Міністр культуры Юрый Бондар

Міністр паабяцаў павышэнне заробкаў работнікам культуры

46
(абноўлена 22:58 05.01.2020)
Cфера культуры ў мінулым годзе адчувальна нарасціла экспарт паслуг і не збіраецца змяншаць тэмпы ў насталым.

МІНСК, 6 сту - Sputnik. Урад распрацаваў план павышэння аплаты працы работнікаў сферы культуры, у гэтым годзе сярэдняя зарплата ў галіне даведзена да 640 рублёў, паведаміў міністр культуры Юрый Бондар.

"Работнікі сферы культуры традыцыйна не лічыліся высокааплатнымі, але мы здолелі ў гэтым годзе нарасціць заработную плату, і ў сярэднім яна склала 640 рублёў па галіне", - заявіў міністр у эфіры праграмы "Контуры" на тэлеканале АНТ.

Паводле яго слоў, урадам распрацаваны план павышэння зарплаты ў галіны, у адпаведнасці з якім да 2023 яна павінна скласці 80% ад заробку ў вытворчай сферы.

Разам з тым Юрый Бондар адзначыў, што галіна культуры павінна сама зарабляць, каб эфектыўна вырашаць задачы, якія стаяць перад ўстановамі.

Міністр культуры таксама падкрэсліў, што стаіць задача не павялічваць кошт паслуг галіны.

"Паслугі сістэмы культуры павінны быць даступнымі", - падкрэсліў міністр.

Юрый Бондар паведаміў, што летась вырас экспарт паслуг галіны і ў будучыні гэтая тэндэнцыя павінна захавацца. "Павелічэнне экспарту паслуг з'яўляецца важным і значным дасягненнем", - сказаў міністр культуры.

46
Тэги:
Беларусь, Міністэрства культуры РБ, Юрый Бондар
Праца медыка, архіўнае фота

Клінічныя выпрабаванні дзвюх вакцын ад COVID-19 у РФ стартуюць у чэрвені

6
(абноўлена 16:58 01.06.2020)
Вакцыны распрацаваны буйнымі фармкампаніямі разам з вядучымі навуковымі арганізацыямі Міністэрства аховы здароўя і Расспажыўнагляду.

МІНСК, 1 чэр - Sputnik. Клінічныя даследаванні двух першых расійскіх вакцын ад COVID-19 павінны пачацца ў чэрвені. Пра гэта міністр прамысловасці і гандлю РФ Дзяніс Мантураў заявіў у панядзелак.

"У чэрвені павінны пачацца клінічныя даследаванні першых вакцын, якія распрацоўваюцца нашымі фармкампаніямі "Біякад" і "Генерыўм" разам з вядучымі навуковымі арганізацыямі Міністэрства аховы здароўя і Расспажыўнагляду", - сказаў Мантураў падчас пасяджэння прэзідыума каардынацыйнай рады па каронавірусу, яго цытуюць РІА "Новости".

Нагадаем, у РФ цяпер актыўна займаюцца распрацоўкай вакцын ад каронавіруса: мяркуецца, што першыя ўзоры могуць стаць даступныя для расійскіх медыкаў ужо ў жніўні-верасні гэтага года.

Так, распрацоўкай занятыя ў навуковым цэнтры "Вектар": першапачаткова тут даследавалі 25 варыянтаў вакцын, затым выбралі тры з іх, якія паказалі найбольшую эфектыўнасць і з'яўляюцца найбольш простымі ў вытворчасці.

Адрозніваюцца яны не толькі па сваім функцыянальным пачатку, але і па спосабе і схеме імунізацыі: да прыкладу, схема ўвядзення аднаго з іх - інтэрназальная (фактычна ён проста закапваецца ў нос). Вядома таксама, што выпрабаванні вакцыны для дзяцей і пажылых людзей пачнуцца пасля атрымання станоўчых вынікаў і рэгістрацыі прэпарата.

6
Тэги:
Вакцынацыя, каронавірус, Расія
Тэмы:
Каронавірус COVID-19
Прэзідэнт РФ У. Пуцін і прэм'ер-міністр РФ Д. Мядзведзеў на ваенным парадзе ў гонар 74-й гадавіны Перамогі ў ВАВ

Ці змогуць замежнікі патрапіць на парад у Маскву, пакуль невядома

9
(абноўлена 13:26 01.06.2020)
Афіцыйныя дэлегацыі змогуць прыехаць на ўрачыстасці, нават калі межы да таго часу не адкрыюць, - на іх рэжым закрытых межаў не распаўсюджваецца.

