннага свята ў Палацы Рэспублікі ў рамках акцыі "Нашы дзеці".

На галоўную ёлку краіны, куды прыехаў і прэзідэнт, запрасілі сірот, дзяцей, якія засталіся без апекі бацькоў, і дзяцей са шматдзетных і малазабяспечаных сем'яў, а таксама пераможцаў разнастайных алімпіяд і конкурсаў.

Прэзідэнт Беларусі выказаў упэўненасць, што юныя беларусы стануць добрымі людзьмі - сумленнымі, добрымі і працавітымі - і зробяць для сваёй краіны нешта вельмі важнае і карыснае.

"Доказ - вашыя шматлікія дыпломы прадметных алімпіяд, перамогі на музычных і мастацкіх конкурсах, медалі ў спорце. Я шчыра ганаруся ўсімі вашымі поспехамі. Думаю, што такіх поспехаў стане яшчэ больш, калі мы адкрыем Нацыянальны дзіцячы тэхнапарк для самых адораных юных беларусаў", - цытуе Лукашэнку агенцтва БелТА.

Па словах прэзідэнта, патрапіць у дзіцячы тэхнапарк змогуць дзеці з усіх куткоў краіны, а пропускам туды будуць веды і талент.
Лукашэнка таксама казаў і пра марафон "Нашы дзеці", які закліканы падарыць свята тым рабятам, якія сёння больш за ўсё маюць патрэбу ў клопаце і падтрымцы.

"Менавіта так, у добрых справах, працягваюцца лепшыя традыцыі беларусаў, у чыём жыцці ніколі не было, няма і не можа быць чужых дзяцей", - заявіў кіраўнік дзяржавы.

Паводле яго слоў, Беларусь заўсёды гатова прыняць удзел у лёсах маленькіх грамадзян іншых дзяржаў. На аздараўленне ў Беларусь прыязджаюць дзеці з розных краін, у тым ліку з Японіі, Кітая, Сірыі. Толькі ў цэнтры "Зубраня" пабывалі рабяты з больш чым 40 краін свету.

"Для мяне як прэзідэнта вельмі важна зрабіць усё магчымае, каб у жыццё ўсіх вас, кожнага нашага дзіцяці прыйшло чараўніцтва ў выглядзе шчырага клопату і душэўнага цяпла, нечаканых падарункаў, прыемных сустрэч з добрымі і спагаднымі людзьмі. Менавіта такім павінна быць наша свята", - сказаў Лукашэнка, звяртаючыся да гасцей свята ў Палацы Рэспублікі.

Пры гэтым ён папрасіў удзельнікаў свята шанаваць і берагчы бацькоў, блізкіх і настаўнікаў, якія дапамагаюць асвоіць важныя веды, раскрыць і развіць таленты, нарэшце, знайсці сваё месца ў жыцці.

"Няхай поспехі кожнага стануць лепшай падзякай за іх працу", - сказаў прэзідэнт.

Усяго на навагодняе свята ў Палац Рэспублікі запрошаны больш за 2,3 тысячы хлопчыкаў і дзяўчынак.

Стужка навiн
0