МІНСК, 1 чэр - Sputnik. Масква пакуль не прымала рашэння аб адкрыцці межаў для замежнікаў, заявіў прэс-сакратар прэзідэнта Расіі Дзмітрый Пяскоў.

"Пакуль ніякіх рашэнняў адносна адкрыцця межаў для ўсіх замежнікаў не прымалася, таму я нічога не магу сказаць, ці будуць такія рашэнні прынятыя да моманту правядзення параду", - сказаў Пяскоў, адказваючы на пытанне журналістаў, ці адкрыюць межы для замежнікаў да парада Перамогі, які запланаваны на 24 чэрвеня.

Пры гэтым прэс-сакратар расійскага прэзідэнта нагадаў, што нават калі рэжым закрытых межаў не будзе зняты, на афіцыйных гасцей парада ён не распаўсюджваецца.

"У любым выпадку рэжым закрытых межаў не распаўсюджваецца на афіцыйныя візіты дэлегацый, тым больш на вышэйшым узроўні", - сказаў Пяскоў.

Расія ўвяла забарону на ўезд замежнікаў у краіну ў сярэдзіне сакавіка ў сувязі з небяспечнай эпідсітуацыяй, звязанай з распаўсюджваннем каронавіруса. Першапачаткова забарона дзейнічала да 30 красавіка. Аднак затым расійскі ўрад працягнуў гэтую забарону "да таго часу, пакуль барацьба з інфекцыяй не будзе завершана, і эпідэміялагічная сітуацыя не палепшыцца", - патлумачыў тады рашэнне кіраўнік урада Міхаіл Мішусцін.

З 12 мая ў Расіі пачалі здымаць каранцін. Аднак, кажучы пра гэта, прэзідэнт РФ Уладзімір Пуцін адразу папярэдзіў, што выхад з каранціннага рэжыму хуткім не будзе і пройдзе паэтапна. Да поўнай адмены рэжыму неабходна выконваць усе санітарныя патрабаванні і дадатковыя прафілактычныя меры.

9
Тэги:
Парад Перамогі, Расія
Тэмы:
Дзень Перамогі - 2020

Лукашэнка: "майдана" у Беларусі не будзе - відэа

0
(абноўлена 18:00 01.06.2020)
На сустрэчы з кіраўніком Камітэта дзяржбяспекі прэзідэнт папярэдзіў усіх, хто яго чуе: "майдана" у Беларусі не будзе. Глядзіце заяву кіраўніка дзяржавы на відэа.

Прэзідэнт Беларусі Аляксандр Лукашэнка сказаў, што дасведчаны аб існаванні планаў зладзіць "майданчык" напярэдадні або ў дзень прэзідэнцкіх выбараў.

"Майдана ў Беларусі не будзе", - заявіў ён на сустрэчы са старшынёй Камітэта дзяржаўнай бяспекі Валерыем Вакульчыкам.

Лукашэнка адзначыў, што дзяржаўная бяспека - аснова асноў, і вядучая роля па абароне незалежнасці і суверэнітэту рэспублікі належыць КДБ і прэзідэнту асабіста.

"Мы ведаем мэты, якія пераследуюць тут асобныя людзі. Гэтыя мэты нам ясныя. Зладзіць нам "майданчык" напярэдадні прэзідэнцкіх выбараў або ў дзень прэзідэнцкіх выбараў. Так яны планавалі. Хачу на гэтай сустрэчы вас папярэдзіць і ўсіх, хто нас пачуе, усіх гэтых майданутых хачу папярэдзіць, што "майдана" у Беларусі не будзе", - сказаў Лукашэнка.

На сустрэчы ён падкрэсліў, што дэстабілізацыі абстаноўкі ў краіне не дапусціць. Ён таксама пракаментаваў асобныя публікацыі ў СМІ.

"Не трэба нас параўноўваць, як нядаўна газета суседняй краіны папісвала, што тут у нас з'явіліся новыя Пашынян, новыя Зяленскі і ў нас ледзь не сітуацыя не тое як у Арменіі, не тое як ва Украіне", - сказаў Лукашэнка і выказаў упэўненасць, што ў Беларусі няма такіх лід араў, як прэм'ер Арменіі і ўкраінскі прэзідэнт, з якімі ён ужо паспеў блізка пазнаёміцца.

Лукашэнка выказаў здагадку, што некаторыя хочуць прадаць за капейку ўсё, што створана ў краіне, не толькі уладай, але і народам, і адзначыў, што гэтага нельга дапусціць.

0
Тэги:
Аляксандр Лукашэнка